Hebrews 4:12 - De Beebaa Dabu

¹² Go hiidinga muna a de Maadua e mouli ma de mmahi, e kangi ange i de gadilaasa baasi lua, gai e vvae de lodo ma de hagasaalunga, ma denga sugusuguinga ma mee i lodo ivi; gai e hagamodu dagodo maanadu ma hagatau alodahi i de lodo.

Hebrews 4:12 Referans Kwoze

Jeremiah 23:29

E aha, agu muna e dee bei dagodo o de ahi, go Tagi Maolunga e hagadaba, gai e bei hogi de haamaa e oha ai laa denga hadu?”

Isaiah 55:11

gai e bei ai hogi, muna e tala i dogu ngudu e dee ngadi aahe mai donu gi de au, aagai e hagassula ogu mee e lodo ai, ma de hai gi bei mee alodahi aagu gu tala ange gi haia.

Ephesians 6:17

ma de goobai o de hagamouli, ma de gadilaasa a de Hagasaalunga ⌊Dabu⌋, go muna a de Maadua.

Psalm 119:130

De hhuge mai o au muna e gaamai de maalama, gai e hai gi tonu ange gilaadeu e llodo ssenga.

1 Peter 1:23

Goodou gu aahe ange ma gu haanau hoou, gai tee hhaa mai i mee e hulo laa ga pobo, aagai go mee e dee maua laa gi pobo, go muna a de Maadua e mouli laa ga hano ai e dee ngado mai;

Isaiah 49:2

Ia ne hai dogu ngudu gi kangi bei de gadilaasa, gai ne haoli au i lalo de malu o dono lima; ia ne hai hogi au gi bei dahi dao o de mee hholu gu hakaa ma gu kangi, ma gu hhao gi lo te mommee hhao dao.

Revelation 1:16

Gai ia e daohi e hidu heduu i dono lima madau, gai de gadilaasa kangi baasi lua e sao mai i lo tono ngudu. Gai luoono mada e maalama bei de maalama o de laa i de masavaa e mmahi ai.

1 Thessalonians 2:13

Gimaadeu e hagaahe ange hogi de abodonu gi de Maadua i masavaa alodahi, go hiidinga de masavaa oodou ne kave ai muna a de Maadua oodou ne langona laa i omaadeu daha, gai goodou tee kave bei dagodo muna a dangada, aagai ne kave bei ono dagodo donu, go muna a de Maadua, gai gu hai hegau i lodo o oodou gu hagadonusia laa.

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Psalm 149:6

Gilaadeu gi hevaalogi gi duuhia de Maadua, gai gi boogia alaadeu gadilaasa kangi baasi lua i lodo olaadeu lima,

Revelation 19:15

Gai ia e hagadee kii denga huaahenua i de gadilaasa kangi baasi lua e sao mai laa i lo tono ngudu, ma de dagi gilaadeu i togo iron. Gai ia e dagadagahi naa denga grape ga hai gi ssali mai ai uvaini o de bole laumalie o de Maadua Mmahi Mmao laa.

Ephesians 5:13

aagai de masavaa naa huu e dugu mai ai dahi mee gi de maalama, gai gu gidee danuaa,

Luke 8:11

“Deenei de hagadoonunga o de mee hagasengasenga laa: denga golee laa go muna a de Maadua.

Psalm 139:2

Koe e iloo dogu noho gi lalo ma dogu hidi age; koe e donu ange gi agu maanadu e dee galemu dogu mmao gee.

John 6:51

Go au de pelaoaa o de mouli ne hano iho mai i de langi; be goai e gaina de pelaoaa nei, gai ia e mouli ga hano ai. Gai de pelaoaa aagu e gaavange e hagamouli ai henua i lalo go dogu angaanga donu.”

Isaiah 11:4

aagai ia e hagamodu muna o dangada e duasala i de heohi, ma de hagamodu muna o de gau hagaau aloha i henua i lalo i de heohi. Ia e hagaduasala naa henua i lalo i ana muna e tala; gai e daa gi maakau de gau baubau i de madangi o dana manava.

Psalm 45:3

Taane mmahi, daulia dau gadilaasa i honga doo dege; gai hakahu ina goe i de mahamaha ma de hagadubu.

Revelation 19:21

Gai dangada e doe ne daia ga maakau i de gadilaasa e sao mai laa i lo te ngudu o de ia e gage laa i honga de hoosa. Gai denga manu llele alodahi ne loomai ga gaimee gu boobosu i olaadeu kano.

