Hosea 10:1 - De Beebaa Dabu

¹ Israel e bei dagodo o dahi grapevine lau kohu, gu loage laa ono hua. Gai ga hagadaga ange huu de lagolago ono hua gai ia ga hagaduu gu kii ange de lagolago ono mommee o ssigidaumaha. Gai ga hagadagadaga age huu dono lava, gai ia ne hagalaagii ono duludulu hadu dabu.

Hosea 10:1 Referans Kwoze

Hosea 8:11

Ephraim ne hagatuu mommee o ssigidaumaha lagolago ange gi de haisala, aagai mommee nei gu ni mommee o ssigidaumaha e hagahaisala ina ia.

Hosea 12:11

E aha, e dee dagodo de baubau i Gilead? Ono dangada gu deai olaadeu haigamaiana! E aha, gilaadeu e dee hai ssigidaumaha o denga kaau i Gilgal? Olaadeu mommee o ssigidaumaha e bei naa denga hagabuudungaa hadu i lodo veelenga gu hagabalabala laa.

Philippians 2:21

De gau ange laa alodahi e ssala donu huu olaadeu mee e llodo ai, e dee go mee o Iesu Klisdo e lodo ai laa.

Jeremiah 2:28

Gai i hee iai denga diinonga aau ne hai laa moou? Haia gilaadeu gi hiihidi age noo gilaadeu e maua i de hagaola goe i de masavaa oou e hai ngadaa ai! Judah, oo diinonga gu lagolago donu bei oo aduhale.

Leviticus 26:1

“ ‘Goodou gi dee hai hanu diinonga be gi hagaduulia dahi diinonga, aabe se duludulu hadu moodou, gai goodou e dee hai dahi diinonga hadu i honga doodou henua ga daumaha ange aagena. Go au go Iahweh doodou Maadua.

1 Kings 14:23

Gai gilaadeu ne hagatuu hogi hanu mommee daumaha, ma hanu duludulu hadu, ma duludulu laagau o Asherah i honga duuduu ma lalo manu ssomo alodahi.

2 Corinthians 5:16

Deenei ai, mai iainei gai gimaadeu gu dee tilo dangada bei de hai a dangada e tilo ai; e dee galemu donu gimaadeu nogo tilo Klisdo i mua bei de hai a dangada e tilo ai laa, gai iainei gimaadeu gu dee tilo bee nei.

Nahum 2:2

Tagi Maolunga e hagaahe ange naa de mahamaha o Jacob bei de mahamaha o Israel, e dee galemu donu de gau e oohaa mee gu oha gilaau ma gu ngadi dagodo gai gu hadihadi olaau laa.

Hosea 13:6

De masavaa aagu ne haangai ai gilaadeu, gai gilaadeu ne boobosu danuaa; de masavaa olaadeu ne boobosu ai, gai gilaadeu gu hagamaolunga; gilaadeu gu ngalo donu au.

Hosea 13:2

Gai iainei gilaadeu gu dee modu de haisala: gilaadeu e hai olaadeu diinonga baalanga, gilaadeu e labagau i de hai olaadeu diinonga selevaa. Gai dangada gu hagataba i olaadeu dagodo, “Gilaadeu e hai sigidaumaha i dangada ma de oso denga kaau gauligi.”

Hosea 12:8

Ephraim e hagadaba, “Au gu kona mmao dogu lava, au gu lagolago mmao ogu goloa. Gai gilaadeu e dee gidee naa donu dahi baubau daudahi aabe se haisala i agu hegau.”

Hosea 8:4

Gilaadeu gu hili hanu hodooligi, gai au tee iloo; gilaadeu ne hili hanu dagi o de henua, aagai au tee malangilangi ai. Gilaadeu ne hai olaadeu diinonga i alaadeu selevaa ma goolo, ga hidi mai ai delaadeu hagaduasala.

Hosea 2:8

Gai ia tee iloo donu bolo go au ne gaavange laa ana hua grain, ma ana uvaini aama ana lolo, go au ne hagadanuaa ina ia i selevaa ma goolo, alaadeu ne gaavange laa gi Baal.

Hosea 3:4

De gau Israel e daulooloa naa teai selaadeu hodooligi aabe se dagi i de henua, gu deai alaadeu sigidaumaha be ni duludulu dabu, e deai hogi olaadeu ephod aabe ni diinonga i lodo olaadeu hale.

Hosea 4:7

Gu kii ange de soa de gau haimeedabu, gai gu kii ange hogi delaadeu haisala mai gi de au; au e hai naa delaadeu mahamaha gi se dookaa.

Hosea 13:15

e dee galemu donu dono hagadagadaga age i magavaa o ono daina. Gai de madangi i dua mai i daho Tagi Maolunga e ssau mai naa i de vao; ono vai e deai naa vai iai, gai ono vai geli e maamasa naa. Goloa hagamogomogo alodahi i lodo ono mommee doange e gaiaadia naa.

Jeremiah 11:13

Judah, oo diinonga gu lagolago donu bei oo aduhale, gai oo mommee o ssigidaumaha ma de dudu ai mee maanongi ange gi tiinonga hagadookaa go Baal, gu bei donu de lagolago haiava o Jerusalem.

Jeremiah 11:17

Tagi o denga hagabuulinga hebagi, go de ia ne dooa goe, gu hagamodu dahi hai ngadaa e hai adu gi de goe, go hiidinga baubau o dangada o Israel ma dangada o Judah gu hagadaemaha ogu lodo, i delaadeu dudu ange denga mee maanongi gi Baal.”

Hosea 2:10

Iainei gai au ga hagaui nei gi deai ono malo gi dogaa ai ia i ono dau soa, gai e deai naa donu e maua i de hagaola ia mai i de au.