Hebrews 2:11 - De Beebaa Dabu

¹¹ Gai de ia ne haia ga dabu dangada ma gilaadeu ne hai ga dabu ne loomai i se huaabodu daudahi. Deelaa ai, ia e dee dogaa i de hagadaba bolo gilaadeu ni daina niiona,

Hebrews 2:11 Referans Kwoze

Hebrews 10:14

Gai ne dahi donu huu ana sigidaumaha ne hai ga hagaheohi ai ga hano ai, gilaadeu ne hai laa ga dabu.

Hebrews 10:10

Gai de lua hagatau ne hai ga dabu gidaadeu i ssigidaumaha o de angaanga o Iesu Klisdo i e dahi donu huu hanonga.

John 20:17

Iesu ne hai ange gi de ia, “Aude poo mai gi de au, i hiidinga au tigi ahe age gi daho Tamana. Aagai koe hannoo gi daho ogu daina hai ange gi gilaadeu, ‘Au e hanage naa gi daho dogu Damana gai go doodou Damana, ma daho dogu Maadua, gai go doodou Maadua hogi.’ ”

Hebrews 13:12

Deelaa ai, Iesu ne hagaduasala hogi i tua de haitoga o de aduhale, gai ia ga hagagilimalali ai dangada i ono dodo.

Romans 8:29

Go hiidinga gilaadeu a de Maadua gu iloo i mua, gu lava hogi i dana hagatau bolo gilaadeu e hai naa gi bei dagodo o dana Dama, gai ia ga hai ai dana Dama go tama madua i magavaa o denga hai daina soa.

John 17:19

Au e vvae gee au i olaadeu hiidinga, gi maua ai hogi e gilaadeu i de vvae gee gilaadeu i de mee abodonu.

John 17:21

gi buni ai gilaadeu alodahi gi dahi; bei odaau dagodo e Tamana, koe i ogu lodo, gai au i oo lodo, gai gilaadeu i odaau lodo, gi hagadonusia ai e henua i lalo bolo go koe donu ne hai nei au gi humai.

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Hebrews 2:14

Deenei ai, go hiidinga denga dama ni kano ma dodo, e bei ai hogi, ia ne hai gi se dangada bei olaadeu dagodo, gi maua ai e ia i de magau e hagadee kii ai de ia e daohia laa ssauaa o de magau, go de ia hagabaubau,

Galatians 4:4

Aagai ga dae huu de masavaa gu lava laa i de hagamodu, gai de Maadua ne hai gi humai dana Dama Daane gi haanau i daho de hine, i lalo de hainga a Moses,

Acts 17:26

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai,

Hebrews 11:16

Aagai deenei tagodo, gilaadeu ne llodo mmao i de henua e danuaa ange — go de henua i de langi. Deelaa ai, de Maadua e dee dogaa donu i de hagabinga go delaadeu Maadua, go hiidinga ia gu hagadabena ange dahi aduhale gi gilaadeu.

Mark 8:38

Be goai e dogaa i de au ma agu muna i magavaa o de atangada baubau ma de haisalasala nei, gai Tama a Tangada e dogaa naa hogi i de ia, i dono masavaa e ahe mai ai i de mahamaha o dono Damana madali de gau de langi dabu.”

Matthew 28:10

Gai Iesu ga hai ange gi gilaau, “Gooluu aude maatagu; gooluu hulo hai ange gi ogu daina gilaadeu gi hulo gi Galilee; go kilaa alaadeu e gidee ai au.”

Acts 17:28

Go hiidinga ‘go ia odaadeu e mouli ai ma de ngalungalue aama de nnoho ai nei’. Bei de hai a hanu oodou dangada e haia denga dau gu tala ai laa, ‘Gidaadeu go dono hagadiilinga.’

Luke 9:26

Be goai e dogaa i de au ma agu muna, gai Tama a Tangada e dogaa naa hogi i de ia i dono masavaa e ahe mai ai ma dono mahamaha, ma de mahamaha o Tamana, aama de gau de langi dabu.

Mark 3:34

Gai ia ga galo ange gi gilaadeu e nnoho i luoono baasi, gai ia ga hai ange, “Deenei dogu dinana aama ogu daina!

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.