Hebrews 3:10 - De Beebaa Dabu

¹⁰ Deelaa ai, au ne lili i de atangada laa, ga hagadaba, ‘Gilaadeu e daahuli gee i de au i olaadeu lodo; gilaadeu e dee iloo ogu dagodo.’

Hebrews 3:10 Referans Kwoze

Psalm 95:10

Au ne lili i e madahaa ngadau i de atangada laa; au ne hagadaba, “Gilaadeu se huaadangada e daahuli gee i olaadeu lodo, gilaadeu e dee iloo ogu dagodo.”

Ephesians 4:30

Gai goodou gi dee hagadaemaha ina de Hagasaalunga Dabu o de Maadua, go de ia oodou ne hagailonga ange ai gi de laangi e hagahonu ai doodou hagaola.

Jeremiah 4:22

⌊Tagi Maolunga e hagadaba,⌋ “Ogu dangada ni dangada llodo ssenga; gilaadeu e dee iloo au. Gilaadeu ni dama llodo ssenga; gilaadeu e dee tonu ange. Gilaadeu e heiangi i de hai mee baubau, gai e dee iloo i de hai tanuaa.”

Psalm 78:8

Gai gi dee bei ai gilaadeu dagodo olaadeu maadua — olaadeu dubuna se atangada e makaga olaadeu lodo ma de hagamaanege, olaadeu lodo tee maua i de tuu gi makaga, gai olaadeu hagasaalunga tee hai hegau ange gi de Maadua i de mee abodonu.

Psalm 67:2

gi iloo ai dagodo o oo haiava i henua i lalo, ma dau hagaola i denga huaahenua alodahi.

Hosea 4:12

o ogu dangada. Gilaadeu e ssili ange naa gi dahi diinonga laagau, gai go dahi bido laagau e basa ange. Gai de hagasaalunga o de hai be se manu gu dagi gee gilaadeu; gilaadeu gu dee hai hegau ange gi delaadeu Maadua i de mee abodonu.

Isaiah 63:10

Aagai gilaadeu ne hagamaanege, ma de hagadaemaha dono Hagasaalunga Dabu. Gai ia gu sui ga se hagadaumee niiolaadeu, gai ia ga hebagi ange gi gilaadeu.

Hebrews 3:12

Denga daina, goodou dagidiiloo gi deai se goodou e daohia dahi lodo baubau be go tee hagadonusia, ga dagi gee ai goodou i de Maadua e mouli laa.

John 8:45

Gai go hiidinga au e tala adu gi goodou de muna abodonu, deenei ai, goodou e dee hagadonusia agu muna.

Mark 3:5

Gai Iesu ga galogalo saele ga tilo gilaadeu ma de lili, ia gu daemaha i hiidinga de makaga olaadeu lodo, gai ia ga hai ange gi taane laa, “Haalo ina doo lima!” Gai taane laa ga haalo dono lima, gai dono lima gu ieiangi.

Isaiah 28:7

Gilaadeu nei e ssenga hogi i denga uvaini, ma de ssee saele i de unu mee mmahi; de gau haimeedabu ma denga pelaabisi gu ssee saele i de unu mee mmahi ma uvaini; gilaadeu e ssenga ange naa i de unu mee mmahi; gilaadeu e ssee saele i delaadeu gidee denga midi, gilaadeu gu dee maua i de hagamodu muna.

Psalm 147:20

Ia tee hai ange mee nei gi dahi huaahenua gee; gai ana hagamodu, gilaadeu e dee iloo mee nei. Duuhia Tagi Maolunga!

Judges 10:16

Gai dangada o Israel ga aau gee denga diinonga laa mai i olaadeu magavaa, gai ga daumaha ange gi Tagi Maolunga; gai ia gu kona mmao de daemaha ono lodo i hiidinga de duasala o de gau Israel.

Romans 3:7

Aagai noo go dogu dee hai hegau i de mee abodonu e haia ga sula danuaa mai de hai hegau o de Maadua i de mee abodonu ma de hai gi kii ange dono hagamahamaha, gai gu aha ia gu hagamodu ai nei bolo au se dangada haisala?

Psalm 78:40

Gai tee modu donu delaadeu hai baasi ange gi de ia i de vao ma de hagadaemaha ono lodo i lodo henua!

Genesis 6:6

Gai Tagi Maolunga gu ahe dana maanadu i dana hai tangada i henua i lalo, gai ia gu daemaha mmao ono lodo.

Romans 1:28

Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

Matthew 20:24

Gai ga langona huu e tinoangahulu dangada agoago ange laa, gai gilaadeu gu llili i de hai daina daane laa.