Hebrews 6:10 - De Beebaa Dabu

¹⁰ Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.

Hebrews 6:10 Referans Kwoze

Matthew 10:42

Gai be goai e gaavange dahi ubu vai maluulu gi dahi gilaadeu e maolalo nei, i hiidinga ia se dangada agoago niiagu, ni muna abodonu aagu e hai adu nei gi goodou, ia e kave naa donu dono hagaoanga.”

Hebrews 13:16

Goodou gi dee ngalo de hai tanuaa ma de ngadi gaavange mee gi dangada, go hiidinga aanei denga hagadaagangaa sigidaumaha o de Maadua e malangilangi ai.

Galatians 6:10

Deenei ai, noo gu dahi masavaa danuaa, gai gidaadeu gi haia ange tanuaa gi dangada alodahi, gai go huaabodu donu o dangada gu hagadonusia e hai ange mee nei aagena.

Acts 10:4

Gai ia ga haaina ia i dono madagu, ga ssili ange gi de ia, “Tagi Maolunga, se aha e hai?” Tangada de langi laa ne hai ange gi de ia, “Au dalodalo alodahi ma doo abodonu ange gi de gau hagaau aloha gu tae age, ma de hagamaanadu ai goe i mada luu mada o de Maadua.

1 Thessalonians 1:3

Gimaadeu e manadua goodou i talodalo i mada luu mada o taadeu Maadua ma Tamana i oodou hegau e hai i de gai ma oodou hegau i de aloha, ma doodou llodo mmahi i de tali hagalodolodo i lodo o taadeu Dagi Maolunga go Iesu Klisdo.

Colossians 3:17

Gai mee alodahi oodou e hai, i oodou muna be go oodou hegau, gai goodou haia mee nei alodahi i de ingoo o Tagi Maolunga go Iesu, ma de hagaahe ange de abodonu gi de Maadua Tamana i dono ingoo.

Proverbs 14:31

Tangada e vaivai haia laa tangada hagaau aloha e hagangadi mee de ia ne haia gilaau, aagai be goai e abodonu ange gi gilaadeu e duasala e hagadubu de Maadua.

1 Timothy 6:18

Gilaadeu gi haia tanuaa, ma de hagaduu ngae i denga hegau danuaa, gai gilaadeu gi paba ange ma de malangilangi i de abodonu ange gi dangada.

Mark 9:41

Ni muna abodonu aagu e hai adu nei gi goodou, be goai e gaavadu gi goodou dahi ubu vai i dogu ingoo, i hiidinga goodou nii de Klisdo, gai ia e dee tili donu dono hagaoanga.

Romans 12:13

Goodou bale ange dangada o de Maadua gu duasala laa; goodou abodonu ange gi dangada.

Acts 11:29

Gai gilaadeu gu hagadonusia i kilaa, ne hagamodu bolo e daohi age hanu mee e bale ange ai denga daina i Judea, i de mee a dahi ma dahi e mau.

Galatians 5:13

Denga daina, goodou ne hagahia ange gi de ilaage; aagai goodou gi dee haia oodou ilaage gi haia ai lodo o de angaanga, aagai goodou gi hagadau bale i de aloha.

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Acts 10:31

gai ia ne hai mai gi de au, ‘Cornelius, de Maadua gu langona au dalodalo ma de manadua doo abodonu ange gi de gau hagaau aloha.

John 13:20

Ni muna abodonu, ni muna abodonu aagu e hai adu nei gi goodou, be goai e abodonu ange gi tangada aagu e hai gi humai e abodonu mai donu gi de au; gai be goai e abodonu mai gi de au e abodonu ange donu gi de ia ne haia ngau gi humai.”

Nehemiah 5:19

Dogu Maadua, koe gi manadua mai au i doo abodonu, i agu mee alodahi gu hai ange gi de huaadangada nei.

2 Timothy 4:8

Deenei ai, de hau o de heohi gu hagadabena mai donu gi de au, go de hau a Tagi Maolunga, de ia hagamodu muna heohi, e hagao mai ai au i de laangi laa, gai e dee go au donu huu, aagai se mee ange gi gilaadeu alodahi e malangilangi i dono hagasula mai.

2 Corinthians 9:1

Gai e deai donu haigamaiana dagu sisi adu ange dagodo o de bale ange gi dangada o de Maadua,

Jeremiah 18:20

E aha, e heohi de sui ange tanuaa i de baubau? Aagai gilaadeu gu geli dahi geelinga moogu. Koe gi manadua dogu duu i mada luoo mada ga dangidangi ai i olaadeu hiidinga gi dee humai ai doo lili i gilaadeu.

Nehemiah 13:31

gai au ne hai gi hanu lahhie e hai ai ssigidaumaha, i de masavaa gu hagamodu ange, aama de masavaa o denga huamanu i taamada. Dogu Maadua, manadua mai au i doo abodonu.

Nehemiah 13:22

Gai au ne hai ange gi hagadiilinga o Levi gilaadeu gi hagagilimalali ina gilaadeu ma gi loomai hagaloosi ina denga haitoga, gi maua ai i de hai gi dabu de laangi o Sabbath. Dogu Maadua, manadua mai hogi au i de mee nei, gai abodonu mai gi de au gi bei dagodo o doo aloha laumalie.

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

1 John 1:9

Gai noo gidaadeu e tala odaadeu haisala, gai de Maadua e hai hegau i de muna abodonu ma de heohi, ia e degi mai donu gi odaadeu haisala, ga hagagilimalali gidaadeu mai i denga dee heohi alodahi.

Psalm 20:3

Gai ia gi dee ngalo au sigidaumaha alodahi, gai gi malangilangi i au sigidaumaha dudu. Selah

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

Exodus 1:20

Deelaa ai, de Maadua ne hagamanuuia luu haahine hagahaanau laa, gai de gau Israel gu kii ange donu de soa aama de mmahi.

Ecclesiastes 11:1

Magaa au pelaoaa gi honga tai gai koe e ahe ange naa ga gidee i dua hanu laangi lagolago.

Jeremiah 31:16

E hagadaba Tagi Maolunga, “Duudia dau dangi gai sooloa oo loimada, go hiidinga e dahi donu hagaoanga o au hegau, go Tagi Maolunga e hagadaba. Gai gilaadeu e aahe mai naa i de henua o de hagadaumee.

Hebrews 10:32

Goodou manadua oodou dagodo i denga laangi i mua, i dua de maalama oodou lodo; goodou ne golomagi oodou lodo gai ne tuu ga makaga i de masavaa ne kona ai doodou hagaduasala.

Matthew 20:7

Gilaadeu ne hai ange gi de ia, ‘Go hiidinga e deai donu se dangada e gaamai hanu hegau maamaadeu.’ Ia ne hai ange gi gilaadeu, ‘Goodou hulo hogi hai hegau i dagu veelengaa grape.’

Matthew 25:17

E bei ai hogi tangada ne gaavee laa e lua talent, ia ne maua ange e lua talent.