Hebrews 5:2 - De Beebaa Dabu

² Gai ia e donu ange gi dagodo o dangada e llodo ssenga ma gilaadeu e daahuli gee i de muna abodonu, go hiidinga ia e baageaa donu hogi i de hai mee nei.

Hebrews 5:2 Referans Kwoze

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

Hebrews 2:18

Go hiidinga ia ne kave de hagaduasala ma de hagatale, deelaa ai, ia e maua hogi i de bale ange gilaadeu e hagataalea laa.

Hebrews 7:28

De hainga ne hili de gau e haisala ma de baageaa e hai ai de gau haimeedabu maolunga; aagai de hagatoo donu soe a de Maadua ne hai laa i dua de hainga, ne hili Tama Daane gu hai laa ma gu heohi abodonu ga hano ai.

Hebrews 12:13

gai hagassoea haiava oodou e seesee ai, gi dee daahuli ai vae o de gau balagelage, aagai gi ieiangi.

Galatians 4:13

Goodou e manadua bolo go hiidinga o dogu magi aagu ne daamada ai de agoago adu de longo danuaa gi goodou.

2 Corinthians 12:5

Gai go dagodo o taane nei aagu ga tala tuhi, aagai au e dee tala tuhi ogu dagodo, gai e tala tuhi donu huu dagodo o dogu baageaa.

1 Timothy 1:13

I mua gai au se dangada e basa baubau i de ia, ma de vaivai hai dangada ma de alasala. Gai de Maadua ne lodo aloha mai gi de au, i hiidinga au ne hai mee nei i dogu dee donu ma tee hagadonusia.

2 Corinthians 11:30

Noo au e tala tuhi dahi mee, gai au gi duuhia mee e hagaago danuaa mai ai laa dogu baageaa.

Luke 22:32

Gai au gu dalodalo i de goe gi dee helui ai doo gai. Aagai de masavaa naa huu oou e ahe mai ai, gai koe ga hagammahi ange oo daina.”

Isaiah 30:11

Goodou hulo gee i de haiava nei, daa gee i de haiava nei, goodou aude daalaa mai muna a de Ia Dabu o Israel!”

Exodus 32:8

Gilaadeu ne moolau donu de hulo gee mai i de haiava aagu gu tala ange gi gilaadeu; gilaadeu gu lava i de hai dahi kaau baalanga, ma gu daumaha ma de sigidaumaha ange aagena, ma de hagataba, ‘De gau Israel, aanei denga diinonga ne hagassao ina mai goodou i de henua go Egypt!’ ”

Judges 2:17

Aagai gilaadeu tee hagallongo ange gi olaadeu gau hagamodu muna, aagai ne daudali ange i denga diinonga, ma de daumaha ange gi gilaadeu. Gai ne moolau donu delaadeu hulo gee mai i de haiava o olaadeu maadua madagidagi ne seesee ai laa, go gilaadeu ne daudali laa i muna a Tagi Maolunga, gai de atangada nei tee daudali ai.

Isaiah 29:24

Dangada gu haisala laa e aahe ange naa ga tonu ange; gilaadeu e nnanu laa e hagallongo naa agu agoago.”

Ephesians 4:18

Alaadeu maanadu e kona mmao de gohu, gilaadeu gu vvae gee i de mouli o de Maadua, i hiidinga delaadeu llodo ssenga ma de makaga olaadeu lodo;

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Hebrews 9:7

Aagai go tangada haimeedabu maolunga donu huu e maua i de ulu gi lo te aabi e mua gi lodo, gai e dahi donu huu ono hanonga e ulu ai i de ngadau, gai ia e dee maua i de ulu gi kilaa noo e deai dodo e kave madali ia, gai ia ga hai ai ssigidaumaha i hiidinga o ono haisala aama haisala o dangada gu hai laa gai se tee hagabau.

James 5:19

Denga daina, noo dahi goodou e dahuli gee i de mee abodonu, gai dahi dangada ga hagaahe mai ia,

1 Peter 2:25

I mua gai goodou e bei denga ssiibi gu ssenga saele laa, aagai iainei goodou gu aahe mai gi de Ia Hagaloosi ma de ia e hagaloosi ina oodou hagasaalunga.