Hebrews 9:19 - De Beebaa Dabu

¹⁹ Gai ga lava huu i de tala ange a Moses muna alodahi o de hainga gi de huaadangada, gai ia ga kave dodo o hanu kaau gauligi ma dodo o hanu guudi madali hanu vai, ga hai hanu huluhulu mmea, ma laa o de hyssop ga hagassii ange ai gi honga de beebaa mulo laa, aama honga o dangada alodahi,

Hebrews 9:19 Referans Kwoze

Hebrews 9:12

Gai ia tee ulu madali dodo o denga guudi ma kaau gauligi, aagai ia ne ulu gi lo te Aabi Dabu mmao laa i e dahi donu huu hanonga madali ono dodo donu, gai ia ga hai ai gi maua de mouli e dee ngado mai.

Numbers 19:18

gai dahi dangada e gilimalali laa gi gaavee dahi laa hyssop gi hagasulu ina ange gi lodo vai laa, ga hagassii ina ange gi de hale malo, ma honga goloa alodahi i lo te hale, ma honga o dangada alodahi i kilaa, aama dangada alodahi gu poo ange laa gi hanu ivi o tangada magau, be go tangada ne daia laa ga magau, be go tangada maakau, aabe go dahi daanunga.

Numbers 19:6

Gai tangada haimeedabu gi magaa ange hanu laagau cedar ma dahi laa hyssop aama hanu huga malo mmea gi lo te ahi, e dudu ai laa de kaau laa.

Hebrews 10:4

go hiidinga e dee maua donu e dodo o denga kaau ma guudi i de kave gee haisala o dangada.

1 Peter 1:2

go dangada ne hili bei dagodo de iloo mee o de Maadua Tamana, gai gu hai gi se huaadangada dabu i ssauaa o de Hagasaalunga ⌊Dabu⌋, gai gi hagallongo ange ai gilaadeu gi Iesu Klisdo ma de hagagilimalali i ono dodo: Gi laumalie de abodonu ma de baba i oodou daha.

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

John 19:5

Gai de masavaa huu o Iesu ne sao mai ai, gai ia gu hagauda de hau duiduia ma de gahu i de malo purple. Gai Pilate ga hai ange gi gilaadeu, “Tilo, deenei taane!”

John 19:2

Gai denga daane hebagi ne bini dahi hau manu duiduia ga hagauda ange gi honga dono biho, ma de hakahu ange ia i dahi malo purple.

Mark 15:20

Gai ga lava huu i delaadeu hagammae manava ia, gai gilaadeu ga hagaui de malo purple laa, gai ga hakahu ange ia i ono malo donu. Gai gilaadeu ga dagi ia ga kave e daudau i de laagau lui.

Mark 15:17

Gai gilaadeu ga hakahu ange ia i dahi malo purple, ga bini dahi hau manu duiduia ga hagauda ange gi honga dono biho.

Matthew 27:28

Gai gilaadeu ga hagaui ono malo, ga hakahu ange ia i dahi malo mmea,

Isaiah 52:15

gai ia e hai naa ga llele mouli denga huaahenua soa, denga hodooligi e pono naa olaadeu ngudu i ono hiidinga. Gilaadeu e gidee naa mee tee tala ange gi gilaadeu, gai e tonu ange naa gi mee alaadeu tee langona.

Leviticus 3:6

Noo ia e hai dana sigidaumaha hagadanuaa magavaa ange gi Tagi Maolunga i dahi ssiibi be se guudi, e dee hilihili be se manu daane be se manu hahine, gai ia gi haia gi se manu e deai mee baubau i dono angaanga.

Leviticus 1:10

Gai noo tangada e gaamai dahi ssiibi be se guudi e hai ai dana sigidaumaha, gai ia gi hilia mai dahi manu daane e deai laa mee baubau i dono angaanga.

Exodus 12:22

Gai goodou ga kave dahi laa o de hyssop ga hagasulu ange gi lodo dodo i lo te beisini, ga hulu ai de laagau i de ulu o de haitoga aama luu laagau i luu baasi de haitoga o de hale. Gai e deai donu se goodou e sao gi haho ga dae ai gi taiao age.

Psalm 51:7

Hagagilimalali ina au i de hyssop, gi gilimalali ai au; hakaugau ina mai au, gi tea ange ai au i denga snow.

Hebrews 12:24

ma daho Iesu, de ia e hano i magavaa o dangada ma de Maadua, i de hagatoo donu hagaheloongoi hoou, ma de hagatoo madaua ange dodo e daalaa muna e danuaa ange laa i dodo o Abel.

Hebrews 1:1

Madagidagi gai de Maadua ne basa ange gi odaadeu dubuna i daho denga pelaabisi, i hanonga lagolago ma hagadagodo lagolago,

Hebrews 9:13

Go hiidinga noo dodo o denga guudi ma kaau madali lehu o de kaau hahine e hagasii laa gi honga olaadeu e dee gilimalali, ne maua i de hai gi dabu ma de hagagilimalali de angaanga o tangada,

Hebrews 9:18

Deelaa hogi de hiidinga tee maua ai laa i de hagahai hegau tahi hagatoo donu hagaheloongoi noo teai dodo.

Hebrews 10:22

Deenei ai, gidaadeu ga loomai e hagapaa ange gi de Maadua i de lodo se mee abodonu ma de gai e honu abodonu, gai tagi i odaadeu lodo gu hagagilimalali mai i de baubau, gai odaadeu angaanga gu gaugau i vai gilimalali.