Hosea 12:2 - De Beebaa Dabu

² Tagi Maolunga e dahi ana mee e hagabaubau ai Judah, ia e hagaduasala naa Jacob gi bei dagodo o ana haingaa mee, ma de hagao ange ia gi bei dagodo o ana hegau.

Hosea 12:2 Referans Kwoze

Micah 6:2

Denga mounga, hagalaangona muna a Tagi Maolunga e hagabaubau ai goodou; denga dagelo o henua i lalo e daakodo laa ga hano ai, goodou hagalaangona. Go hiidinga Tagi Maolunga e dahi ana mee e hai baasi ange ai gi dono huaadangada; ia e hagadaumee ange donu gi Israel.

Hosea 4:1

De gau Israel, nnoho mai hagalaangona muna a Tagi Maolunga; go hiidinga Tagi Maolunga e dahi ana mee e hai baasi ange ai gi dangada e nnoho i de henua. Gu deai dangada e hai hegau i de mee abodonu, aabe se aloha, gai dangada i honga de henua gu dee iloo de Maadua.

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Galatians 6:7

Aude hagasengalia donu huu goodou; e deai donu se dangada e maua i de hagangadi mee de Maadua, go hiidinga be se aha naa huu a tangada e doo, gai ia e hagihagi hogi hua o ana mee ne doo.

Romans 2:6

Gai ia e hagamodu naa muna o dahi ma dahi gi bei dagodo o ana hegau:

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Hosea 8:13

Gilaadeu e hai denga sigidaumaha mai gi de au, ma de gai kano o manu e hai ai; aagai Tagi Maolunga e dee malangilangi i gilaadeu. Gai ia e dee ngalo naa donu olaadeu baubau, ma de hagaduasala gilaadeu i hiidinga olaadeu haisala; gilaadeu e aahe naa ga hulo gi Egypt.

Hosea 4:9

Dangada ma de gau haimeedabu gu dagodo daudahi donu huu; au e hagaduasala naa gilaadeu i hiidinga o alaadeu hegau, ma de hagao ange alaadeu hegau baubau.

Hosea 2:13

Au e hagaduasala naa ia i hiidinga laangi aana nogo dudu ai mee maanongi ange gi denga Baal; ia ne hagalaagii ia i denga buulei ma hadu hagamogomogo, ga doolohi saele ai ono dau soa, aagai ia gu ngalo donu au, go Tagi Maolunga e hagadaba.

Jeremiah 25:31

De leo o de hellumi gu dae loo gi de bido laa o henua i lalo, go hiidinga Tagi Maolunga gu hagabaubau denga huaahenua. Ia e hagamodu naa muna o dangada alodahi; ma de daa gi maakau de gau baubau i de gadilaasa,’ ” go Tagi Maolunga e hagadaba.

Isaiah 59:18

Gai ia e hagao ange naa gilaadeu gi bei alaadeu hegau, ma de bole ange gi ono hagadaumee, ma de hagao ange hegau a dangada e kino i de ia; gai ia e sui ange naa hegau a dangada e nnoho i tagudai.

Isaiah 24:21

De laangi laa gai Tagi Maolunga e hagaduasala naa denga dagi maolunga o lo te langi i lunga ma denga hodooligi o henua i lalo.

Isaiah 10:12

Deelaa ai, de masavaa naa huu a de Ia Aamua e hagalava ai ana hagatau alodahi ange gi de mounga go Zion ma Jerusalem, gai ia e hagadaba naa, “Au e hagaduasala naa de hodooligi o Assyria, i hiidinga dono lodo maolunga ma luoono mada hagamaolunga.

Isaiah 3:11

E vakaa naa tangada baubau! Ia e hai ngadaa naa! Ana hegau ne hai e aahe ange naa donu huu gi de ia.

Hosea 9:9

Dangada gu kona donu de baubau, bei denga laangi i Gibeah. De Maadua e hagamaanadu naa donu olaadeu baubau, ma de hagaduasala gilaadeu i hiidinga olaadeu haisala.

Hosea 7:2

aagai gilaadeu e tee tonu iho donu bolo au e manadua alaadeu hegau baubau alodahi. Alaadeu hegau baubau gu duuli gilaadeu, gai e daakodo donu i mada luoogu mada i masavaa alodahi.

Hosea 9:15

Alaadeu hegau baubau alodahi i Gilgal ne hai au ga kino i gilaadeu i kilaa. Go hiidinga de baubau alaadeu hegau au e alualu naa gilaadeu gi hulo gee mai i dogu hale. Au e dee aloha naa donu i gilaadeu; olaadeu dagi alodahi i de henua gu hai baasi mai.

Amos 2:4

E hagadaba Tagi Maolunga: “Tolu hanonga o Judah e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu gu tili hainga a Tagi Maolunga, ma tee daohi ana mee gu hagasauaa, aagai gilaadeu ne hagasengalia i denga diinonga hadu muna, go diinonga a olaadeu dubuna ne daumaha ange laa aagena.

2 Kings 17:4

Aagai de hodooligi o Assyria gu iloo bolo Hoshea gu hai dagi hagatau vaivai dagodo, go hiidinga ia gu hai hanu dangada gi hulo gi daho de hodooligi o Egypt go So, gai ia gu dee hagao ange hogi taagisese gi de hodooligi o Assyria, bei ana hegau e hai i ngadau gu hulo. Deelaa ai, de hodooligi o Assyria ne poo ia ga hhao gi lo te hale pono.

De Beebaa go Job 15:2

“E aha, e maua e dahi dangada heiangi i de basa ange i hanu ngadi muna, aabe go de ngadi basa bei dagodo o de madangi hagavvela mai i dua?

Psalm 78:36

Aagai gilaadeu tee tala ange gi de ia de muna abodonu; gai ne hadu muna ange gi de ia i olaadeu ngudu.

Ecclesiastes 5:15

Tangada ne gilisau donu huu ga haanau mai ai i daho dono dinana, gai e bei ai hogi dono hai e magau ai. Ia e dee kave naa donu dahi mee daudahi oona gu hai hegau ange laa aagena.

Isaiah 30:6

Muna hagadaemaha i dagodo o denga manu dolodolo i Negev: De gau sui e loomai naa gi de henua hai ngadaa ma de hagaduasala, go de mommee iai de laiono gauligi ma de laiono mmahi, de labodo hagammau ma de labodo lele. Gilaadeu e hagauda mai naa olaadeu lava i honga denga donkey, gai olaadeu goloa hagamogomogo i honga denga gamelo, gi de henua e deai ono haigamaiana ange gi gilaadeu,

Hosea 7:1

de masavaa aagu e lodo ai e hagaieiangi Israel, gai gu gidee mai baubau a Ephraim, ma hegau dee heohi a Samaria. Gilaau ne hai hegau i de hagasenga, de gau gaiaa e ulu gi lodo hale e gaiaa ai, denga hagabuulinga e gaiaa mee o dangada i honga denga haiava;

Hosea 7:11

Ephraim gu bei dahi manu kono e lodo senga laa ma teai ana maanadu danuaa; ia e hagahi ange Egypt ma de hano gi Assyria.

Hosea 8:9

Gilaadeu gu hulo gi Assyria, bei dahi donkey aada e silivaahea saele laa. Ephraim gu hagao ange ia gi ono dau soa.

Hosea 8:10

Gai e dee galemu donu delaadeu hagao ange gilaadeu gi denga huaahenua, gai au gu dai hagabuni mai naa gilaadeu. Gilaadeu gu hagadaga ange naa de sogoisi i delaadeu hagaduasala ina i daho denga hodooligi ma dagi.