Hosea 11:6 - De Beebaa Dabu

⁶ De gadilaasa e hano naa laa lodo olaadeu aduhale, ga oha mee hagamakaga o denga haitoga, ma de hai gi dee ssula alaadeu hagatau.

Hosea 11:6 Referans Kwoze

Hosea 13:16

Dangada o Samaria e hagaduasala donu i hiidinga olaadeu haisala, go hiidinga gilaadeu ne hai baasi ange gi delaadeu Maadua. Gilaadeu e daa naa ga maakau i de gadilaasa; alaadeu gauligi e dagadagahia naa gi lo te gelegele, alaadeu haahine hai tama e hangahanga ina naa olaadeu dinae.

Hosea 10:14

deenei ai, de hagalongaa o de hebagi e dae mai naa gi oo dangada, gai oo mommee buibui makaga alodahi e oha naa — bei de hai a Shalman ne oha ai laa Beth Arbel i de masavaa o de hebagi, ma de masavaa o denga dinana ma alaadeu dama ne dagadagahia ai gi lo te gelegele.

Hosea 10:6

Tiinonga laa e gaavee naa gi Assyria, ga gaavange gi de hodooligi maolunga laa. Ephraim e dogaa naa, Israel e dogaa naa hogi i dono diinonga.

Malachi 4:1

“Gai tilo, e dae mai naa de laangi o de ahi ula, bei de ahi i lo te mommee dao mee. Gai de gau hagamaolunga ma dangada alodahi e haia de baubau, e dudu naa i de ahi, bei denga lau manu mmasa, go Tagi o denga hagabuulinga hebagi e hagadaba, gai e deai naa donu se aga aabe se laa daudahi e doe.

Micah 5:11

Au e oha naa denga aduhale i doo henua, ma de oha iho oo mommee buibui makaga.

Ezekiel 20:47

gai hai ange gi de lodo henua o Negev, ‘Hagalaangona muna a Tagi Maolunga. E hagadaba de Ia Aamua go Iahweh: Tilo, au e dahu naa dahi ahi i kilaa, ga dudu ai denga manu ssomo alodahi, go manu ssomo lau kohu ma manu ssomo maakau; gai de ula o de ahi e dee maua naa donu i de diinei, gai de mommee laa alodahi e odi naa i de dudu, mai i de bido gi ngaage ga dae ai gi de bido i ngaiho.

Jeremiah 5:17

Gai gilaadeu e gai naa oodou huamanu gu hagihagi ma oodou gai, ma de hai ga deai oodou dama daane ma damaa hine. Gilaadeu e ngole naa oodou hagabuulingaa ssiibi ma kaau, ma de gai hua o oodou grapevine ma oodou fig. Gai alaadeu gadilaasa e oha naa denga aduhale buibui oodou e tali ange naa aagena.

Isaiah 30:1

E hagadaba Tagi Maolunga, “E vakaa naa denga dama hai alaadeu hai, e haia laa hanu hagatau gai e dee bei agu hagatau, gilaadeu e hagaheloongoi ma denga huaahenua aagai e dee hai hegau i ssauaa o dogu hagasaalunga, gai gilaadeu e hagalagolago olaadeu haisala.

Isaiah 27:10

De aduhale buibui gu ngadi dagodo, gu deai e nnoho ai, bei dagodo o de vao; gai damaa a denga kaau e gaimee i kilaa, ma de daakodo ai ga hagammabu, ma de gai ga deai lau o ono laa.

Isaiah 18:5

Gai go mua de hagihagi, i de masavaa e malili ai denga huaala ga odi gai denga huaala gu ni grape lleu, gai ia e velevele naa denga laa vaaligiligi i de naivi, ma de duuduu ga aau gee denga laa gu lloa laa.

Isaiah 9:14

Deelaa ai, Tagi Maolunga e tuu naa ngaadahi de biho ma ssugi o Israel, ma denga laa o de palm ma denga aalege i dahi laangi donu huu;

Psalm 106:43

Ne lagolago hanonga aana ne hagaola ai gilaadeu, gai gilaadeu ne daudali donu huu i alaadeu hagatau, gai olaadeu baubau gu hai gilaadeu ma gu maolalo.

Psalm 106:39

Gai gilaadeu gu hakino gee i alaadeu hegau ne hai, gilaadeu ne hai hegau bei de hine hai be se manu.

Deuteronomy 32:25

De gadilaasa e daa ga maakau dangada i duaahaho, gai de mee hagamaatagu gu dagodo i lodo, ange gi denga dama daane ma denga damaa hine, denga gaagaa ma de gau madumaatua.

Deuteronomy 28:52

Gai gilaadeu e loomai naa ga duuli oo aduhale alodahi, ga dae ai gi delaadeu oha denga aduhale buibui i honga doo henua alodahi, aau e tali hagalodolodo ange naa aagena. Gilaadeu e duuli naa goe gi dee maua i de ssao mai i lodo aduhale, i de henua alodahi a Tagi Maolunga doo Maadua e gaavadu gi de goe.

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.

Leviticus 26:31

Au e oha naa gi maoha oodou aduhale, gai ni mommee dabu gi ngadi daakodo, gai au e dee hagadungu naa donu oodou sigidaumaha nnamu kala.

Jeremiah 50:35

Dahi gadilaasa e hai baasi ange naa gi de gau Babylon! go Tagi Maolunga e hagadaba, gai e hebagi ange gi dangada e nnoho i Babylon, ma ono dagi aama ono daane heiangi!

Lamentations 2:9

Haitoga o de aduhale gu baakuu gi honga de gelegele; gai olaadeu laagau hagamakaga gu hadihadi ma de maoha. De hodooligi ma denga dagi o de henua gu gaavee gi denga huaahenua; gai gu deai donu hainga, gu deai hogi midi e hagaago ange gi denga pelaabisi mai i daho Tagi Maolunga.

Hosea 4:16

De gau Israel e hagamakaga olaadeu lodo, bei dagodo o de kaau hahine; gai e maua ai naa e Tagi Maolunga i de hagaloosi gilaadeu bei denga ssiibi i de mommee laumalie iai helii?

Hosea 4:17

Ephraim gu hagabuni ange gi denga diinonga, dugua donu huu ia.

Amos 6:8

De Ia Aamua go Iahweh gu hagatoo donu i dono ingoo, go Tagi Maolunga, de Maadua o denga hagabuulinga hebagi e hagadaba: “Au e kino i de hagamaolunga o Jacob, ma ono mommee buibui makaga; gai au e dugu ange naa de aduhale ma mee alodahi iai gi olaadeu hagadaumee.”

Leviticus 26:25

Gai au e hagaduasala naa goodou i de gadilaasa, e sui adu ai doodou oha dagu hagatoo donu hagaheloongoi. Gai de masavaa naa huu oodou e hagabuni i lodo oodou aduhale, gai au e gaamai naa denga mee hagamaakau gi daia goodou, ma de dugu ange oodou hagadaumee gi hagadee kii ina goodou.