Hebrews 8:9 - De Beebaa Dabu

⁹ gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, gai gilaadeu tee duudagi de daohi dagu hagatoo donu hagaheloongoi, deelaa ai, au tee anga ange gi gilaadeu, go Tagi Maolunga e hagadaba.

Hebrews 8:9 Referans Kwoze

Jeremiah 31:32

Gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, go hiidinga gilaadeu ne oha dagu hagatoo donu hagaheloongoi, e dee galemu donu go au delaadeu dangada aamua, go Tagi Maolunga e hagadaba.

Galatians 4:24

De mee nei se mee hagasengasenga: luu haahine nei ni hagatoo donu hagaheloongoi e lua. Dahi ne hai i honga de mounga go Sinai, gai ana dama ni dangada hai hegau; deenei de hine go Hagar.

Mark 8:23

Gai ia ga poo de lima o taane dee gide laa ga dagi ia gi tua de aduhale. Gai ia ga saavale ange gi luoono mada ma de dugu ange dono lima gi ono elunga, ga ssili ange gi de ia, “Gu hanu naa au mee ne gidee?”

Acts 13:11

Iainei gai de lima o Tagi Maolunga gu hai baasi adu gi de goe. Koe e dee gide naa i hanu laangi.” De masavaa laa donu huu gai gu hano iho de gohu gi ono elunga; gai ia ga hano ga haahaa saele dahi dangada gi boogia dono lima gi dagina ai ia.

Acts 9:8

Gai a Saul ne hidi age i honga de gelegele ga aala luoono mada, gai ia gu dee gidee dahi mee. Deelaa ai, denga daane madali ia ne dagi ia ga kave gi Damascus.

Malachi 2:13

Deenei ange dahi mee oodou e hai: goodou e haoli de mommee o ssigidaumaha a Tagi Maolunga i oodou loimada. Goodou e tangi ma de tangi see i hiidinga ia gu dee anga adu gi oodou sigidaumaha, aabe e malangilangi i de kave oodou mee e gaavange.

Amos 5:22

Gai ga gaamai naa donu e goodou denga sigidaumaha dudu ma sigidaumaha o grain, gai au e dee malangilangi ai donu. Gai ga gaamai naa donu e goodou denga sigidaumaha hagadanuaa magavaa i oodou manu gu haangai gi pedi, gai au e dee anga ange naa donu gi mee nei.

Ezekiel 16:59

Gai e hagadaba de Ia Aamua go Iahweh: Au e hagaduasala naa goe gi bei au hegau gu hai, go hiidinga koe ne hagangadi mee de hagatoo donu ma de oha de hagatoo donu hagaheloongoi.

Ezekiel 16:8

Muli mai gai au ne seesee adu ange hogi gi de mommee oou iai, gai tilo, koe gu odi ange oo ngadau e hai bodu ai. Gai au ga hai dogu malo ga haoli adu ai goe, gi dee gilisau ai goe. Au ne hagatoo donu adu gi de goe, ma de hai dahi hagatoo donu hagaheloongoi madali goe — go de Ia Aamua go Iahweh e hagadaba — gai au ne hai goe ga niiagu.

Isaiah 63:9

Ia ne hagaduasala hogi i olaadeu hagaduasala alodahi, gai tangada de langi i mada luoono mada ne hagaola gilaadeu. Gai ia ne hagaola gilaadeu i dono aloha ma dono abodonu; ia ne saabai gilaadeu i honga luoono eu mai i denga laangi gu hulo.

Isaiah 40:11

Ia e tilo ange naa dana hagabuulingaa ssiibi bei tangada hagaloosi ssiibi, ia e hagabudu naa ana ssiibi gauligi i luoono lima, ma de saabai gilaadeu i ono hadahada; gai ia e dagi maalie naa denga ssiibi e hanu laa alaadeu dama.

Song of Songs 8:5

Goai de hine e hannagi ange nei gi dono dau sao ma e loomai ai gilaau i de vao? Au ne hhango goe i lalo de apple; go kilaa a doo dinana ne hai dama ai i de goe, go kilaa ne hai ai ono hagalangona ga haanau ai goe.