Revelation 2:16

Deenei ai, koe gi dahuli oo lodo. Gai noo e deai, gai au e humai naa i de masavaa moolau ga hebagi ange gi gilaadeu, i de gadilaasa e sao mai laa i lo togu ngudu.

Hebrews 13:7

Goodou manadua oodou dagi, ne agoagona adu goodou i muna a de Maadua. Manadua dagodo olaadeu mouli, gai goodou ga ago ange i olaadeu kai.

Acts 4:31

Gai ga lava huu delaadeu dalodalo, gai gu ngalungalue de mommee olaadeu e hagabuni ai laa. Gai gilaadeu gu odi i de hoohonu i de Hagasaalunga Dabu, gai gilaadeu ga tala muna a de Maadua i de lo taane.

Acts 2:37

De masavaa a dangada ne langona ai muna nei, gai gu velosia olaadeu lodo, gai gilaadeu ga hai ange gi Peter ma de gau tala ange laa, “Denga daina, ni aha ai amaadeu e hai?”

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.

1 Thessalonians 5:23

De Maadua o de baba gi haia gi dabu abodonu goodou. Gai oodou hagasaalunga ma oodou lodo aama oodou angaanga alodahi gi gilimalali, i de masavaa o taadeu Dagi Maolunga go Iesu Klisdo e humai ai.

2 Corinthians 4:2

Gimaadeu gu tili gee hegau hagadookaa e hai hagammuni laa. Gimaadeu gu dee hai hegau hagasenga ma tee hagahaisala muna a de Maadua, aagai gimaadeu e tala de muna abodonu i mada luu mada o de Maadua, aama tagi i de lodo o dahi ma dahi.

Proverbs 5:4

aagai dono hagaodi e hagammau bei de mee mmala, gai e kangi bei de gadilaasa baasi lua.

James 1:18

Gai ia ne lodo e hagadili gidaadeu i de muna abodonu, gai ia ga hai ai gidaadeu go hua i taamada o mee alodahi aana ne hai.

Ecclesiastes 12:11

Muna a de gau heiangi e bei laagau a tangada hagaloosi e hagabaa ai laa ana manu, alaadeu dalaa muna gu hagabudu ma gu daohi e bei denga neele gu tugi laa ma gu makaga — ni muna nii dahi dangada hagaloosi ssiibi.

2 Corinthians 2:17

Gai gimaadeu e dee bei dagodo o dangada soa, e haia laa muna a de Maadua bei goloa e hagao laa gi daha gi lagolago ai olaadeu mee. Aagai gimaadeu e hai hegau i de muna abodonu, i demaadeu agoago i mada luu mada o de Maadua, i lodo o Klisdo, bei de hai a de Maadua gu hagadabu ai gimaadeu.

Psalm 110:2

Tagi Maolunga e haalo ina mai dau laagau hodooligi sauaa i Zion, gai koe e dagi naa i magavaa o oo hagadaumee.

1 Corinthians 1:24

Gai ange gi de gau Ssuu ma de gau Greek a de Maadua gu hagahi laa, Klisdo go ssauaa ma de heiangi donu o de Maadua.

Acts 5:33

De masavaa a de hagabuulinga hagasaele ne langona ai muna laa, gai gilaadeu gu llili donu ma de llodo e daa gilaadeu gi maakau.

John 12:48

Tangada e kino i de au ma tee daohi agu muna e dahi donu mee e hagamodu ai ono muna; go agu muna gu tala e hagamodu ai ono muna i de laangi hagaodi.

Acts 7:38

Deenei de ia ne hano laa madali de hagabuulingaa dangada o Israel i de vao, madali tangada de langi ne basa ange laa gi de ia i de mounga go Sinai, madali odaadeu dubuna madagidagi. Gai go ia ne gaavee muna o de mouli ga gaamai gi gidaadeu.

Ephesians 5:26

gai ia ga hai ai gi dabu de nohoanga dabu i dana hakaugau ia i vai o muna a de Maadua,

Hebrews 6:5

gai gu mamia ange hogi muna danuaa a de Maadua, aama ssauaa mmahi o de masavaa e humai,

Judges 3:16

Gai Ehud ne hai dahi gadilaasa kangi baasi lua, se dahi sugilima de looloa, ga nnoa ange gi honga dono dege i de baasi madau i lalo ono malo.