Hebrews 7:26 - De Beebaa Dabu

²⁶ Gai e heohi donu de hai gi dahi odaadeu dangada haimeedabu maolunga bei ono dagodo — ia e dabu, e dee haisala, e gilimalali, ia e vvae gee ma de gau haisala, gai gu hagaamua i de langi i lunga.

Hebrews 7:26 Referans Kwoze

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

1 John 2:2

Go ia ssigidaumaha e tala ai odaadeu haisala, gai e dee go odaadeu haisala donu huu, gai go haisala hogi o henua i lalo alodahi.

Hebrews 8:1

De mee hagamogomogo i lodo amaadeu muna e tala adu deenei: gidaadeu e dahi odaadeu dangada haimeedabu maolunga, e noho i de baasi madau o de nohoanga o de Ia Maolunga Mmao laa i de langi,

1 Peter 2:22

“Ia tee haisala donu, ia tee tala hogi dahi muna hagasenga i dono ngudu.”

1 John 3:5

Aagai goodou e iloo bolo Klisdo ne humai, gai ia ga kave gee ai odaadeu haisala. Gai ia e deai donu ono haisala.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

Luke 23:47

De masavaa huu a tagi o de lau ne gidee ai de mee laa, gai ia ga tuhi de Maadua, ga hagadaba, “Ni muna abodonu, taane nei se dangada heohi.”

Luke 23:41

Gidaau e heohi donu taau kave de hagaduasala nei, e hagao ai adaau hegau baubau. Gai taane nei teai donu sana mee dee heohi daudahi ne hai.”

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.

1 Peter 1:19

aagai goodou ne hagao i dodo hagamogomogo o Klisdo, ssiibi gauligi e deai laa mee baubau i dono angaanga.

Hebrews 7:11

Noo hegau a de gau haimeedabu i de aamuli o Levi ne maua i de hai gi heohi abodonu dangada — gai go daho de gau haimeedabu ne gaavange ai de hainga gi dangada — gai gu aha gu hai ai laa gi humai dahi dangada haimeedabu bei dagodo o Melkizedek, e dee se dangada haimeedabu bei dagodo o Aaron?

Hebrews 2:10

Gai e heohi donu de hai a de Maadua, de ia ne haia ma de daohia mee alodahi gu hanu, i dana gaamai gi de mahamaha hanu dama soa, de ia ne damadaa delaadeu hagamouli gi honu abodonu ono dagodo i dono hagaduasala.

Acts 4:27

Ni muna abodonu, Herod ma Pontius Pilate, ma denga Gentile aama de gau Israel ne hagabuni i de aduhale nei, e hai baasi ange gi doo dangada hai hegau dabu go Iesu, go de ia aau gu hagadabu laa i de lolo.

Acts 3:14

Aagai goodou ne hagangadi mee de Ia Dabu ma de Ia Heohi laa, gai ne dangidangi ange gi hagasao ina mai gi goodou dahi daane daa dangada.

John 14:30

Dua iainei gai au e dee tala adu naa donu gi goodou hanu mee lagolago; go hiidinga tagi o henua i lalo nei gu dai humai. Gai ia e deai donu sono sauaa e daohi ai au,

John 8:29

De ia ne hai laa au gi humai e noho madali au. Ia e dee tili donu au, go hiidinga au e hai mee oona e malangilangi ai i masavaa alodahi.”

Luke 24:46

Gai ia ga hai ange gi gilaadeu, “Gu sisi e hai ange: Klisdo e hagaduasala donu, gai ia e mouli age naa i de hagadolu laangi,

Luke 24:26

E aha, de Klisdo e dee hagaduasala naa i mee nei alodahi, i mua dana kave dono mahamaha?”

Luke 23:22

Aagai Pilate ga ssili ange gi gilaadeu i tolu hanonga, “Gai se baubau aha donu a taane nei gu hai? Au tee gidee dahi mee daudahi e heohi ai dono daa gi magau! Deenei ai, au ga hagaduasala nei ia i mua dagu dugu ia gi hano.”

Luke 1:35

Tangada de langi laa ne hai ange gi de ia, “De Hagasaalunga Dabu e humai naa gi oo elunga, gai ssauaa o de Ia Maolunga Mmao laa e haoli naa goe. Deelaa ai, Tama e haanau mai i oo daha e hagabinga naa bolo e dabu, go Tama Daane a de Maadua.

Mark 16:19

Gai ga lava huu muna a Tagi Maolunga go Iesu, ange gi ana dangada agoago, gai ia gu gaavage gi de langi, ga noho i de baasi madau o de Maadua.

Matthew 27:18

Gai Pilate gu iloo bolo, dagi o de gau Ssuu ne gaavange Iesu, i hiidinga delaadeu llodo gaiaa.

Isaiah 53:9

Gilaadeu ne hai dono daanunga madali de gau baubau, gai dono mommee ne danu ai madali dahi daane lava, e dee galemu donu teai donu ono baubau, aabe ia ne tala dahi muna hagasenga i dono ngudu.

Psalm 68:18

Koe ne hanage gi de mommee maolunga, ma de dagi de gau dee kii madali goe, koe ne kave mee ngadi gaavange mai i daho dangada; aama daho dangada hogi e hai baasi adu, gai koe, Tagi Maolunga de Maadua, ga noho ai i kilaa.

Exodus 28:36

Gai koe ga hai dahi dibaa goolo danuaa, ga maaga ange aagena muna nei: ‘Hagadabu ange gi Tagi Maolunga’, bei de hai e maaga ai de buulei hagailonga.

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.

Numbers 29:26

Gai de lima laangi e hai ssigidaumaha i e siva kaau daane, ma e lua ssiibi daane, aama e madaangahulu ma haa ssiibi daane gauligi gu dagidahi laa olaadeu ngadau, gai e deai donu mee baubau i olaadeu angaanga,

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

Ezekiel 44:27

gai dono laangi naa huu e ulu ai gi lo te buibui e mua gi lodo o de mommee dabu, e hai ai ana hegau i de mommee dabu, gai ia gi haia ssigidaumaha o ono haisala donu, go de Ia Aamua go Iahweh e hagadaba.