Hebrews 9:9 - De Beebaa Dabu

⁹ De mee nei se ada ange gi de masavaa go iainei. Gai aanei dagodo o de hagatau nei, denga mee ngadi gaavange ma sigidaumaha e dee maua donu i de hai gi heohi abodonu lodo o tangada e daumaha i mee laa.

Hebrews 9:9 Referans Kwoze

1 Peter 3:21

Gai de babudaisi e hagadagodo ange gi de mee nei, go de babudaisi e hagamouli ai laa goodou iainei — e dee go de aau gi deai gelegele i odaadeu angaanga, aagai go de dangidangi ange gi de Maadua gi hagagilimalali ina tagi o de lodo, i hiidinga de mouli age o Iesu Klisdo,

Hebrews 5:1

Tangada haimeedabu maolunga ne hili mai i magavaa o dangada, ma de dongi ange gi suuia ai dangada i mada i mua o de Maadua, ma de gaavange mee ngadi gaavange ma de hai sigidaumaha ange gi haisala.

Romans 5:14

Aagai ssauaa o de magau gu dagodo mai huu i de masavaa o Adam ga dae mai ai gi de masavaa o Moses, i honga o dangada tee haisala laa bei de haisala o Adam, ia go de ada o de ia gu dai humai laa.

Hebrews 11:19

Gai Abraham ne hagadaba bolo de Maadua ne maua donu i de hagamouli age Isaac mai i de magau, gai e bei donu, ia ne hagaahe mai dana dama i de magau.

Hebrews 10:11

Laangi alodahi gai tangada haimeedabu e duu ga hai ana hegau daumaha; ia e aheahe ange ga hai denga sigidaumaha mau, gai ni mee e dee maua i de kave gee haisala o dangada.

Hebrews 9:24

Go hiidinga Klisdo tee ulu i de mommee dabu ne hai laa i lima o dangada, go de ada o de mommee dabu abodonu; aagai ne ulu donu gi de langi, gai iainei gu i mada luu mada o de Maadua i odaadeu hiidinga.

Hebrews 7:11

Noo hegau a de gau haimeedabu i de aamuli o Levi ne maua i de hai gi heohi abodonu dangada — gai go daho de gau haimeedabu ne gaavange ai de hainga gi dangada — gai gu aha gu hai ai laa gi humai dahi dangada haimeedabu bei dagodo o Melkizedek, e dee se dangada haimeedabu bei dagodo o Aaron?

Galatians 3:21

E aha, de hainga e hai baasi ange laa gi denga hagatoo donu a de Maadua? E dee maua donu! Gai noo de hainga gu gaamai laa ne maua i de hagamouli dangada, gai de hainga ne maua donu i de hagaheohi dangada.

Hebrews 8:4

Gai noo ia e noho i henua i lalo, gai ia e dee se dangada haimeedabu, go hiidinga e hanu donu dangada haimeedabu e gaavange mee ngadi gaavange bei de hai gu tala ai laa i de hainga.