Hosea 2:9 - De Beebaa Dabu

⁹ Deenei ai, au e kave gee naa agu hua grain i de masavaa e maatua ai, ma agu uvaini i de masavaa gu hagailonga ange laa; au e kave gee naa hogi agu wool ma agu flax, ne hakahu ai laa ia gi dee gilisau.

Hosea 2:9 Referans Kwoze

Malachi 3:18

Gai goodou e gidee naa de dagodo geegee o de gau heohi ma de gau baubau, ma de dagodo geegee o dangada e daumaha ange gi de Maadua, ma dangada e dee daumaha ange gi de ia.

Malachi 1:4

Gai ga hagataba naa donu de gau Edom, “Demaadeu henua gu oohaa, gai gimaadeu e hagaduu age ange naa,” aagai e hagadaba Tagi o denga hagabuulinga hebagi: “Gilaadeu e hagaduu age naa, aagai au e oha iho naa donu. Gai gilaadeu e hagaingoo ange naa go de Henua Baubau, gai se huaadangada e nnoho i lalo de bole o Tagi Maolunga ga hano ai.

Hosea 2:3

Au kana hagaui ono malo gi gilisau ai ia bei de laangi oona ne haanau ai laa, ma de hai ia gi bei dagodo o de vao, ma de mommee e deai vai iai, aama de daa ia gi magau i dono hieunu.

Zephaniah 1:13

Goloa o dangada bee nei e gaiaadia naa, olaadeu hale e odi naa i de oha iho. Gilaadeu e hagatuu naa denga hale, aagai gilaadeu e dee nnoho ai; gilaadeu e doo naa denga veelengaa grape, aagai gilaadeu e dee unu uvaini e hai ai.”

Joel 2:14

Gai goai e iloo be ia e dee ahe naa dana maanadu ga dugu dahi manuuia, bei sigidaumaha o denga grain ma sigidaumaha o mee unu e vange gi Tagi Maolunga doodou Maadua?

Hosea 9:2

Denga mommee hili huamanu ma mommee kumi uvaini e dee maua i de haangai gilaadeu, gai e deai naa alaadeu uvaini hoou.

Hosea 8:7

Gilaadeu ne doo de madangi, gai e hagihagi naa hua o ssio. Alaadeu grain e deai olaadeu hua, gai e dee maua i de hai ai pelaoaa. Gai noo e hanu olaadeu hua grain, gai de gau henua gee e loomai naa ga kave.

Daniel 11:13

Go hiidinga de hodooligi o ngaiho e ahe ange naa ga hagabuni dahi hagabuulinga hebagi e soa ange i de hagabuulinga i mua; gai dua naa huu hanu ngadau, gai ia e ahe mai naa donu madali de hagabuulinga hebagi soa aama denga goloa hebagi lagolago.

Ezekiel 23:26

Gilaadeu e aau gee naa hogi oo malo ga kave au hadu hagamogomogo.

Ezekiel 16:39

Gai au e dugu ange naa goe gi oo dau soa, gai gilaadeu ga oha oo mommee daumaha maolunga, gai gilaadeu ga hagaui oo malo ga kave denga hadu hagamogomogo aau e dau laa, ga tili goe gu deai oo malo ma tee gahu.

Ezekiel 16:27

Tilo, au ne hagaabo dogu lima ga hai baasi adu ai gi de goe, ga hai gi damaa mee mai ange doo vaaenga; au ne dugu ange goe gi de nnoo hagamau mee o oo hagadaumee, go de gau Philistia, gai gilaadeu ne llele mouli i delaadeu gidee au vaivai dahulinga.