Hebrews 3:12 - De Beebaa Dabu

¹² Denga daina, goodou dagidiiloo gi deai se goodou e daohia dahi lodo baubau be go tee hagadonusia, ga dagi gee ai goodou i de Maadua e mouli laa.

Hebrews 3:12 Referans Kwoze

Jeremiah 17:5

E hagadaba Tagi Maolunga, “E malaia naa tangada e hagadonusia tangada, gai dana tali go mahi o tangada, gai ono lodo e dahuli gee mai i Tagi Maolunga.

Jeremiah 7:24

Gai gilaadeu tee hagallongo mai aabe ne aanga mai, aagai ne hagamakaga olaadeu lodo ma de hai donu huu olaadeu llodo. Gilaadeu ne aahe dua tee hulo gi mua.

Jeremiah 17:9

Lodo o tangada e kii ange de laumalie de hagasenga iai i mee alodahi, gai e kona de hakino gee. Goai e maua gi donu ange aagena?

Jeremiah 18:12

Aagai gilaadeu e hai adu naa, ‘E deai haigamaiana. Gimaadeu e duudagi naa donu huu de hai amaadeu hagatau; dahi ma dahi e daudali naa donu huu i de makaga o ono llodo baubau laa.’

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

1 Corinthians 10:12

Deenei ai, tangada e maanadu laa bolo ia e duu ma e makaga gi kana ange gi dee baguu ia.

Hebrews 10:38

aagai dogu dangada heohi e mouli donu i de gai. Gai noo ia e ahe dua, gai au e dee malangilangi i de ia.”

Jeremiah 11:8

Aagai gilaadeu tee hagallongo mai, aabe ne aanga mai gi agu muna, gai ne hagamakaga olaadeu lodo baubau. Gai au ne gaavange gi gilaadeu denga hagamalaia, gu tala laa i de hagatoo donu hagaheloongoi, go mee aagu ne tala ange gilaadeu gi daudali ai, aagai gilaadeu tee daudali ai.’ ”

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

Jeremiah 16:12

Gai goodou gu kii ange donu de baubau i oodou dubuna madagidagi. Tilo, goodou alodahi gu hagamakaga oodou lodo i de hai de baubau ma tee hagallongo mai gi de au.

Hebrews 3:10

Deelaa ai, au ne lili i de atangada laa, ga hagadaba, ‘Gilaadeu e daahuli gee i de au i olaadeu lodo; gilaadeu e dee iloo ogu dagodo.’

Mark 13:33

Goodou gi mada ala, ma de dagitilo; go hiidinga goodou e dee iloo donu de laangi e dae mai ai de masavaa laa.

Matthew 24:4

Iesu ne hai ange gi gilaadeu, “Goodou dagitilo gi dee daahangadia goodou.

Jeremiah 3:17

De masavaa laa gai Jerusalem e hagaingoo ange naa go de Nohoanga o Tagi Maolunga, gai denga huaahenua alodahi e hagabuni mai naa gi Jerusalem i mada luu mada o Tagi Maolunga. Gilaadeu gu dee aahe ange e hai de baubau ma de hagamakaga olaadeu lodo.

Jeremiah 2:13

Ogu dangada gu hai e lua baubau: gilaadeu gu tili au, ssaalingaa vai o de mouli, gai gilaadeu ne hoda mommee e hagasahu ai vai, go mommee e dee maua gi daakodo ai vai.

Proverbs 1:32

Gai de daahuli gee o de gau llodo ssenga e daa gilaadeu ga maakau; gilaadeu e maakau naa donu, i delaadeu maanadu bolo gilaadeu e danuaa donu huu;

Mark 13:9

Aagai goodou kana ange dagidiiloo iho goodou. Dangada e gaavange naa goodou gi de hagabuulinga hagasaele, gai goodou e gaavee naa ga hagailiilia i lodo synagogue. Goodou e hai naa gi tuu i mada i mua o denga goobenaa aama denga hodooligi i ogu hiidinga, gai goodou ga tala hagadonu ange ai au gi gilaadeu.

