Hebrews 8:8 - De Beebaa Dabu

⁸ Aagai de Maadua ne gidee de haisalasala o dangada, gai ia ga hagadaba: “E tae mai naa laangi, go Tagi Maolunga e hagadaba, aagu e hai ai dahi hagatoo donu hagaheloongoi hoou madali dangada o Israel ma dangada o Judah,

Hebrews 8:8 Referans Kwoze

Hebrews 12:24

ma daho Iesu, de ia e hano i magavaa o dangada ma de Maadua, i de hagatoo donu hagaheloongoi hoou, ma de hagatoo madaua ange dodo e daalaa muna e danuaa ange laa i dodo o Abel.

Jeremiah 32:40

Gai au e hai naa dahi hagatoo donu hagaheloongoi dee ngado mai madali gilaadeu, au e dee tuu naa donu dagu hai ange tanuaa gi gilaadeu. Gai au e hai naa gilaadeu gi madagu i de au, gi dee daahuli gee ai gilaadeu i de au.

Hebrews 9:15

Deenei ai, Klisdo go de ia donu e hano i magavaa o dangada ma de Maadua i de hagatoo donu hagaheloongoi hoou, gi maua ai e gilaadeu gu hagahia laa i de kave de mouli e dee ngado mai gu hagatoo donu laa, go hiidinga ia ne magau e hagao ai gilaadeu, gai ia ga hai ai gi ilaage gilaadeu mai i olaadeu haisala ne haisala ai i lalo tahi hagatoo donu hagaheloongoi.

2 Corinthians 3:6

Gai go ia ne haia gi maua e gimaadeu i de hai gi ni dangada hai hegau niio de hagatoo donu hagaheloongoi hoou. Gai de hagatoo donu hagaheloongoi tee sisi i de hainga, aagai ne sisi i daho de Hagasaalunga ⌊Dabu⌋. Gai de hainga ne sisi laa e daa ga maakau dangada, aagai de Hagasaalunga e gaamai de mouli.

1 Corinthians 11:25

Gai ia ne poo mai hogi de ubu, i de lava de gaimee, ga hai ange, “De ubu nei go de hagatoo donu hagaheloongoi hoou e hai i ogu dodo. Goodou hagamau ina de unu i de ubu nei, e hagamaanadu ai au.”

Luke 22:20

Ia ne poo mai hogi de ubu i dua delaadeu gaimee, gai ia ga hai ange gi gilaadeu, “De ubu nei go de hagatoo donu hagaheloongoi hoou, ne hai laa i ogu dodo ne hagassali laa i oodou hiidinga.

Ezekiel 37:26

Au e hai naa dahi hagatoo donu hagaheloongoi o de nnoho paba madali gilaadeu, gai se hagatoo donu hagaheloongoi ange gi gilaadeu ga hano ai e dee ngado mai. Au e hai naa gilaadeu gi nnoho i de henua ma de hai gi soa gilaadeu, gai au e hagaduu naa dogu mommee dabu i olaadeu daha ga hano ai.

Jeremiah 31:38

E hagadaba Tagi Maolunga, “Tilo, e tae mai naa donu laangi e hagaahe age ai de aduhale o Tagi Maolunga, mai i de hale dagitilo o Hananel ga dae ai gi de Haitoga i Tege.

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

Mark 14:24

Gai ia ne hai ange gi gilaadeu, “Go ogu dodo aanei, go dodo o de hagatoo donu hagaheloongoi, ne hagassali laa i hiidinga o dangada soa.

Jeremiah 31:27

“Tilo, e tae mai naa laangi, go Tagi Maolunga e hagadaba, aagu e hhao ai Israel ma Judah i hagadiilinga o dangada ma dama a denga manu.

Jeremiah 30:3

E tae mai naa laangi, go Tagi Maolunga e hagadaba, aagu e hagaahe ange ai de manuuia o dogu huaadangada, go dangada o Israel ma Judah, ga hagaahe gilaadeu gi de henua aagu ne gaavange gi olaadeu dubuna gi henua ai,” go Tagi Maolunga e hagadaba.

Jeremiah 23:7

Aagai tilo, e tae mai naa laangi, go Tagi Maolunga e hagadaba, a dangada e dee hagataba ai, ‘Gimaadeu e hagatoo donu i de mouli o Tagi Maolunga, de ia ne hagassao ina mai de gau Israel i Egypt,’

Jeremiah 23:5

E hagadaba Tagi Maolunga, “E tae mai naa laangi, aagu e hagasula age ai dahi uli moo David, se ia e heohi, se hodooligi e humai ga dagi i de heiangi ma de hai hegau i de hagamodu soe ma de heohi i honga de henua.

Luke 17:22

Gai ia ne hai ange gi ana dangada agoago, “E tae mai naa laangi oodou e llodo ai gi gidee e goodou dahi laangi o Tama a Tangada, gai goodou e dee maua gi gidee.

Matthew 26:28

go hiidinga mee nei go ogu dodo, go dodo o de hagatoo donu hagaheloongoi, ne hagassali laa i hiidinga o dangada soa, e tala ai haisala.

Deuteronomy 29:14

Gai de hagatoo donu hagaheloongoi aagu e hai nei e dee se mee adu donu huu gi goodou,

Hebrews 7:22

De hagatoo donu nei ne hai Iesu go de ia e haia gi too donu de hagatoo donu hagaheloongoi e danuaa ange laa.

Hebrews 8:6

Aagai Iesu ne kave dahi duulanga hegau e maolunga ange i hegau madagidagi, go hiidinga de hagatoo donu hagaheloongoi aana e hai hegau ai e danuaa ange, i hiidinga ne hagaduu i denga hagatoo donu e danuaa ange.

Hebrews 8:13

De masavaa aana ne tala ai dagodo o de hagatoo donu hagaheloongoi hoou, gai ia ne hai tahi hagatoo donu hagaheloongoi gi dee hai hegau. Gai mee alodahi gu dee hai hegau ma de duai e llilo naa donu.

Luke 5:38

Gai dangada e hhao ange uvaini hoou gi lodo gili manu hoou.