Hebrews 5:13 - De Beebaa Dabu

¹³ go hiidinga tangada e mouli laa i vai uu se gauligi donu huu, ia tigi abo i de hagahai hegau muna o de heohi.

Hebrews 5:13 Referans Kwoze

1 Peter 2:2

Goodou gi bei dagodo o denga gaagaa, e llodo laa i vai uu o de baasi gi de hagasaalunga e dee hilo laa i hanu mee gee, gi maatua abodonu ai goodou ma de hagamouli,

1 Corinthians 14:20

Denga daina, goodou gi dee maanadu gauligi; gai maanadu bei dagodo o denga gaagaa i de hai de baubau, aagai oodou maanadu gi maatua abodonu.

2 Timothy 3:16

Muna alodahi o de Beebaa Dabu ne daamada mai i lodo o de Maadua, gai e haigamaiana ange gi de agoago ai, ma de hagakana ange ai, ma de hagaheohi aama de agoago ai gi heohi tangada,

Isaiah 28:9

⌊Gilaadeu e ssili,⌋ “Goai aana e hagatale nei de agoago ange i de iloo mee? Gai goai aana e hagadonu ange aagena ana muna? Go denga gaagaa gu dee unu laa vai uu, go denga gaagaa gu dee unuunu laa i de gaanuunu?

Ephesians 4:14

gi dee bei ai gidaadeu dagodo o denga gauligi, e baabaagia saele laa i denga beau, ma de iliilihia saele i denga hagadaagangaa agoago, a dangada e daahangadia dangada i alaadeu hagatau hadu muna.

1 Corinthians 3:1

Aagai au, e denga daina, e dee maua i de basa adu gi goodou bei dagodo o dangada e noho de Hagasaalunga i olaadeu daha, aagai e basa ange gi dangada goi daudali i lodo o de angaanga, bei denga gaagaa i lodo o Klisdo.

2 Corinthians 3:9

Gai noo ne mahamaha de hegau ne hagabaubau ai dangada, gai de hegau ne hagaheohi ai dangada e kii ange donu de mahamaha.

1 Corinthians 13:11

De masavaa oogu e gauligi ai, gai au e basa gauligi, ma de maanadu gauligi, au ne hagasaele hogi bei de gauligi. Gai de masavaa huu oogu gu madua ai, gai au gu dugu de hai mee a gauligi.

Psalm 119:123

Luoogu mada gu dalea mmao i de dagitilo de masavaa aau e hagaola ai, ma de hai gi bei dau hagatoo donu heohi.

Mark 10:15

Ni muna abodonu aagu e hai adu nei gi goodou, be goai e dee gaavee de nohoanga hodooligi o de Maadua bei dagodo o tamaa gauligi, aagai ia e dee maua donu i de ulu ai.”

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Romans 2:20

gai se dangada e hagaheohi ina ange gilaadeu e llodo ssenga ma de agoago ange denga gauligi, go hiidinga koe gu iloo de hainga alodahi ma de muna abodonu —

2 John 1:11

go hiidinga tangada e hagaboo ange gi de ia e hagabuni ange donu gi ana hegau baubau.