Hebrews 7:25 - De Beebaa Dabu

²⁵ Deelaa ai, ia e maua i de hagamouli ga hano ai, gilaadeu e loomai gi de Maadua i ono hiidinga, go hiidinga ia e mouli i masavaa alodahi, gai ia ga dalodalo ai gilaadeu.

Hebrews 7:25 Referans Kwoze

Romans 8:34

Goai ai naa e maua i de hagabaubau gilaadeu? E deai donu. Go Klisdo Iesu ne magau — gai ia ne mouli age hogi — gai ia gu noho i de baasi madau o de Maadua, ma e dangidangi ai i odaadeu hiidinga.

1 Timothy 2:5

E dahi donu huu Maadua, gai e dahi donu huu hogi Dangada e hano i magavaa o de Maadua ma dangada, go tangada go Klisdo Iesu,

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,

John 14:6

Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.

Ephesians 2:18

Gai go ia odaadeu alodahi ne maua ai i de hulo gi Tamana i de Hagasaalunga e dahi.

Romans 5:2

gai go ono hiidinga adaadeu ne kave ai nei de abodonu o de Maadua i de gai. Gai gidaadeu e tala tuhi taadeu tali de masavaa adaadeu e kave ai de mahamaha o de Maadua.

Hebrews 11:6

Noo e deai se gai, aagai e dee maua donu i de hagamalangilangi de Maadua, go hiidinga tangada e humai gi de Maadua, gi hagadonusia bolo e dahi donu Maadua, gai ia e hagao ange gilaadeu e hagaduu ngae e saalaa ia.

Ephesians 3:20

Gidaadeu gi duuhia de ia e maua laa i de hagahai hegau dono sauaa, gi kii ange i mee odaadeu e dangidangi ange ai aabe go adaadeu maanadu, bei dagodo o dono sauaa e hai hegau laa i odaadeu lodo,

Isaiah 45:22

Henua i lalo alodahi, daahuli mai gi de au, gi ola ai goodou; i hiidinga go au donu huu de Maadua, e deai ange donu.

Hebrews 9:24

Go hiidinga Klisdo tee ulu i de mommee dabu ne hai laa i lima o dangada, go de ada o de mommee dabu abodonu; aagai ne ulu donu gi de langi, gai iainei gu i mada luu mada o de Maadua i odaadeu hiidinga.

Hebrews 7:19

(de hainga e dee maua donu i de hai dahi mee gi heohi abodonu,) gai de tali hagalodolodo e danuaa ange laa gu gaamai, gai go ia odaadeu e maua ai i de loomai e hagapaa ange gi de Maadua.

Isaiah 59:16

Ia ne gidee bolo gu deai donu se dangada daudahi, gai gu lele ono mouli i teai se dangada e balea; gai ia ga hagahai hegau dono lima sauaa e hagaola ina, gai go dono heohi ne gaavange gi de ia de kii.

John 14:13

Gai be se aha naa huu oodou e dangidangi ai i dogu ingoo, gai au e hai naa donu gi bei, gai Tama ga hagamahamaha ai Tamana.

Daniel 6:20

De masavaa oona ne dae ai gi kilaa, gai ia ga oo ga hagahi Daniel, ga hai ange, “Daniel, tangada hai hegau o de Maadua e mouli laa, de Maadua oou e daumaha ange naa aagena i masavaa alodahi ne hagaola naa goe mai i denga laiono?”

Daniel 3:17

Gai noo deenei tagodo, gai de Maadua omaadeu e daumaha ange nei aagena e maua donu i de hagaola gimaadeu mai i de ahi ula mmahi, gai ia e hagaola naa donu gimaadeu mai i doo sauaa, de hodooligi.

De Beebaa go Job 23:3

Mee naa gi iloo e au be go hee aagu e gidee ai ia; gai au ga hano ai gi dono mommee iai!

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Hebrews 13:15

Deenei ai, gidaadeu ga duudagi taadeu gaavange gi de Maadua ssigidaumaha o de tuhi, i de ingoo o Iesu i masavaa alodahi, deenei go taadeu tala hagadonu dono ingoo.

Isaiah 63:1

Goai e humai nei i Edom ma Bozrah, ma de gahu malo e mmea? Goai deenei, gu gahu hagadanuaa nei ma de seesee mai i de kona dono mmahi? “Go au donu deenei, au e tala de mee heohi gai e mmahi i de hagaola.”

Hebrews 7:16

ga hai gu se dangada haimeedabu, gai de mee nei tee hai bei dagodo muna o de hainga i de aamuli oona e humai ai, aagai ne hai i ssauaa o de mouli e deai laa se hagaodi.

Hebrews 2:18

Go hiidinga ia ne kave de hagaduasala ma de hagatale, deelaa ai, ia e maua hogi i de bale ange gilaadeu e hagataalea laa.