Psalm 105:43

Ia ne hagassao mai ono dangada i de lodo malangilangi, go ono dangada ne hili i de lodo danuaa.

Psalm 78:57

Gilaadeu ne aahe dua ma tee hai hegau i de mee abodonu bei olaadeu dubuna madagidagi; gai e deai se tali ange gi gilaadeu bei de mee hholu gu hadi laa.

Psalm 77:20

Koe e dagi oo dangada bei dahi hagabuulingaa ssiibi i daho Moses ma Aaron.

De Beebaa go Job 8:20

Tilo, de Maadua e dee tili donu tangada e dee haisala, aabe e bale ange tangada e haia de baubau.

Deuteronomy 29:25

Gai dangada e hagataba naa, “Go hiidinga gilaadeu tee daohi de hagatoo donu hagaheloongoi a Tagi Maolunga de Maadua o olaadeu dubuna madagidagi, ne hai madali gilaadeu, go de hagatoo donu hagaheloongoi aana ne hai madali gilaadeu, i de masavaa aana ne hagassao mai gilaadeu i de henua go Egypt.

Deuteronomy 29:12

Goodou gu tuu i kinei e hai ai dahi hagatoo donu hagaheloongoi madali Tagi Maolunga doodou Maadua, se hagatoo donu nii Tagi Maolunga doodou Maadua gu hai madali goodou anailaa nei ga hagailonga i dahi hagatoo donu,

Deuteronomy 29:1

Aanei muna o de hagatoo donu hagaheloongoi a Tagi Maolunga ne tala ange gi Moses, e hai madali de gau Israel i de henua go Moab, madali de hagatoo donu hagaheloongoi aana ne hai madali gilaadeu i Horeb.

Exodus 34:10

Gai ia ne hai ange, “Tilo, au e hai dahi hagatoo donu hagaheloongoi madali goe. Au e hai naa denga mee hagalele mouli i madamada o doo huaadangada alodahi, ni mee tigi hai i mua i henua i lalo alodahi, aabe gu hai i dahi huaahenua gee. Gai denga huaadangada alodahi oodou e hulo e nnoho i olaadeu magavaa, e gidee naa hegau hagalele mouli a Tagi Maolunga e hai; go hiidinga se hegau hagamaatagu mmao aagu gu dai hai i oodou daha.

Genesis 19:16

Gai a Lot e hagamudumudu ana mee, aagai luu daane laa ga poo dono lima ma de lima o dono bodu, aama lima o luaana damaa hine, ga kave gilaadeu gi tua de aduhale, i hiidinga Tagi Maolunga ne abodonu ange gi de ia.

Isaiah 41:13

Go hiidinga go au donu go Iahweh, doo Maadua, au e poo naa doo lima madau, ma de ga hai adu gi de goe, “Aude madagu, go au donu e balea adu goe.”

Lamentations 4:16

Tagi Maolunga ne hai gi mavaevae saele gilaadeu, ia gu dee anga ange donu gi gilaadeu; de gau haimeedabu gu dee hagadubulia, gai dangada gu dee abodonu ange gi denga dagi.

Isaiah 51:18

Gai gu deai dangada e dagina ia i magavaa o ana dama ne haanau; aabe go dahi gilaadeu aana ne haele e boogia dono lima ga dagi ai ia.

Exodus 32:8

Gilaadeu ne moolau donu de hulo gee mai i de haiava aagu gu tala ange gi gilaadeu; gilaadeu gu lava i de hai dahi kaau baalanga, ma gu daumaha ma de sigidaumaha ange aagena, ma de hagataba, ‘De gau Israel, aanei denga diinonga ne hagassao ina mai goodou i de henua go Egypt!’ ”

Acts 7:36

Go ia ne hagassao ina mai de gau Israel, i dua dana hai denga mee hagalele mouli ma hagailonga i Egypt, ma gaogao Tai Mmea, aama de vao i e madahaa ngadau.