Hebrews 3:9 - De Beebaa Dabu

⁹ i de mommee a oodou dubuna madagidagi ne hagatale ai au, ma de gidee agu hegau ne hai i e madahaa ngadau.

Hebrews 3:9 Referans Kwoze

Acts 7:36

Go ia ne hagassao ina mai de gau Israel, i dua dana hai denga mee hagalele mouli ma hagailonga i Egypt, ma gaogao Tai Mmea, aama de vao i e madahaa ngadau.

Deuteronomy 4:9

Gai goodou dagidiiloo dagodo o oodou lodo, gi dee ngalo ai e goodou mee oodou gu gidee, aabe go de ssolo mee nei i oodou lodo i taulooloa oodou mouli. Gai goodou agoagona ange mee nei gi oodou dama aama dama a oodou dama e loomai i olaadeu dua,

Joshua 24:7

Gai de masavaa huu olaadeu ne tangi ange ai gi Tagi Maolunga, gai ia ga hai gi gohu olaadeu magavaa ma de gau Egypt; ia ne hagaahe mai denga vai ga haoli ai gilaadeu. Goodou ne gidee agu mee ne hai ange gi de gau Egypt. Gai goodou ne nnoho i de vao i dahi masavaa daulooloa.

Deuteronomy 8:4

Oodou malo tee damaa duai donu, oodou vae tee hhua hogi i denga ngadau e madahaa nei.

Deuteronomy 4:3

Goodou ne gidee mee a Tagi Maolunga ne hai i Baal Peor. Tagi Maolunga doodou Maadua ne daa ga maakau dangada alodahi e daumaha ange gi Baal Peor;

Exodus 19:4

‘Goodou gu gidee dagu hai ne hai ai de gau Egypt, aama dagu hai ne hagauda ai goodou i honga luoogu bakau bei de igele, ga gaamai goodou gi ogu daha i kinei.

Acts 13:8

Aagai Elymas taane hai huuhuaa mee (deenei dono ingoo i muna Greek) ne hai baasi ange gi gilaau ma de hagatale de hai de goobenaa gi dee hagadonusia.

Luke 7:22

Gai Iesu ga hai ange gi luu dangada agoago laa, “Gooluu hulo daalaa ange gi a John ooluu mee gu langona ma de gidee: de gau dee kide gu gidee, de gau balagelage gu seesee, de gau mmagi lebelaa gu gilimalali, de gau longoduli gu langona, de gau maakau gu mouli age, gai de longo danuaa gu tala ange gi de gau hagaau aloha.

Amos 2:10

Au ne hagassao mai goodou i de henua go Egypt, ga dagi mai goodou laa lodo henua i e madahaa ngadau, gai au ga gaavadu ai gi goodou de henua o de gau Amor.

Joshua 23:3

Gai goodou ne gidee mee alodahi a Tagi Maolunga doodou Maadua ne hai ange gi denga huaahenua alodahi i oodou hiidinga, go hiidinga Tagi Maolunga doodou Maadua ne hebagi ange ai gi odaadeu hagadaumee.

Deuteronomy 29:2

Gai Moses ne hagahi de gau Israel alodahi ga hai ange: Goodou ne gidee mee alodahi a Tagi Maolunga ne hai i de henua go Egypt, ange gi Pharaoh, ma ono dangada hai hegau alodahi, aama dono henua.

Deuteronomy 8:2

Gai goodou manadua de hai a Tagi Maolunga doodou Maadua ne dagi mai ai goodou i lodo henua, i denga ngadau e madahaa nei; ia ne hagamaolalo goodou ma de hagatale goodou e tilo ai dagodo o oodou lodo, be goodou e daohi ana muna gu tala adu gi goodou be deai.

Numbers 14:33

Oodou dama e hai naa ga ni dangada hagaloosi ssiibi i de vao i e madahaa ngadau; gilaadeu e hagaduasala naa i hiidinga doodou dee hai hegau i de muna abodonu, ga dae ai gi de odi goodou i de maakau i de vao.

Exodus 20:22

Gai Tagi Maolunga ne hai ange gi Moses, “Daalaa ange muna nei gi de gau Israel: ‘Goodou gu gidee ma de langona dogu basa adu gi goodou mai i de langi:

Joshua 5:6

Go hiidinga de gau Israel ne seesee saele i de vao i e madahaa ngadau, ga dae ai gi de odi denga daane hebagi alodahi, ne ssao mai laa i Egypt i de maakau. Gilaadeu ne maakau i hiidinga gilaadeu tee hagallongo ange gi muna a Tagi Maolunga, gai Tagi Maolunga ne hagatoo donu ange gi gilaadeu bolo gilaadeu e dee gidee naa donu de henua aana gu hagatoo donu ange gi omaadeu dubuna madagidagi e gaamai gi gimaadeu, se henua iai denga vai uu ma hooni lagolago.

Deuteronomy 11:7

Aagai go goodou ne gidee hegau hagalele mouli alodahi a Tagi Maolunga ne hai.

Psalm 95:9

go de masavaa a oodou dubuna madagidagi ne hagatale ai au ma de usuusu mai au, gai gilaadeu gu gidee donu agu hegau hagalele mouli.