Hebrews 9:2 - De Beebaa Dabu

² Gai deenei de hai ne hagaduu ai de hale malo. De aabi e mua gi daha iai de mee dugu laama, ma teebele iai pelaoaa dabu; gai e hagaingoo ange go de Mommee Dabu.

Hebrews 9:2 Referans Kwoze

Exodus 40:4

Gai koe ga gaamai teebele ga hagatau ange mee gi ono elunga. Gai koe ga gaamai de mee dugu laama, ga dugu ange denga laama gi olaadeu duulanga.

Exodus 26:35

Gai koe ga gaamai teebele i tua de Aabi Dabu mmao, gai koe ga hagaduu de mee dugu laama i de baasi gi ngaage o de tabernacle i de baasi gee teebele; gai teebele i de baasi gi ngaiho.

Exodus 40:2

“Tahi laangi naa huu o tahi malama gai koe ga hagaduu age de tabernacle, go de hale malo hagabuni.

Exodus 26:33

Gai koe ga hai denga biini ga daudau age ai de malo buibui nei, ga gaamai de ngavesi o de tala hagadonu gi lo te mommee gu buibui laa; gai de malo buibui nei ga vvae ai magavaa o de Aabi Dabu ma de Aabi Dabu mmao.

Exodus 29:35

Gai koe ga hai ange gi Aaron ma ana dama daane gi bei mee alodahi aagu gu tala adu gi de goe; gai e hidu laangi aau e hagadabu ai gilaadeu.

Exodus 29:1

“Gai deenei dau hai e hagadabu ai gilaadeu e haia hegau a de gau haimeedabu. Gaavee dahi kaau daane ma e lua ssiibi daane e deai mee baubau i olaadeu angaanga,

Exodus 25:23

“Gai koe ga hai hogi dahi deebele i laagau acacia. Haia gi lua sugilima de looloa, e dahi sugilima de lahalaha, gai e dahi ma de baasi sugilima tuuduu.

Exodus 25:30

Gai dugua pelaoaa i Mada Luoono Mada i honga teebele laa i mada luoogu mada i masavaa alodahi.

Exodus 25:31

“Gai koe haia dahi mee dugu laama i goolo danuaa. Haia de haamaa dugidugia ai mee e hai ai de mee dugu laama. Dono dahido, ma de angaanga, ma ono ubu, ma ono gau, ma ono huaala e hai gi buni ma de angaanga.

Exodus 26:1

“Gai koe haia de tabernacle i e madaangahulu malo buibui e hai i linen danuaa e amu ga hilo i huga malo buluu, ma de purple, aama de mmea ga hagalaagii i denga cherubim.

Matthew 5:15

Dangada e dee haula de laama ga haoli ange i lalo dahi bagede, aagai e dugu ange gi honga dono mommee, e hagamaalama ai dangada alodahi i de hale.

Matthew 12:4

Ia ne ulu i de hale o de Maadua ga gai ai denga pelaoaa dabu, ni mee e dee alaange dana gai aabe go ono daane madali ia, aagai go de gau haimeedabu donu huu.

Hebrews 9:25

Ia tee hanage hogi gi de langi e gaavange ia e hai ai ssigidaumaha i hanonga lagolago, bei de hai a tangada haimeedabu maolunga e kave ai laa hanu dodo e ulu ai i de Aabi Dabu mmao laa i ngadau alodahi, gai dodo laa e dee niiona donu.