Hebrews 5:1 - De Beebaa Dabu

¹ Tangada haimeedabu maolunga ne hili mai i magavaa o dangada, ma de dongi ange gi suuia ai dangada i mada i mua o de Maadua, ma de gaavange mee ngadi gaavange ma de hai sigidaumaha ange gi haisala.

Hebrews 5:1 Referans Kwoze

Hebrews 8:3

De gau haimeedabu maolunga alodahi e hili gi gaavange denga mee ngadi gaavange ma de hai denga sigidaumaha. Deenei ai, e heohi hogi de hai a tangada haimeedabu nei dahi sigidaumaha.

Hebrews 10:11

Laangi alodahi gai tangada haimeedabu e duu ga hai ana hegau daumaha; ia e aheahe ange ga hai denga sigidaumaha mau, gai ni mee e dee maua i de kave gee haisala o dangada.

Hebrews 11:4

De gai o Abel ne hai ga maua e ia de hai dahi ssigidaumaha e danuaa ange laa i ssigidaumaha a Cain. Gai ia ne hagabinga bolo se daane e heohi i hiidinga o de mee nei, gai de Maadua ne malangilangi i ana mee ngadi gaavange. Gai ia e duudagi donu de basa iainei i dono gai, e dee galemu donu ia gu magau.

Hebrews 9:9

De mee nei se ada ange gi de masavaa go iainei. Gai aanei dagodo o de hagatau nei, denga mee ngadi gaavange ma sigidaumaha e dee maua donu i de hai gi heohi abodonu lodo o tangada e daumaha i mee laa.

Hebrews 7:27

Ia e dee bei dagodo o de gau haimeedabu maolunga ange laa; ia e dee aheahe ange e hai ssigidaumaha i laangi alodahi, e tala ai ono haisala donu, gai muli mai go haisala o de huaadangada. Aagai ne dahi donu huu hanonga aana ne hai ai ssigidaumaha i dono angaanga donu, i hiidinga olaadeu haisala.

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Leviticus 9:7

Gai Moses ga hai ange gi Aaron, “Hannoo gi gaogao de mommee o ssigidaumaha haia ai ssigidaumaha o haisala, aama ssigidaumaha dudu, e tala ai oo haisala ma haisala o de huaadangada; gai koe ga hai ai ssigidaumaha a dangada e tala ai olaadeu haisala, bei de hai a Tagi Maolunga gu tala mai ai.”

Leviticus 8:2

“Gaamai Aaron ma ana dama daane, ma denga malo dabu, ma denga lolo hagadabu, aama de kaau daane e hai ai ssigidaumaha o haisala, ma e lua ssiibi daane, ma e dahi gede pelaoaa e deai mee hagahua iai;

Romans 15:17

Deenei ai, au e maua i de tuhi agu hegau ange gi de Maadua, i dogu noho i lodo o Klisdo Iesu.

1 Corinthians 15:3

Gai au e tala adu gi goodou de mee hagamogomogo hugadoo, bei dagu hai ne kave ai: Klisdo ne magau i odaadeu haisala bei dagodo muna a de Beebaa Dabu,

Hebrews 8:4

Gai noo ia e noho i henua i lalo, gai ia e dee se dangada haimeedabu, go hiidinga e hanu donu dangada haimeedabu e gaavange mee ngadi gaavange bei de hai gu tala ai laa i de hainga.

Hebrews 10:12

Aagai dua huu de hai a Klisdo ssigidaumaha i dono angaanga donu, i dahi hanonga, i hiidinga o denga haisala, gai ia gu noho i de baasi madau o de Maadua.