Hebrews 9:6 - De Beebaa Dabu

⁶ Deenei de hai ne hagatau ai de mommee laa; gai de gau haimeedabu e ulu gi lo te aabi e mua gi daha i masavaa alodahi ga hai ai alaadeu hegau i de laa tubua.

Hebrews 9:6 Referans Kwoze

Numbers 28:3

Gai koe daalaa ange gi gilaadeu, hai ange, ‘Aanei mee oodou e hai ai ssigidaumaha dudu ange gi Tagi Maolunga i laangi alodahi: e lua ssiibi daane gu dagidahi olaau ngadau, gai e deai mee baubau i olaau angaanga.

Exodus 27:21

Gai de mee dugu laama e hagaduu i lo te hale malo hagabuni, i tua de malo e buibui ai laa de aabi o de ngavesi o de tala hagadonu; gai Aaron ma ana dama daane gi haulasia denga laama i mada luu mada o Tagi Maolunga, gi ula mai i de ahiahi ga dae ai gi taiao. De mee nei se hainga ange gi de gau Israel ma olaadeu atangada alodahi ga hano ai.

Daniel 8:11

Gai de hanga laa ne hai ia gi maolunga bei Tagi o denga hagabuulinga hebagi; de hanga laa ne hai gi dee hai denga sigidaumaha i de laa tubua e hai ange laa gi de ia, ma de oha dono mommee dabu.

Numbers 18:2

Gai koe gaamai oo daina i de aamuli o Levi, mai i de huaabodu o doo damana, gilaadeu gi balea adu goodou ma au dama, i de masavaa oodou e hegau ai i mada i mua o de hale malo o de tala hagadonu.

Romans 9:4

Gilaadeu go dangada o Israel, gai go gilaadeu donu denga dama daohi a de Maadua, go gilaadeu ne gaavange aagena de mahamaha, ma de hagatoo donu hagaheloongoi, ma de hainga a Moses, ma de hai daumaha heohi, aama denga hagatoo donu.

Hebrews 7:11

Noo hegau a de gau haimeedabu i de aamuli o Levi ne maua i de hai gi heohi abodonu dangada — gai go daho de gau haimeedabu ne gaavange ai de hainga gi dangada — gai gu aha gu hai ai laa gi humai dahi dangada haimeedabu bei dagodo o Melkizedek, e dee se dangada haimeedabu bei dagodo o Aaron?