Hebrews 6:4 - De Beebaa Dabu

⁴ Gai noo dangada gu maalama olaadeu lodo, gai gilaadeu gu mamia ange de mee ngadi gaavange mai i de langi, ma de kave de Hagasaalunga Dabu,

Hebrews 6:4 Referans Kwoze

Matthew 5:13

“Go goodou soolo o de henua. Aagai noo denga soolo gu dee mami soolo, gai dee hee ai naa de hai e hagaahe ange ai e hai gi mami soolo? Gu deai ono haigamaiana, gai go de tili ange donu huu gi de mommee e dagadagahia ai e dangada.

John 15:6

Noo tangada e dee noho i ogu lodo, gai ia e bei de laa gu tuu laa ma gu tili, gai gu mmae; laa bee nei e hagabudu ga tili ange gi lo te ahi ga dudu ai.

Ephesians 2:8

Go hiidinga o dono abodonu oodou ne hagamouli i de gai. Gai e dee go hiidinga o oodou hegau, aagai se mee ngadi gaamai nii de Maadua,

John 3:27

Gai a John ne basa ange ga hai ange, “E deai donu se mee a tangada e maua i de kave, noo e dee gaavange gi de ia mai i de langi.

Hebrews 10:32

Goodou manadua oodou dagodo i denga laangi i mua, i dua de maalama oodou lodo; goodou ne golomagi oodou lodo gai ne tuu ga makaga i de masavaa ne kona ai doodou hagaduasala.

Matthew 12:45

Gai ia ga hano ga ssala ange e dogohidu hagasaalunga e kii ange laa de baubau i de ia, gai gilaadeu ga ulu ga nnoho i kilaa. Gai dagodo o tangada laa gu kii ange de baubau i muli mai. Gai aanei naa hogi dagodo o de atangada baubau nei.”

Galatians 3:2

Gai au e ssili adu gi goodou dahi mee: goodou ne kave laa de Hagasaalunga ⌊Dabu⌋ i doodou hai hegau i de hainga, aabe go doodou langona muna o de longo danuaa ga kai ange aagena?

2 Timothy 2:25

Gai ia gi hagaheohi ange tangada e hai baasi ange gi de ia i de lodo e daudonu, ga tali ange de Maadua gi balea ange gilaadeu gi daahuli olaadeu lodo, ma de dagi ange gilaadeu gi de muna abodonu,

1 John 5:16

Noo koe e gidee doo daina gu haisala i de mee oona e dee magau ai, gai koe gi dangidangi ai, gai de Maadua ga hagamouli ai tangada bee nei — go de ia gu haisala i mee oona e dee maakau ai. E dahi donu haisala e magau ai tangada. Gai au e dee hai adu koe gi dalodalo i de mee nei.

Hebrews 2:4

Gai de Maadua ne tala hagadonu hogi mee nei, i denga hagailonga ma mee hagalele mouli ma denga hagadaagangaa sauaa mmahi, aama denga duuhanga mai i daho de Hagasaalunga Dabu, bei dagodo o dana hagatau.

1 Timothy 4:14

Koe gi dee hagangadi mee ina tuuhanga gu gaavadu naa gi de goe i muna pelaabisi i denga masavaa a denga dagi ne dugu adu ai olaadeu lima gi oo elunga.

Acts 11:17

Noo de Maadua gu gaavange hogi gi gilaadeu de mee ngadi gaavange gu gaamai laa gi gidaadeu, i de masavaa adaadeu ne hagadonu ai Tagi Maolunga go Iesu Klisdo, gai go au goai, gai au ga hai baasi ange ai gi de Maadua?”

Ephesians 4:7

Aagai gidaadeu alodahi ne kave odaadeu duuhanga bei dagodo de hagabaaunga o de mee ngadi gaavange a Klisdo.

Ephesians 3:7

Gai dagodo o dogu hai ga se dangada hai hegau ange gi de longo danuaa, se mee ngadi gaamai gi de au i daho de Maadua i dono sauaa.

Acts 10:45

Aagai de gau Ssuu ne loomai laa madali Peter gu llele mouli i de hano iho hogi o de ngadi gaavange go de Hagasaalunga Dabu gi honga o denga Gentile.

Acts 8:20

Aagai Peter ga hai ange gi de ia, “Koe gi magau madali au sseene naa, go hiidinga koe e maanadu bolo koe e maua i de hagao de mee ngadi gaavange a de Maadua i sseene!

John 6:32

Iesu ne hai ange gi gilaadeu, “Ni muna abodonu, ni muna abodonu aagu e hai adu nei gi goodou, e dee go Moses ne gaavadu gi goodou de pelaoaa mai i de langi, gai dogu Damana e gaavadu gi goodou de pelaoaa abodonu mai i de langi.

Numbers 24:3

gai ia ga tala ana muna, ga hagadaba, “Muna a Balaam, tama daane a Beor, muna a taane e gidee mee,

Galatians 3:5

E aha, de ia ne gaavadu gi goodou de Hagasaalunga ⌊Dabu⌋, ma de hai denga mee hagalele mouli i oodou daha, ne hai laa mee nei i dono daudali i de hainga, aabe go hiidinga doodou langona de longo danuaa ga kai ange aagena?

Acts 15:8

Gai de Maadua e iloo laa e ia denga lodo alodahi ne tala hagadonu dagodo olaadeu lodo, i dana gaavange de Hagasaalunga Dabu gi gilaadeu, bei dana hai gu gaamai ai laa hogi gi gidaadeu.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

2 Timothy 4:14

Alexander, de labagau o denga bronze, gu hai mai dahi hegau baubau mmao gi de au; gai Tagi Maolunga gi hagao ina ange ana hegau baubau.

Romans 1:11

Go hiidinga au e lodo mmao e tilo goodou, gai au ga gaavadu ai gi goodou hanu mee ngadi gaavange i de baasi gi de hagasaalunga e hagammahi ai oodou lodo,

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Ephesians 1:18

ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

Leviticus 13:55

Gai dua naa huu de taa de malo laa, gai tangada haimeedabu gi ahe ange gi diiloo; gai noo mee dongidongi laa tigi dagodo gee, gai e dee galemu naa donu noo tigi dolo gi daha, gai e dee gilimalali donu. Gai ia gi duungia de malo laa, e dee hilihili be go tua aabe go de aloalo o de malo iai mee dongidongi laa.

Leviticus 14:43

Gai noo mee dongidongi laa e aahe ange ga ssula age i lo te hale laa, i dua de aau gee hanu hadu ma de goigoi lo te hale laa ga lebu,