Hebrews 3:14 - De Beebaa Dabu

¹⁴ Go hiidinga gidaadeu e dau madali Klisdo, noo gidaadeu e daohi gi makaga taadeu llodo mmahi mai i taamada ga dae ai gi de hagaodi.

Hebrews 3:14 Referans Kwoze

Hebrews 3:6

Aagai Klisdo ne hai hegau i de muna abodonu i de tilo ange de hale o de Maadua bei dagodo o tama donu. Gai gidaadeu go dono hale donu, noo gidaadeu e daohi taadeu lo taane ma de malangilangi i taadeu tali hagalodolodo.

Hebrews 6:11

Gai gimaadeu e llodo goodou alodahi gi duudagi ina de hai hegau hagammahi ga dae ai gi de hagaodi, gi maua abodonu ai e goodou mee oodou e tali hagalodolodo ange laa aagena,

1 Peter 4:13

Aagai goodou malangilangi i doodou hagauda de hagaduasala madali Klisdo, gai gi malangilangi ai hogi goodou ma de llodo danuaa i de masavaa oona e hagasula mai ai i dono mahamaha.

Hebrews 12:10

Odaadeu damana e haele gidaadeu i dahi masavaa bodobodo, i tanuaa hugadoo alaadeu e mau; aagai de Maadua e haele gidaadeu, gi danuaa mai ai gi gidaadeu, gai gi dabu ai gidaadeu bei ono dagodo.

Hebrews 6:4

Gai noo dangada gu maalama olaadeu lodo, gai gilaadeu gu mamia ange de mee ngadi gaavange mai i de langi, ma de kave de Hagasaalunga Dabu,

Ephesians 3:6

Deenei de mee nogo dee iloo laa: denga Gentile gu dau hogi i de boolonga madali de gau Ssuu, gilaadeu alodahi gu dau ange gi de angaanga daudahi, ma de kave de hagatoo donu i lodo o Klisdo Iesu i de longo danuaa.

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

Romans 11:17

Aagai noo hanu laa gu aau gee, gai koe, de laa o de uli o dahi olive de vao, gu hagapigi ange madali denga laa ange laa, gai iainei koe gu kave hogi mahi mai i aga o de olive laa,

1 Corinthians 10:17

Go hiidinga e dahi donu huu duudangaa pelaoaa, gai e soa gidaadeu e hai ai de angaanga daudahi, go hiidinga gidaadeu alodahi e gai dahi pelaoaa daudahi.

1 John 1:3

Gai gimaadeu gu tala adu hogi gi goodou amaadeu mee gu gidee ma de longo, gi buni ai gidaadeu i de mee daudahi. Gai gidaadeu gu buni madali Tamana ma dana Dama Daane go Iesu Klisdo.

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

1 Peter 5:1

Au e hagakana ange denga dagi o de nohoanga dabu i oodou magavaa, i hiidinga au gu se dagi hogi bei olaadeu dagodo, gai se dangada ne gidee de hagaduasala o Klisdo, gai e kave naa hogi de mahamaha gu dai hagaago mai laa:

1 Timothy 6:2

De gau hai hegau o tangada aamua gu hagadonusia laa gi dee hagangadi mee ina ia, i hiidinga ia gu se daina, aagai gi kii ange delaadeu hai hegau danuaa ange gi de ia, go hiidinga dangada e hagadanuaa i alaadeu hegau ni dangada gu hagadonusia, gai ni daina hagamogomogo donu hogi niiolaadeu. Koe gi agoagona mee nei ma de hagammahi ange dangada gi hai hegau ai.

1 Corinthians 9:23

Au e hai au gi bei mee nei alodahi i hiidinga o de longo danuaa, gi maua ai e au i de kave manuuia o de longo danuaa.

Deuteronomy 1:35

“E deai donu se dangada daudahi mai i de atangada baubau nei e gidee de henua aagu gu hagatoo donu e gaavange gi oodou dubuna madagidagi.

Romans 11:22

Deenei ai, galo ange diiloo dagodo o de abodonu ma de hagamaatagu o de Maadua: ia e hagamadagu ange gi gilaadeu gu tuu ma gu too, aagai e abodonu adu gi de goe, noo koe e duudagi de noho i lalo dono abodonu. Gai noo e deai, gai koe e tuu donu hogi ga doo.

Hebrews 11:1

De gai go de iloo abodonu bolo mee adaadeu e tali hagalodolodo ange laa aagena e hai donu, ma de iloo abodonu bolo mee adaadeu e dee gidee laa e hanu donu.