Hebrews 3:18 - De Beebaa Dabu

¹⁸ Gai goai a de Maadua ne hagatoo donu ange laa bolo gilaadeu e dee ulu donu i dana hagamaabunga? E dee go gilaadeu tee hagallongo ange laa gi de ia?

Hebrews 3:18 Referans Kwoze

Hebrews 4:6

Deenei ai, go hiidinga goi maua huu e hanu i de ulu i de hagamaabunga laa, gai gilaadeu ne langona de longo danuaa i mua tee maua i de ulu ai, i hiidinga delaadeu dee hagallongo i muna.

Numbers 14:30

E deai naa donu se goodou e dae gi de henua aagu gu hagatoo donu e gaavadu e nnoho ai goodou, go Caleb donu huu tama daane a Jephunneh ma Joshua tama daane a Nun e tae.

Numbers 20:12

Gai Tagi Maolunga ga hai ange gi Moses ma Aaron, “Go hiidinga gooluu tee hagadonu agu muna, ma tee hagadubu au i madamada o de gau Israel, deelaa ai, e dee go gooluu e dagina de hagabuulingaa dangada e kave gi de henua aagu e gaavange gi gilaadeu.”

Hebrews 4:2

Gai de longo danuaa ne gaamai gi gimaadeu bei de hai ne gaavange ai laa hogi gi gilaadeu; aagai agoago alaadeu ne langona teai haigamaiana ange gi gilaadeu, go hiidinga gilaadeu tee kave i de gai.

Hebrews 3:11

Deelaa ai, au ne hagatoo donu i dogu lili, ‘Gilaadeu e dee ulu donu i dagu hagamaabunga.’ ”

Deuteronomy 9:23

Gai de masavaa a Tagi Maolunga ne hai ai goodou gi hulo gee mai i Kadesh Barnea, gai ia ga hai adu, “Goodou hulo gaavee de henua aagu gu gaavadu gi goodou.” Aagai goodou ne hai baasi ange gi muna a Tagi Maolunga doodou Maadua ne tala adu gi goodou, goodou tee hagadonusia ana muna, gai tee hagallongo ange gi ana muna.

Numbers 14:11

Gai Tagi Maolunga ga hai ange gi Moses, “Dee hee maa taulooloa de hagangadi mee a de gau nei au? Gai dee hee maa taulooloa delaadeu dee hagadonu agu muna, gai gilaadeu gu gidee donu denga sauaa alodahi aagu gu hai i olaadeu magavaa?

Numbers 14:23

e gidee de henua aagu gu hagatoo donu ange gi olaadeu dubuna madagidagi. E deai hogi se gilaadeu e hagangadi mee ina au e gidee de henua laa.

Numbers 14:37

— denga daane ne gaamai laa hanu longo baubau o de henua laa — gilaadeu ne maakau i dahi mee hagamaakau i mada luu mada o Tagi Maolunga.

Psalm 78:22

i hiidinga gilaadeu tee hagadonusia de Maadua, aabe ne hagadonusia bolo ia e hagaola gilaadeu.

John 3:36

Be goai e hagadonusia Tama gai e maua e ia de mouli e dee ngado mai, aagai be goai e dee hagadonusia Tama e dee gidee e ia de mouli, aagai de bole o de Maadua e dagodo i ono elunga.

Romans 11:30

I mua gai goodou e dee hagallongo ange gi de Maadua, gai iainei goodou gu kave dono abodonu i hiidinga tee hagallongo i muna o de gau Ssuu;

Hebrews 4:11

Deenei ai, gidaadeu ga hagammahi gi ulu gidaadeu i de hagamaabunga laa, kana dee maua e gidaadeu i de ulu ai i taadeu dee hagallongo ange gi de Maadua.