Hebrews 7:16 - De Beebaa Dabu

¹⁶ ga hai gu se dangada haimeedabu, gai de mee nei tee hai bei dagodo muna o de hainga i de aamuli oona e humai ai, aagai ne hai i ssauaa o de mouli e deai laa se hagaodi.

Hebrews 7:16 Referans Kwoze

Colossians 2:20

Noo goodou gu maakau madali Klisdo, ange gi ssauaa o hagasaalunga o henua i lalo nei, gai gu aha goodou gu hai hegau ai naa bei dagodo o dangada e daudali i denga hainga bee nei:

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

Hebrews 10:1

De hainga se ada donu huu niio mee danuaa gu dai loomai, e dee go de mee abodonu. Deenei ai, sigidaumaha e hai laa i ngadau alodahi, e dee maua donu i de hai gi heohi abodonu gilaadeu e loomai e hagapaa ange gi de Maadua.

Hebrews 7:28

De hainga ne hili de gau e haisala ma de baageaa e hai ai de gau haimeedabu maolunga; aagai de hagatoo donu soe a de Maadua ne hai laa i dua de hainga, ne hili Tama Daane gu hai laa ma gu heohi abodonu ga hano ai.

Hebrews 7:3

Ia e deai sono damana aabe se dinana, gai e deai hogi sono atangada. E deai hogi se daamada be se hagaodi o dono mouli, ia e hagadulagi ange gi Tama Daane a de Maadua, ia se dangada haimeedabu ga hano ai e dee ngado mai.

Colossians 2:14

ia ne ssolo adaadeu muli gu daohi laa ma e hai baasi mai ai gi gidaadeu i de hainga; gai ia ne kave mee nei ga daudau ange gi de laagau lui.

Galatians 4:9

Gai iainei goodou gu iloo de Maadua, gai de Maadua gu iloo goodou; gai gu aha gu aahe ange ai naa goodou e hai hegau ange gi denga hagasaalunga baageaa o henua i lalo nei e deai laa olaadeu haigamaiana? Goodou gu llodo naa donu e hai gi ni dangada hai hegau niiolaadeu?

Galatians 4:3

Gai e bei ai hogi odaadeu dagodo: de masavaa odaadeu tigi maatua abodonu ai, gai gidaadeu e nnoho i lalo ssauaa o denga hagasaalunga e dagina laa henua i lalo.

Hebrews 7:21

Aagai taane nei ne hai ga se dangada haimeedabu i dahi hagatoo donu soe, i hiidinga o de ia ne hai ange laa gi de ia: “Tagi Maolunga gu hagatoo donu gai e dee sui naa donu dana maanadu, ‘Koe se dangada haimeedabu ga hano ai.’ ”

Hebrews 7:17

Go hiidinga ia gu hagadaba: “Koe se dangada haimeedabu ga hano ai, bei dagodo o Melkizedek.”

Romans 7:14

Gidaadeu e iloo bolo de hainga se mee ange gi de baasi gi de hagasaalunga; aagai au se dangada, e noho i lalo ssauaa o de haisala.

Hebrews 7:15

Gai de mee nei gu sula danuaa mai donu, i de humai o dahi dangada haimeedabu bei Melkizedek,

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.