Hebrews 6:7 - De Beebaa Dabu

⁷ Gai de gelegele e dee modu de hagamaluulu i de langi e pala iho laa gi ono elunga, ma de ssomo ai manu e haigamaiana ange gi gilaadeu ne dooa, e hagamanuuia i daho de Maadua.

Hebrews 6:7 Referans Kwoze

Hosea 10:12

Goodou dooa ange de heohi gi oodou lodo, gai goodou ga hagihagi ai hua o de abodonu; hagabalabala ina de gelegele makaga i oodou lodo, go hiidinga gu dae mai de masavaa oodou e ssala ai Tagi Maolunga, ga dae ai gi dono humai ga hai gi hano iho de heohi gi oodou elunga.

Isaiah 44:3

Au e llingi ange naa denga vai gi honga de henua e deai vai iai, ma de hai gi hanu saalingaa vai i honga de gelegele mmasa; au e gave iho naa dogu Hagasaalunga gi honga doo hagadiilinga, ma de hagamanuuia oo aamuli.

Psalm 126:6

Tangada e sao ga hano i de dangi ma de saabai ana golee e doo ga hano ai, e aahe mai naa donu i de malangilangi, ga saabai mai ana noodangaa grain madali ia.

James 5:7

Deenei ai, denga daina, golomagi ina oodou lodo ga dae ai gi de humai o Tagi Maolunga. Goodou kalo ange diiloo de hai a tangada hai veelenga i dana tali de hua manu i honga dono gelegele, ia e golomagi ono lodo ga tali ai de pala de langi i de hagaodi ma taamada o de ngadau.

Ezekiel 34:26

Gai au e hai naa gilaadeu ma mommee i luu baasi dogu mounga dabu gi manuuia; gai au e hai naa gi pala de langi i malama o de langi; gai se langi e hagamanuuia ai.

Psalm 24:5

Tangada bee nei e kave naa de manuuia mai i daho Tagi Maolunga, gai de Maadua dono hagaola e tala naa bolo ia e heohi.

Leviticus 25:21

Au e hagamanuuia naa goodou i de ono ngadau, gai de gelegele e hhua lagolago naa gi dohu ange gi e dolu ngadau.

Malachi 3:10

Goodou gaamai alodahi denga sigidaumaha o dahi diba i diba e madaangahulu gi dogu mommee doange, gi hanu ai gai i dogu hale. Gai hagatale ange ogu dagodo, go Tagi o denga hagabuulinga hebagi e hagadaba, gai goodou ga tilo dagu hhuge denga haitoga o de langi ga llingi iho denga manuuia lagolago, ga dae ai gi de hoohonu oodou mommee doange mee.

Genesis 27:27

Gai Jacob ne hano ga hagabaa ange ga oso dono damana, gai ga dungua huu e Isaac de nnamu o ono malo, gai ia ga hagamanuuia ia, ga hagadaba, “De nnamu o dagu dama daane e bei de nnamu i lo te duu malaelae a Tagi Maolunga gu hagamanuuia.

Genesis 1:11

Gai de Maadua ga hagadaba, “Gi ssomo age i honga de henua denga hagadaagangaa manu ssomo alodahi: manu iai golee ma manu ssomo e hhaa mai ai hua gai, dahi manu ma ono hua aama ono golee.” Gai gu bei donu ana muna.

Matthew 7:8

Go hiidinga tangada e dangidangi e maua naa donu ana mee, gai tangada e saalaa e gidee naa donu, gai tangada e dugidugia e hhuge ange naa donu de haitoga gi de ia.

2 Timothy 2:6

Gai go tangada hai hegau hagammahi i de veelenga, e heohi de kave dono duuhanga mai i denga huamanu i taamada.