Hebrews 6:18 - De Beebaa Dabu

¹⁸ gai luu mee nei e dee maua donu i de sui; de Maadua e dee maua donu i de hadu muna, deenei ai, gidaadeu gu mmuni laa i ono daha gu llodo mmahi i de daohi de tali hagalodolodo gu dagodo mai laa i odaadeu mada i mua.

Hebrews 6:18 Referans Kwoze

Numbers 23:19

de Maadua e dee se dangada, gai ia ga hadu muna ai, ia e dee bei dagodo o dangada, gai ia ga sui ai dana maanadu. E aha, ia gu basa, gai ia e dee hai naa gi bei? E aha, ia gu tala de muna, gai ia e dee hagasula?

Titus 1:2

ma de tali hagalodolodo ange gi de mouli e dee ngado mai, go de mee a de Maadua, e deai laa se hadu muna, gai gu hagatoo donu i mua taamada o henua i lalo,

1 Samuel 15:29

Gai de ia Mahamaha o Israel e dee hadu muna donu aabe e sui ono lodo; go hiidinga ia e dee bei dagodo o tangada, gai ia ga sui ai ono lodo.”

2 Timothy 2:13

noo gidaadeu e dee hai hegau i de mee abodonu, gai ia e dee tuu donu dono hai hegau i de mee abodonu. Go hiidinga ia e dee maua i de hagahadu muna donu huu ia.

Romans 3:4

E dee maua donu! De Maadua e heohi, aagai dangada alodahi ni dangada hadu muna. Gai gu sisi e hai ange, “Koe e hagaheohi donu i doo masavaa e basa ai, ma de kii i de masavaa aau e hagamodu ai muna.”

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

1 John 1:10

Noo gidaadeu e hagataba bolo gidaadeu tigi haisala, gai gidaadeu e hai de Maadua gi se ia hadu muna, gai ana muna e dee daakodo donu i odaadeu lodo.

Joshua 20:3

Gai tangada naa huu e daia dahi dangada ga magau, gai ia tee se hagabau, gai ia gi saavini gi hano gi kilaa gi ola ai ia; aduhale nei ni mommee e hulo goodou e mmuni ai, i tangada e lodo e suuia ange de magau o dono dangada.

Isaiah 51:12

“Go au, go au donu de ia e hagaaneane ina goe. Gai go koe goai, gai koe ga madagu ai i tangada e magau laa, gai go dama a dangada, e bei laa dagodo o denga helii?

Hebrews 3:11

Deelaa ai, au ne hagatoo donu i dogu lili, ‘Gilaadeu e dee ulu donu i dagu hagamaabunga.’ ”

1 Timothy 1:1

Mai i daho Paul, tangada tala o Klisdo Iesu bei de hagamodu a de Maadua, taadeu Ia Hagamouli ma Klisdo Iesu taadeu tali hagalodolodo.

Romans 3:25

De Maadua ne gaavange Iesu ga hai ai ssigidaumaha i ono dodo, e tala ai haisala o dangada e kai ange gi de ia. Ssigidaumaha nei e hagaago mai bolo de Maadua e heohi, i hiidinga ia ne golomagi ono lodo, ga hagadee anga ange gi denga haisala i mua.

Zechariah 9:12

Goodou e nnoho i lo te hale pono, e dahi donu oodou tali, aahe gi de mommee buibui makaga; ailaa nei gai au e tala adu bolo au e hagaahe adu naa doodou manuuia ga hai gi lua hanonga e kii ange ai.

Isaiah 64:7

E deai donu se dangada e hagahia adu doo ingoo, aabe e hagammahi e ssala goe; koe gu hagammuni luoo mada i gimaadeu, gai gu dugu ange omaadeu baubau gi hagaduasala ina gimaadeu.

Isaiah 56:4

Go hiidinga e hagadaba Tagi Maolunga, “Denga eunuch e dao ina laa agu Sabbath, ma de hilihili mee oogu e malangilangi ai, aama de daohi dagu hagatoo donu hagaheloongoi —

Proverbs 4:13

Daohia agu agoago, aude dilia donu, gai diiloo ange gi danuaa, go hiidinga deenei doo mouli.

Psalm 110:4

Tagi Maolunga gu hagatoo donu gai ia e dee sui naa donu dana hagatoo donu: “Koe se dangada haimeedabu ga hano ai, bei dagodo o Melkizedek.”

1 Kings 2:28

De masavaa a Joab ne langona ai muna nei — go hiidinga ia ne hagabuni ange laa gi Adonijah, aagai ia e dee hagabuni ange gi Absalom — gai ia ga savini ga hano gi de hale malo o Tagi Maolunga ga poo denga hanga i honga de mommee o ssigidaumaha.

1 John 5:10

Be goai e hagadonusia Tama Daane a de Maadua, gai ia e daohia de tala hagadonu nei i ono lodo. Gai tangada e dee hagadonusia de Maadua gu hai de Maadua gi se ia hadu muna, go hiidinga ia tee hagadonusia muna a de Maadua gu tala ai dagodo o dana Dama Daane.

