Hebrews 5:7 - De Beebaa Dabu

⁷ Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

Hebrews 5:7 Referans Kwoze

John 17:1

Gai ga lava huu i de tala a Iesu muna nei, gai ia ga galo age gi de langi ga hagadaba, “Tamana, gu dae mai de aoaa; hagamahamaha ina dau Dama Daane, gai ia ga hagamahamaha ai goe.

Matthew 27:46

Gai tolu aoaa huu gai Iesu ga oo ga hagadaba, “Eli, Eli, lama sabachthani?”, e bei, “Dogu Maadua, dogu Maadua, gu aha gu tili ai naa goe au?”

Mark 15:34

Gai ga daa huu tolu i de ahiahi, gai Iesu ga oo i de leo mmahi ga hagadaba, “Eloi, Eloi, lama sabachthani?”, e bei “Dogu Maadua, dogu Maadua, gu aha gu tili ai naa goe au?”

Hebrews 12:28

Deenei ai, go hiidinga gidaadeu e kave de nohoanga hodooligi e dee maua laa i de hagangalungalue, gidaadeu ga hagaahe ange de abodonu ma de daumaha ange gi de Maadua e hagamalangilangi ai ia, i de hagadubu ma de maatagu,

John 11:35

Gai Iesu ga dangi.

Matthew 27:50

Gai de masavaa huu o Iesu ne ahe ange ai ga oo i de leo mmahi, gai ia gu hai ana manava hagaodi.

Mark 15:37

Gai Iesu ga oo i de leo mmahi ga hai ana manava hagaodi.

Psalm 22:24

Go hiidinga ia tee hagangadi mee be tee anga ange gi de hagaduasala ina o tangada; ia tee hagammuni luoono mada i de ia, aagai ne hagallongo dono dangidangi ange i de bale.

Hebrews 2:14

Deenei ai, go hiidinga denga dama ni kano ma dodo, e bei ai hogi, ia ne hai gi se dangada bei olaadeu dagodo, gi maua ai e ia i de magau e hagadee kii ai de ia e daohia laa ssauaa o de magau, go de ia hagabaubau,

Luke 23:46

Gai Iesu ne oo i de leo mmahi, ga hagadaba, “Tamana! Au e dugu adu dogu hagasaalunga gi lodo luoo lima.” Gai ga lava huu i dana tala muna laa gai ia gu hai ana manava hagaodi.

Psalm 69:1

De Maadua, hagaola ina mai au, go hiidinga denga vai gu dae age loo gi dogu ua.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Isaiah 49:8

E hagadaba Tagi Maolunga: “Au e basa adu naa gi dau dangidangi i de masavaa danuaa, ma de bale adu goe i de laangi o de hagaola; au e hagaloosi naa goe ma de hai goe gi se hagatoo donu hagaheloongoi ange gi denga huaadangada, ma de hagaahe adu doo henua, ma de vaevae denga boolonga gu ngadi daakodo laa,

Leviticus 2:2

ga gaamai gi denga dama daane a Aaron, gu hai laa gi ni dangada haimeedabu. Gai tangada haimeedabu gi buulia hanu pelaoaa gu hilo laa ma lolo aama frankincense, ga dudu hanu i honga de mommee o ssigidaumaha e hai ai de mee hagamaanadu; de mee nei se sigidaumaha e hai i de ahi, gai e nnamu kala ange gi Tagi Maolunga.

2 John 1:7

Go hiidinga gu soa gilaadeu e daahangadia dangada gu hulo saele i henua i lalo, gilaadeu e dee llodo e tala bolo Iesu Klisdo gu humai ma gu hai gi se dangada. Tangada bee nei se dangada e daahangadia dangada gai se hagadaumee niio Klisdo.

1 John 4:3

aagai hagasaalunga alodahi e dee daalaa hagadonu dagodo o Iesu, tee loomai i daho de Maadua. Gai deenei donu de hagasaalunga o de hagadaumee o Klisdo, go de ia oodou gu langona laa bolo e humai, gai ia gu noho donu i henua i lalo iainei.

Galatians 4:4

Aagai ga dae huu de masavaa gu lava laa i de hagamodu, gai de Maadua ne hai gi humai dana Dama Daane gi haanau i daho de hine, i lalo de hainga a Moses,

John 11:42

Au e iloo bolo koe e langona agu muna i masavaa alodahi, gai au e tala muna nei i hiidinga o dangada e tuu nei i kinei, gi hagadonusia ai e gilaadeu bolo go koe donu ne gaamai au gi humai.”

Romans 8:3

Mee a de hainga tee maua laa i de hai, i hiidinga de baageaa o de baasi gi de angaanga, gai de Maadua ne hai gi humai dana Dama Daane dagidahi gi hagadulagi ange gi de angaanga e haisala laa, e hai ai ssigidaumaha e tala ai haisala. Gai ia ga daa ai gi magau de haisala e hai hegau laa i lo te angaanga,

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Psalm 88:1

Tagi Maolunga, dogu Maadua, go koe dogu hagaola; au e hagahi adu i de laangi ma de boo.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Hebrews 10:5

Deelaa ai, de masavaa o Klisdo ne humai ai gi henua i lalo, gai ia ne hagadaba, “Koe e dee lodo i sigidaumaha ma mee ngadi gaavange, aagai koe ne hagadabena mai dahi angaanga gi de au;

Hebrews 10:10

Gai de lua hagatau ne hai ga dabu gidaadeu i ssigidaumaha o de angaanga o Iesu Klisdo i e dahi donu huu hanonga.

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.