Hebrews 7:1 - De Beebaa Dabu

¹ Gai taane nei go Melkizedek, go de hodooligi o Salem, ma tangada haimeedabu o de Maadua Maolunga Mmao, ne humai ga hedae ange gi Abraham i dua dana hagadee kii denga hodooligi dogohaa laa, gai ia ne hagamanuuia Abraham,

Hebrews 7:1 Referans Kwoze

Hebrews 6:20

go de mommee o de ia gu hano laa i odaadeu mada i mua ne ulu ai i odaadeu hiidinga, go Iesu. Gai ia gu hai gi se dangada haimeedabu maolunga ga hano ai bei dagodo o Melkizedek.

Micah 6:6

Se aha naa aagu e kave i dogu hano gi mada luu mada o Tagi Maolunga, e daumaha ange ai gi de Maadua maolunga laa? E maua e au i de hano gi mada luoono mada ma agu ssigidaumaha dudu, i denga kaau gu dagidahi olaadeu ngadau?

Psalm 57:2

Au e hagahi de Maadua Maolunga Mmao, go de Maadua e hagassula ina dana hagatau mai gi de au.

Mark 5:7

ma de oo ga hai ange gi de ia, “Ni aha oou e lodo ai i ogu daha, Iesu Tama Daane a de Maadua Maolunga Mmao laa? Au e hai adu gi de goe i de ingoo o de Maadua, aude hagaduasala ina loo au!”

Daniel 5:18

De hodooligi, de Maadua Maolunga Mmao laa ne gaavange gi doo damana go Nebuchadnezzar dahi nohoanga hodooligi, ma ssauaa e dagi ai, ma de mahamaha aama de hagadubu.

Psalm 78:35

Gai gilaadeu gu manadua bolo go de Maadua delaadeu baba makaga, gai de Maadua Maolunga Mmao laa go delaadeu Ia Hagaola.

Psalm 76:2

Dono hale gaainga e duu i Salem, gai dono mommee noho i Zion.

Acts 16:17

Aagai tamaa hine laa ne daudali mai i gimaadeu ma Paul, gai ia ne oo ga hagadaba, “Denga daane nei ni dangada hai hegau niio de Maadua Maolunga Mmao laa. Gilaadeu e tala adu doodou hai e hagamouli ai.”

Daniel 5:21

Gai ia gu hai gi hano gee mai i daho dangada, ana maanadu gu bei maanadu a denga manu dolodolo. Ia gu noho madali denga donkey aada ma de gai helii bei denga kaau, gai dono angaanga gu ssui i de mee suungia o de langi, ga dae ai gi de masavaa aana ne donu iho ai bolo go de Maadua Maolunga Mmao laa e dagina denga nohoanga hodooligi o dangada, ma de hilihili tangada aana e lodo e gaavange aagena.

Daniel 4:2

Au e lodo e tala adu gi goodou dagodo o denga hagailonga, ma mee hagalele mouli a de Ia Maolunga Mmao, go de Maadua gu hai mai gi de au.

Psalm 78:56

Aagai gilaadeu ne hagatale de Maadua ma de hai baasi ange gi de Ia Maolunga Mmao laa, gilaadeu tee daudali i ana muna ange gi gilaadeu.

Hebrews 7:2

gai Abraham ne vvae ange gi de ia dahi diba i diba e madaangahulu o mee alodahi. Tahi mee deenei, de hagadoonunga o dono ingoo go “Hodooligi o de Heohi;” gai go ia hogi de “hodooligi o Salem” e bei go “de Hodooligi o de Baba.”

Hebrews 7:3

Ia e deai sono damana aabe se dinana, gai e deai hogi sono atangada. E deai hogi se daamada be se hagaodi o dono mouli, ia e hagadulagi ange gi Tama Daane a de Maadua, ia se dangada haimeedabu ga hano ai e dee ngado mai.

Hebrews 7:6

Aagai taane go Melkizedek nei e dee se dangada de aamuli o Levi, aagai ia ne kave tahi diba i diba e madaangahulu mai i daho Abraham, aama de hagamanuuia ia, go de ia ne gaavange laa aagena denga hagatoo donu laa.