Hosea 1:2

De masavaa a Tagi Maolunga ne daamada ai de tala ana muna i daho Hosea, gai ia ne hai ange gi Hosea, “Hannoo hai bodu ange gi dahi hahine hai be se manu, ma de hagadili hanu dama i ono daho, go hiidinga de gau de henua gu bei dagodo o de hine hai be se manu laa, gilaadeu gu huuhuli gee mai i Tagi Maolunga.”

1 Thessalonians 1:9

Gai dangada gu tala dagodo o doodou abodonu mai gi gimaadeu, ma doodou daahuli gee mai i denga diinonga ga hai daumaha ange gi de Maadua abodonu e mouli laa,

Psalm 18:21

Go hiidinga au ne daohi haiava o Tagi Maolunga; au tee hai de baubau ga hano gee ai i dogu Maadua.

De Beebaa go Job 22:17

Gilaadeu ne hai ange gi de Maadua, ‘Aude hakoso ina gimaadeu! Ni aha naa a de Ia Mmahi Mmao laa e maua i de hai mai gi gimaadeu?’

Romans 11:21

Noo de Maadua ne aau gee denga laa donu, gai ia e aau gee naa donu hogi goe.

Luke 21:8

Iesu ne hai ange gi gilaadeu, “Goodou dagidiiloo gi dee hagasengalia goodou. E soa naa dangada e loomai i dogu ingoo ga hagataba, ‘Go au go ia!’, gai ‘Gu baa mai de masavaa laa!’ Gai goodou gi dee daudali ange i gilaadeu.

Mark 13:23

Aagai goodou dagidiiloo iho goodou; au gu tala adu mee nei alodahi i mua de hai.

Matthew 16:16

Gai Simon Peter ga hai ange gi de ia, “Go koe donu de Klisdo, Tama Daane a de Maadua e mouli laa!”

De Beebaa go Job 21:14

Gai gilaadeu e hai ange gi de Maadua, ‘Aude hakoso ina gimaadeu! Gimaadeu e dee llodo gi iloo e gimaadeu au hagatau.

Genesis 8:21

Gai Tagi Maolunga gu dungua de kala o ssigidaumaha laa, gai Tagi Maolunga ga hagadaba i ono lodo: “Au gu dee ahe ange naa donu e hagamalaia de gelegele i hiidinga o dangada, e dee galemu donu maanadu i lodo o tangada, e baubau donu mai i dono gauligi. Au gu dee ahe ange naa donu e daa gi maakau mee alodahi e mouli, bei dagu hai ne hai ai nei i de haonga nei.

Isaiah 59:13

Gimaadeu ne hagamaanege ma de hagadee iloo Tagi Maolunga, gimaadeu ne daahuli gee i demaadeu Maadua; gimaadeu ne hai denga hagatau hagadaemaha ma de hai baasi, gimaadeu e tala muna hhadu ne loage laa i omaadeu lodo.

Colossians 2:8

Goodou diiloo maalie gi deai dangada e gaavee oodou lodo i denga hagasaele ma maanadu hadu muna e deai ono haigamaiana, e daudali laa i dahulinga a dangada ma hagasaalunga mmahi o henua i lalo, gai e dee bei dagodo lodo o Klisdo.

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

Hebrews 3:19

Gidaadeu gu gidee bolo gilaadeu tee maua i de ulu i hiidinga delaadeu dee hagadonu.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

Hebrews 10:31

Gai se mee hagamaatagu mmao taadeu too ange gi lo te lima o de Maadua e mouli laa.

Hebrews 12:22

Aagai goodou gu loomai gi de mounga go Zion ma de aduhale o de Maadua e mouli laa, go Jerusalem i de langi, ma de hagabuulinga soa o de gau de langi e hagabuni laa ma de malangilangi,

Ezekiel 14:5

Gai au ga hagaahe mai ai lodo o de gau Israel alodahi gu hulo gee laa i de au i hiidinga delaadeu daumaha ange gi denga diinonga.’