Biblia Todo Logo
Bib sou entènèt

- Piblisite -




Hebrews 7:19 - De Beebaa Dabu

19 (de hainga e dee maua donu i de hai dahi mee gi heohi abodonu,) gai de tali hagalodolodo e danuaa ange laa gu gaamai, gai go ia odaadeu e maua ai i de loomai e hagapaa ange gi de Maadua.

Gade chapit la Kopi




Hebrews 7:19
29 Referans Kwoze  

Gai dangada alodahi e hagadonusia ia e ilaage mai ai i haisala alodahi, gai go de hagaheohi oodou e dee maua laa i de kave i doodou daudali i de hainga a Moses.


Deenei ai, gidaadeu gi lo taane i de loomai e hagapaa ange gi de nohoanga o de abodonu laa, gi maua ai e gidaadeu i de kave de abodonu ma tegi e bale mai ai gidaadeu i de masavaa odaadeu e duasala ai.


De mee nei se ada ange gi de masavaa go iainei. Gai aanei dagodo o de hagatau nei, denga mee ngadi gaavange ma sigidaumaha e dee maua donu i de hai gi heohi abodonu lodo o tangada e daumaha i mee laa.


Mee a de hainga tee maua laa i de hai, i hiidinga de baageaa o de baasi gi de angaanga, gai de Maadua ne hai gi humai dana Dama Daane dagidahi gi hagadulagi ange gi de angaanga e haisala laa, e hai ai ssigidaumaha e tala ai haisala. Gai ia ga daa ai gi magau de haisala e hai hegau laa i lo te angaanga,


go hiidinga de Maadua gu hai dahi hagatau e danuaa ange i mee nei mai gi gidaadeu alodahi, gai ia ga hai ai gilaadeu alodahi gi heohi abodonu madali gidaadeu.


De hainga se ada donu huu niio mee danuaa gu dai loomai, e dee go de mee abodonu. Deenei ai, sigidaumaha e hai laa i ngadau alodahi, e dee maua donu i de hai gi heohi abodonu gilaadeu e loomai e hagapaa ange gi de Maadua.


gai luu mee nei e dee maua donu i de sui; de Maadua e dee maua donu i de hadu muna, deenei ai, gidaadeu gu mmuni laa i ono daha gu llodo mmahi i de daohi de tali hagalodolodo gu dagodo mai laa i odaadeu mada i mua.


gai go ono hiidinga adaadeu ne kave ai nei de abodonu o de Maadua i de gai. Gai gidaadeu e tala tuhi taadeu tali de masavaa adaadeu e kave ai de mahamaha o de Maadua.


Aagai Iesu ne kave dahi duulanga hegau e maolunga ange i hegau madagidagi, go hiidinga de hagatoo donu hagaheloongoi aana e hai hegau ai e danuaa ange, i hiidinga ne hagaduu i denga hagatoo donu e danuaa ange.


Deelaa ai, ia e maua i de hagamouli ga hano ai, gilaadeu e loomai gi de Maadua i ono hiidinga, go hiidinga ia e mouli i masavaa alodahi, gai ia ga dalodalo ai gilaadeu.


gai gimaadeu e iloo bolo tangada e dee hagaheohi i dono daudali i de hainga, aagai go dono gai ange gi Iesu Klisdo. Gai gimaadeu alodahi gu kai ange gi Klisdo Iesu, gi hagaheohi ai gimaadeu i demaadeu kai ange gi Klisdo, e dee go demaadeu daudali i de hainga, go hiidinga de hai hegau i de hainga e dee maua donu i de hagaheohi dahi dangada daudahi.


Iesu ne hai ange gi de ia, “Go au donu de haiava, ma de muna abodonu, aama de mouli. E deai donu se dangada e maua i de humai gi Tamana, noo ia e duu i mua i de au.


Aagai au, e danuaa dogu hagabaa ange gi de Maadua; au gu hai de Ia Aamua go Iahweh go dogu buibui, gai au ga tala ai dagodo o au hegau alodahi.


Noo hegau a de gau haimeedabu i de aamuli o Levi ne maua i de hai gi heohi abodonu dangada — gai go daho de gau haimeedabu ne gaavange ai de hainga gi dangada — gai gu aha gu hai ai laa gi humai dahi dangada haimeedabu bei dagodo o Melkizedek, e dee se dangada haimeedabu bei dagodo o Aaron?


Mai i daho Paul, tangada tala o Klisdo Iesu bei de hagamodu a de Maadua, taadeu Ia Hagamouli ma Klisdo Iesu taadeu tali hagalodolodo.


Gai de Maadua ne hagatau bolo e hai gi iloo e denga Gentile dagodo de laumalie de mahamaha o de mee nogo dee iloo laa, go Klisdo i oodou lodo, go de mahamaha adaadeu e tali hagalodolodo ange laa aagena.


go de ia odaadeu e lo taane ai ma tee maatagu i de loomai gi mada luu mada o de Maadua i de gai.


Deelaa ai, de hainga ne dagitilo gidaadeu ga dae ai gi de humai o Klisdo, gai ia ga hagaheohi ai gidaadeu i de gai.


Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.


Koe ne hagabaa mai gi de au i de masavaa aagu ne hagahi adu ai goe; koe ne hai mai, “Aude madagu!”


E aha, e maua e gidaadeu i de hagataba bolo de hainga e haisala? E dee maua donu! Noo tee gaamai de hainga, gai au tee iloo dagodo o de haisala. Au tee maua hogi gi iloo be se aha de nnoo hagamau mee, noo de hainga tee hai mai, “Aude nnoo!”


E aha, de hainga e hai baasi ange laa gi denga hagatoo donu a de Maadua? E dee maua donu! Gai noo de hainga gu gaamai laa ne maua i de hagamouli dangada, gai de hainga ne maua donu i de hagaheohi dangada.


Aagai Klisdo ne hai hegau i de muna abodonu i de tilo ange de hale o de Maadua bei dagodo o tama donu. Gai gidaadeu go dono hale donu, noo gidaadeu e daohi taadeu lo taane ma de malangilangi i taadeu tali hagalodolodo.


Gai ne dahi donu hagatoo donu soe ne hai ange gi de mee nei. Gai gilaadeu ne hai gi ni dangada haimeedabu i mua, teai donu se hagatoo donu soe ne hai ange gi gilaadeu.


Noo e deai se gai, aagai e dee maua donu i de hagamalangilangi de Maadua, go hiidinga tangada e humai gi de Maadua, gi hagadonusia bolo e dahi donu Maadua, gai ia e hagao ange gilaadeu e hagaduu ngae e saalaa ia.


Goodou hagapaa ange gi de Maadua, gai ia ga hagabaa adu gi goodou. Goodou de gau haisala, hagagilimalali ina oodou lima! Goodou de gau llodo lagolago, hagagilimalali ina oodou lodo!


Swiv nou:

Piblisite


Piblisite