1 Timothy 6:12

Gai koe gi hagaduu ngae i de hebagi danuaa o de gai. Haia gi maua e goe de kave de mouli e dee ngado mai, go de mee oou gu hagahi ange naa aagena i dau masavaa ne tala hagadonu ai doo gai i madamada o de gau hagadonu soa.

Romans 15:5

Gai de Maadua o de golomagi lodo ma de lodo mmahi gi gaavadu gi goodou de lodo daudahi, bei dagodo lodo o Klisdo Iesu,

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.

1 Thessalonians 1:10

gai goodou e tali de humai o dana Dama Daane mai i de langi, go Iesu, de ia a de Maadua ne hagamouli age mai i de magau. Gai go Iesu donu hogi ne hagaola ina gidaadeu mai i de bole ⌊o de Maadua⌋ gu dai humai laa.

Colossians 1:27

Gai de Maadua ne hagatau bolo e hai gi iloo e denga Gentile dagodo de laumalie de mahamaha o de mee nogo dee iloo laa, go Klisdo i oodou lodo, go de mahamaha adaadeu e tali hagalodolodo ange laa aagena.

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

Luke 2:25

Gai e dahi daane i Jerusalem, dono ingoo go Simeon, ia se daane heohi ma de hai lodo o de Maadua, ia ne tali de hagaola o de gau Israel, gai de Hagasaalunga Dabu e noho i ono daha.

Matthew 24:35

De langi ma henua i lalo e llilo naa donu, aagai agu muna e dee llilo donu.

Isaiah 27:5

Gai noo gilaadeu e llodo e hai au go delaadeu buibui, gai gilaadeu gi hagadanuaa mai gi de au, gilaadeu gi hagadanuaa mai gi de au.”

Genesis 19:22

Aagai koe hagamoolau savini gi kilaa, go hiidinga au e dee maua donu i de hai dahi mee daudahi, ga dae ai gi doo dae gi kilaa.” (Deelaa ai, de aduhale laa gu hagaingoo ange go Zoar.)

Hebrews 7:21

Aagai taane nei ne hai ga se dangada haimeedabu i dahi hagatoo donu soe, i hiidinga o de ia ne hai ange laa gi de ia: “Tagi Maolunga gu hagatoo donu gai e dee sui naa donu dana maanadu, ‘Koe se dangada haimeedabu ga hano ai.’ ”

Hebrews 3:6

Aagai Klisdo ne hai hegau i de muna abodonu i de tilo ange de hale o de Maadua bei dagodo o tama donu. Gai gidaadeu go dono hale donu, noo gidaadeu e daohi taadeu lo taane ma de malangilangi i taadeu tali hagalodolodo.

Colossians 1:5

i hiidinga de tali hagalodolodo gu hagadabena adu laa gi goodou i de langi. Gai goodou gu langona dagodo o de tali nei i de agoago abodonu, go de longo danuaa,

Philippians 2:1

Deenei ai, noo e dahi oodou llodo mmahi i daho Klisdo, be se hagaaneane i de aloha, be go de buni i lodo o de Hagasaalunga ⌊Dabu⌋, aabe go de lodo aloha ma de abodonu ange gi dangada,

Matthew 3:7

Aagai de masavaa huu a John ne gidee ai denga Pharisee ma Sadducee gu loomai hogi e babudaisi i ono daha, gai ia ga hai ange gi gilaadeu, “Goodou dama a denga labodo hagammau, goai ne hai adu goodou gi hagaola ina goodou mai i de bole gu dai humai laa?

Proverbs 3:18

De heiangi e bei de manu somo o de mouli, ange gi dangada alodahi e gaavee; gai gilaadeu e daohia de heiangi nei, e manuuia donu.

Psalm 62:8

Ogu dangada, goodou hagadonusia ia i masavaa alodahi; daalaa ange gi de ia mee i oodou lodo; go hiidinga go de Maadua taadeu buibui. Selah

Romans 5:5

Gai de tali hagalodolodo nei e hai gi dee llodo baageaa gidaadeu, go hiidinga de Maadua gu gaamai dono aloha gi odaadeu lodo, i daho de Hagasaalunga Dabu aana ne gaamai laa gi noho i odaadeu lodo.

Hebrews 6:17

Gai e bei ai hogi, de masavaa a de Maadua ne lodo ai e hagaago ange gi gilaadeu aana gu hagatoo donu ange aagena, bolo dana hagatoo donu e dee sui donu, gai ia ne hagadonu de mee nei i dahi hagatoo donu soe,

Hebrews 7:19

(de hainga e dee maua donu i de hai dahi mee gi heohi abodonu,) gai de tali hagalodolodo e danuaa ange laa gu gaamai, gai go ia odaadeu e maua ai i de loomai e hagapaa ange gi de Maadua.