Hebrews 7:9 - De Beebaa Dabu

⁹ Tangada e maua hogi i de hagataba bolo Levi, taane e gaavee laa tahi diba i diba e madaangahulu, ne gaavange gi Melkizedek tahi diba i diba e madaangahulu i daho Abraham,

Hebrews 7:9 Referans Kwoze

Romans 5:12

Deenei ai, de haisala ne humai gi henua i lalo i daho dahi dangada, gai de magau ne humai i hiidinga o de haisala; deenei de hai ne duu ange ai de magau gi dangada alodahi, go hiidinga dangada alodahi gu haisala.

Genesis 14:20

Duuhia de Maadua Maolunga Mmao laa, go de ia ne hagaola ina goe mai i oo hagadaumee.” Gai Abram ne gaavange gi de ia tahi diba i diba e madaangahulu o mee alodahi.

Hebrews 7:4

Goodou kalo ange diiloo dagodo de maolunga o taane nei: Abraham, tubuna hagadubu o de gau Israel, ne gaavange gi de ia tahi diba i diba e madaangahulu o mee aana ne mau i de hebagi!

Deuteronomy 26:12

De masavaa naa huu e lava ai de vvae gee tahi diba i diba e madaangahulu o au huamanu alodahi i tolu ngadau, go de ngadau o ssigidaumaha o tahi diba i diba e madaangahulu, gai goodou ga gaavange gi de aamuli o Levi, ma tangada henua gee, ma denga gauligi gu deai olaadeu damana, aama denga haahine gu maakau olaadeu bodu, gi maua ai e gilaadeu i de gaimee ai ga boobosu i oodou aduhale.

Matthew 7:8

Go hiidinga tangada e dangidangi e maua naa donu ana mee, gai tangada e saalaa e gidee naa donu, gai tangada e dugidugia e hhuge ange naa donu de haitoga gi de ia.

Hebrews 7:8

Tahi diba i diba e madaangahulu ne gaavange gi de gau haimeedabu e maakau laa, aagai tahi diba i diba e madaangahulu nei ne gaavange gi taane e tala laa bolo e mouli ga hano ai.

Hebrews 7:10

go hiidinga de masavaa o Abraham ne hedae ange ai gi Melkizedek, gai Levi i lo te angaanga o dono dubuna go Abraham.