Hebrews 9:11 - De Beebaa Dabu

¹¹ Aagai de masavaa o Klisdo ne humai ai ga hai tangada haimeedabu maolunga o mee danuaa gu daakodo laa donu iainei, gai ia ne ulu gi lo te hale malo e maolunga ange ma de heohi abodonu ono dagodo, gai e dee se hale malo ne hai i lima o dangada, e bei, e dee se mee ne hai madali mee o henua i lalo nei.

Hebrews 9:11 Referans Kwoze

2 Corinthians 5:1

Gai gidaadeu e iloo bolo noo de hale malo, go odaadeu angaanga, odaadeu e mouli ai nei i henua i lalo gu maoha, gai e dahi odaadeu hale gu hagaduu i daho de Maadua, e dee se hale e hai i lima o dangada, gai se hale e dee ngado mai i de langi.

Hebrews 10:1

De hainga se ada donu huu niio mee danuaa gu dai loomai, e dee go de mee abodonu. Deenei ai, sigidaumaha e hai laa i ngadau alodahi, e dee maua donu i de hai gi heohi abodonu gilaadeu e loomai e hagapaa ange gi de Maadua.

Mark 14:58

“Gimaadeu ne langona taane nei e hagadaba, ‘Au e oha naa de temple a dangada ne hagaduu laa, gai au ga hagaduu age naa dahi temple i e dolu donu huu laangi, gai e dee go dangada e hagaduulia,’ ”

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Acts 7:48

Gai de Ia Maolunga Mmao laa e dee noho i hale a dangada e hagatuu, bei de hai a de pelaabisi gu tala ai laa,

2 John 1:7

Go hiidinga gu soa gilaadeu e daahangadia dangada gu hulo saele i henua i lalo, gilaadeu e dee llodo e tala bolo Iesu Klisdo gu humai ma gu hai gi se dangada. Tangada bee nei se dangada e daahangadia dangada gai se hagadaumee niio Klisdo.

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

John 4:25

De hine laa ne hai ange gi de ia, “Au e iloo bolo de Messiah (go de ia e hagabinga ange laa go Klisdo) e humai naa. Gai dono masavaa naa huu e humai ai, gai ia ga hagadonu mai mee alodahi gi gidaadeu.”

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Psalm 40:7

Gai au ne hagadaba, “Tilo, au gu humai e hai oo lodo, bei de hai gu sisi ai laa ogu dagodo i lo te beebaa mulo.

Hebrews 7:1

Gai taane nei go Melkizedek, go de hodooligi o Salem, ma tangada haimeedabu o de Maadua Maolunga Mmao, ne humai ga hedae ange gi Abraham i dua dana hagadee kii denga hodooligi dogohaa laa, gai ia ne hagamanuuia Abraham,

Isaiah 59:20

“De Ia Hagaola e humai naa gi Zion, gi daho dangada o Jacob gu daahuli gee laa i olaadeu haisala,” go Tagi Maolunga e hagadaba.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

Colossians 2:11

Gai e bei donu goodou gu tuu dagaholiage i doodou nnoho i lodo o Klisdo, i hiidinga goodou gu tili hegau baubau o de angaanga nei. Gai de tuu dagaholiage nei e dee se mee ne hai i lima o dangada, gai go de tuu dagaholiage a Klisdo.

Matthew 11:3

gi siilia ange, “Go koe de ia gu tala laa bolo e humai, aabe gimaadeu e tali ange dahi dangada gee?”

Matthew 2:6

‘Aagai koe, Bethlehem, i de henua o Judah, koe e dee maolalo ange donu i denga aduhale maolunga o Judah; go hiidinga e sula age naa i oo daha dahi dagi gai ia ga dagi ai dogu huaadangada go Israel.’ ”

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Jeremiah 33:8

Au e hagagilimalali naa goodou mai i oodou mee alodahi ne haisala mai ai laa gi de au, ma de degi adu gi oodou haisala alodahi, e hai baasi mai ai gi de au.

2 Corinthians 4:18

go hiidinga gimaadeu e dee kalo ange e tilo mee e gidee, gai e tilo mee e dee gidee laa. Mee e gidee laa e odi donu, aagai mee e dee gidee laa e daakodo donu ga hano ai.

Hebrews 12:27

De muna nei, “E dahi ange naa hanonga,” e hagaago mai bolo mee alodahi e maua laa i de hagangaalue (go mee ne hagadau i taamada) e hai naa donu ga deai, gai go mee donu huu e dee maua laa i de hagangaalue e daakodo.

Hebrews 13:14

Go hiidinga kinei e deai donu sedaadeu aduhale e dagodo ga hano ai, aagai gidaadeu e ssala de aduhale gu dai humai laa.