Philippians 3:21

Gai ia ga sui ai odaadeu angaanga maolalo nei gi bei dagodo o dono angaanga mahamaha laa, i ssauaa ne haia laa ga maua e ia i de dagi mee alodahi.

John 14:16

Gai au ga dangidangi ange naa gi Tamana, gai ia ga gaavadu ange gi goodou dahi Ia Bale gi noho i oodou daha ga hano ai,

Jeremiah 3:22

“Denga dama dee hai hegau i de mee abodonu, goodou aahe mai; gai au ga hagaieiangi goodou gi hai hegau ai goodou i mee abodonu.” ⌊Dangada ne hai mai,⌋ “Uaa, gimaadeu e loomai naa gi de goe, i hiidinga go koe go Iahweh demaadeu Maadua!

Isaiah 45:24

Gilaadeu e hagataba naa, ‘Go Tagi Maolunga donu huu e heohi gai e mmahi.’ ” Gilaadeu alodahi e kino i de ia, e loomai naa gi de ia, gilaadeu gu dookaa naa.

2 Timothy 1:12

aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.

Daniel 3:29

Deenei ai, au e hagailoo bolo be goai naa huu dangada mai i dahi huaahenua, aabe go dangada e pasa i denga hagadaagangaa muna alodahi, e daalaa hanu muna e hai baasi ange ai gi de Maadua o Shadrak, ma Meshak aama Abednego, gai e duuduu olaadeu angaanga gi too dagidahi, ma de oha olaadeu hale ga hai gi ni hagabuudungaa gainga, go hiidinga tigi ai ange donu se Maadua ne maua i de hagaola dahi, bei dana hai ne hagaola ai nei.”

Hebrews 7:24

Aagai Iesu e duudagi naa donu huu dana hai hegau a tangada haimeedabu, i hiidinga ia e mouli ga hano ai.

Daniel 9:16

De Ia Aamua, au e dangidangi adu, hagahelui ina doo lili ma doo bole i doo aduhale go Jerusalem, go doo mounga dabu, i hiidinga o omaadeu haisala ma baubau o omaadeu dubuna, gi bei dagodo o au hegau heohi alodahi. Jerusalem ma doo huaadangada gu se mee e hakadanga ai dangada alodahi e paa mai gi gimaadeu.

Daniel 3:15

Noo goodou gu paba ange e duuduli e daumaha ange gi dagu diinonga gu hagaduu laa, i de masavaa oodou e langona ai de ili o de hanga manu, ma de flute, ma de lyre, ma mee hagadangidangi iai daula, ma de harp, ma de bagpipe, aama denga hagadaagangaa mee hagadangidangi alodahi, gai gu danuaa. Aagai noo goodou e dee daumaha ange gi tiinonga laa, gai goodou e tili ange donu gi lo te ahi ula mmahi i de masavaa moolau. Gai goai naa donu de maadua e maua i de hagaola goodou mai i dogu sauaa?”

Ephesians 3:12

go de ia odaadeu e lo taane ai ma tee maatagu i de loomai gi mada luu mada o de Maadua i de gai.

Hebrews 7:8

Tahi diba i diba e madaangahulu ne gaavange gi de gau haimeedabu e maakau laa, aagai tahi diba i diba e madaangahulu nei ne gaavange gi taane e tala laa bolo e mouli ga hano ai.

De Beebaa go Job 22:17

Gilaadeu ne hai ange gi de Maadua, ‘Aude hakoso ina gimaadeu! Ni aha naa a de Ia Mmahi Mmao laa e maua i de hai mai gi gimaadeu?’

Romans 5:10

Gai noo de masavaa odaadeu ni hagadaumee ai niio de Maadua, gai gidaadeu ne hagadanuaa odaadeu magavaa ma de Maadua, i de magau o dana Dama, gai dee hee maa ai naa de kii ange taadeu maua de hagamouli i hiidinga o dono mouli, i dua de hagadanuaa oodou magavaa ma de Maadua.

1 Corinthians 1:21

Gai go hiidinga de heiangi o de Maadua, henua i lalo tee maua gi iloo de Maadua i olaadeu heiangi donu huu, gai de Maadua ne malangilangi i de hagamouli dangada gu hagadonusia laa, i muna e deai ono haigamaiana, go mee omaadeu e agoago ai nei.

Hebrews 2:9

Aagai gidaadeu gu gidee Iesu, de ia ne hai laa ga maolalo ange i de gau de langi i dahi masavaa bodobodo, gai iainei ia gu hagahau i de mahamaha ma de hagadubu, go hiidinga ia ne hagaduasala ga magau, gai ia ga mami ange ai de magau i hiidinga o dangada alodahi, i de abodonu o de Maadua.