Biblia Todo Logo
Bib sou entènèt

- Piblisite -




Hosea 1:4 - De Beebaa Dabu

4 Gai Tagi Maolunga ga hai ange gi Hosea, “Hagahia ange dono ingoo go Jezreel; go hiidinga e dee mmule naa donu, gai au ga hagaduasala de huaabodu o Jehu i hiidinga o dangada alaadeu ne daa ga maakau i Jezreel, gai au e hai naa gi deai se nohoanga hodooligi o Israel.

Gade chapit la Kopi




Hosea 1:4
32 Referans Kwoze  

Gai Tagi Maolunga ga hai ange, “Hagaagahi ina ange dono ingoo go Lo-Ammi, go hiidinga goodou e dee go dogu huaadangada, gai au e dee go doodou Maadua.”


Gai Gomer ne hai dama ange hogi ga haanau dahi damaa hine. Gai Tagi Maolunga ga hai ange gi Hosea, “Hagaagahi ange dono ingoo go Lo-Ruhamah, go hiidinga au e dee lodo aloha ange naa donu gi dangada o Israel, aabe e degi ange gi gilaadeu.


Koe ne daudali ange i hegau baubau a doo daina hahine, deenei ai, au e hai naa hogi goe gi gaavee de hagaduasala aagu gu hagaduasala ai doo daina hahine.


Ono dau soa ne tala ono malo ga hagagilisau ia, gilaadeu ne booboo ana dama daane ma ana damaa hine ga kave gee, gai ne daa Oholah ga magau i de gadilaasa. Gai denga haahine gu pasa i dagodo o de hagaduasala gu hai ange laa gi de ia.


Gai e hagadaba Tagi Maolunga de Maadua o Israel, i dagodo o de gau hagaloosi e diiloo ange ogu dangada: “Go hiidinga goodou gu dugu agu ssiibi gi hulo, tee tilo ange gilaadeu, au e hagaduasala naa goodou i hiidinga oodou hegau baubau, go Tagi Maolunga e hagadaba.


Ia ne gidee hogi bolo au ne gaavange dahi beebaa maavae gi de hine dee hai hegau i de mee abodonu go Israel, ga hai ia gi hano i hiidinga o dono dagodo haisala. Gai dono daina hahine go Judah tee madagu donu hogi i de vaivai dagodo; ia ne hano hogi ga dagodo haisala.


Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.


Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.


Gai de masavaa o Pekah e hodooligi ai i Israel, gai Tiglath-Pileser, de hodooligi o Assyria ne humai ga hagadee kii Ijon, ma Abel Beth Maacah, ma Janoah, ma Kedesh, ma Hazor, ma Gilead, ma Galilee, aama de vaaenga alodahi o Naphtali, ga noonooa dangada ga kave gi Assyria.


De masavaa huu olaau ne hulo ai ga tae gi Samaria, gai Jehu ga daa gu maakau dangada alodahi i de huaabodu o Ahab e nnoho laa i Samaria. Teai donu se gilaadeu ne ola, bei dagodo muna a Tagi Maolunga gu tala i daho Elijah.


Gai ia ne dagi mai ia gi daho Iesu. Gai Iesu ne galo ange ga tilo Peter, ga hai ange, “Doo ingoo go Simon tama daane a John? Koe e hagaingoo ange naa go Cephas” (e bei go Peter).


Gai ia ne dangidangi ange gi gilaadeu i dahi baabaa sisi mee, gai ia ga sisi ga hai ange, “Dono ingoo go John.” Gai gilaadeu alodahi i kilaa gu llele mouli.


Gai tilo, koe e hai dama naa ga haanau dahi dama daane, gai koe ga hagahi ange dono ingoo go Iesu.


Gai tangada de langi laa ga hai ange gi de ia, “Zechariah, aude madagu! De Maadua gu langona au dalodalo, gai doo bodu go Elizabeth e haanau naa dahi dama daane, gai koe ga hagaingoo ange ia go John.


Ia e haanau naa dahi dama daane, gai koe ga hagaingoo ange ia go Iesu, go hiidinga ia e hagaola naa ono dangada mai i olaadeu haisala.”


Dogu Maadua e tili naa gilaadeu, go hiidinga gilaadeu tee hagallongo ange gi de ia; gilaadeu e silivaahea saele naa i magavaa o dangada i denga huaahenua.


gai de henua e basa ange naa gi denga grain ma denga uvaini hoou aama lolo, gai gilaadeu e pasa ange naa gi Jezreel,


Au e hagaduasala naa ia i hiidinga laangi aana nogo dudu ai mee maanongi ange gi denga Baal; ia ne hagalaagii ia i denga buulei ma hadu hagamogomogo, ga doolohi saele ai ono dau soa, aagai ia gu ngalo donu au, go Tagi Maolunga e hagadaba.


Gai de matolu ma valu huu ngadau o Azariah ne hodooligi ai i Judah, gai Zechariah, tama daane a Jeroboam, gu dae ange ga hodooligi i Israel, gai ia ne hodooligi i e ono malama i Samaria.


Taiao age gai Pashhur ne aau mee ne hagamakaga ai luu lima ma luu vae o Jeremiah, gai Jeremiah ne hai gi de ia, “Doo ingoo i daho Tagi Maolunga e dee go Pashhur gai go Magor-Missabib.


Gai mommee i delaadeu vaaenga: go Jezreel, ma Kesulloth, ma Shunem,


Gai Ahab e dinohidu ana dama daane e nnoho i Samaria. Gai Jehu ga sisi hanu leda ga kave gi Samaria, gi denga dagi o Jezreel, ma daane maatua ma dangada e diiloo ange dama a Ahab, ga hai ange,


Dua mee nei gai au ne hagahebaa ma dogu bodu, gai ia gu hai dama ga haanau dahi dama daane. Gai Tagi Maolunga ne hai mai gi de au, “Gaavange dono ingoo go Maher-Shalal-Hash-Baz,


Tilo, de Ia Aamua go Iahweh e dagitilo donu de nohoanga hodooligi e haisalasala laa. Au e oha naa ga aau gee mai i honga henua i lalo; aagai au e dee daa naa gi odi i de maakau dangada o Jacob, go Tagi Maolunga e hagadaba.


Swiv nou:

Piblisite


Piblisite