Hebrews 3:17 - De Beebaa Dabu

¹⁷ Gai goai o de Maadua ne lili ai laa i e madahaa ngadau? E dee go gilaadeu ne haisala laa, gai olaadeu angaanga ne maakau ga daakodo saele i de vao?

Hebrews 3:17 Referans Kwoze

Numbers 14:29

goodou e maakau naa gai oodou angaanga e daakodo i de vao — go goodou alodahi gu dagimadalua oodou ngadau ga hanage ai, gu dau ma gu sisi oodou ingoo, gai gu hai baasi mai gi de au i doodou nnanu.

Numbers 14:22

bolo e deai naa donu se dangada i magavaa o dangada ne gidee laa dogu mahamaha, ma agu hegau sauaa ne hai i Egypt ma de vao, aagai gilaadeu ne hagatale au i denga hanonga e madaangahulu nei, aama tee daudali i agu muna —

Jude 1:5

Goodou gu iloo donu mee nei, gai au e lodo e hagamaanadu adu bolo Tagi Maolunga ne hagaola ono dangada ga hagassao mai i Egypt, muli mai gai ia ne daa ga maakau gilaadeu tee hagadonusia laa.

Jeremiah 9:22

Hai ange, “E hagadaba Tagi Maolunga: ‘Angaanga o de gau e ngadi daakodo saele naa bei denga duudae i lo te duu malaelae, ma denga grain gu lava laa i de duuduu a de gau hagihagi, gai e deai donu dangada e hagabudulia.’ ”

Numbers 14:28

Gai gooluu hai ange gi gilaadeu, ‘E hagadaba Tagi Maolunga, au e hagatoo donu i dogu mouli, bolo au e hai adu naa gi goodou gi bei muna oodou gu langona naa:

Numbers 14:37

— denga daane ne gaamai laa hanu longo baubau o de henua laa — gilaadeu ne maakau i dahi mee hagamaakau i mada luu mada o Tagi Maolunga.

Psalm 95:10

Au ne lili i e madahaa ngadau i de atangada laa; au ne hagadaba, “Gilaadeu se huaadangada e daahuli gee i olaadeu lodo, gilaadeu e dee iloo ogu dagodo.”