Hebrews 13:7 - De Beebaa Dabu

⁷ Goodou manadua oodou dagi, ne agoagona adu goodou i muna a de Maadua. Manadua dagodo olaadeu mouli, gai goodou ga ago ange i olaadeu kai.

Hebrews 13:7 Referans Kwoze

Hebrews 13:17

Hagallongo ange gi oodou dagi, ma de hagadubu gilaadeu, i hiidinga go gilaadeu e diiloo adu goodou i de baasi gi de hagasaalunga, gai gilaadeu e tala ange naa dagodo o alaadeu hegau gi de Maadua. Goodou haia gi malangilangi gilaadeu i de hai alaadeu hegau, goodou gi dee hagadaemaha ina gilaadeu, go hiidinga e dee haigamaiana adu gi goodou.

Philippians 3:17

Denga daina, goodou ago mai hogi i de au, ma de dagitilo ga ago ange i gilaadeu e mouli bei de hai amaadeu gu hagaago adu ai gi goodou.

Hebrews 6:12

gi dee vaiduu ai goodou, aagai goodou gi ago ange i gilaadeu ne gaavee mee gu lava laa i de hagatoo donu ai, i hiidinga o de gai ma de golomagi lodo.

1 Thessalonians 1:6

Goodou ne ago mai i gimaadeu aama Tagi Maolunga, gai goodou ne malangilangi i de kave de longo danuaa e dee galemu de kona doodou duasala ai, ma de malangilangi mai i daho de Hagasaalunga Dabu.

Acts 14:23

Gai gilaau ga hili denga dagi i dahi nohoanga dabu ma dahi nohoanga dabu, i de dalodalo ma de hagahiikai, ga gaavange gilaadeu gi Tagi Maolunga, de ia olaadeu e kai ange laa aagena.

Matthew 24:45

“Goai tangada hai hegau e kana ange laa ma de heiangi, go ia a dono dangada aamua e dugu ange mee alodahi i dono hale ia gi diiloo ange, gai ia ga gaavange ai gi de gau hai hegau alaadeu gai i de masavaa heohi?

1 Timothy 3:5

(Noo tangada e dee maua i de dagi dono huaabodu donu, aagai dee hee ai dana hai e dagi ai de nohoanga dabu o de Maadua?)

Hebrews 13:24

Dagu hagaboo ange gi oodou dagi alodahi ma dangada alodahi o de Maadua. Dangada ne loomai laa i Italy e gaavadu hogi delaadeu hagaboo gi goodou.

1 Thessalonians 2:13

Gimaadeu e hagaahe ange hogi de abodonu gi de Maadua i masavaa alodahi, go hiidinga de masavaa oodou ne kave ai muna a de Maadua oodou ne langona laa i omaadeu daha, gai goodou tee kave bei dagodo muna a dangada, aagai ne kave bei ono dagodo donu, go muna a de Maadua, gai gu hai hegau i lodo o oodou gu hagadonusia laa.

1 Corinthians 4:16

Deenei ai, au e dangidangi adu goodou gi ago mai i de au.

Romans 10:17

Deenei ai, de gai e daamada mai i taadeu langona de muna, go de agoago o de longo danuaa o Klisdo.

Acts 4:31

Gai ga lava huu delaadeu dalodalo, gai gu ngalungalue de mommee olaadeu e hagabuni ai laa. Gai gilaadeu gu odi i de hoohonu i de Hagasaalunga Dabu, gai gilaadeu ga tala muna a de Maadua i de lo taane.

Song of Songs 1:8

De hine mahamaha hugadoo i denga haahine, noo koe e dee iloo, gai koe daudali ange i duulangaa dabuvae o de hagabuulingaa ssiibi, ma de kave au guudi gi gaimee i gaogao hale malo o de gau hagaloosi ssiibi.

Revelation 6:9

Gai de masavaa huu aana ne oha ai de lima mee hagamakaga laa, gai au ne gidee i lalo de mommee o ssigidaumaha denga hagasaalunga o dangada ne daia ga maakau, i hiidinga muna a de Maadua ma delaadeu agoago i muna laa.

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.

2 Thessalonians 3:9

e dee go hiidinga gimaadeu e dee maua i de kave de bale mai i oodou daha, aagai gimaadeu ne llodo e hai dahi hagaago danuaa gai goodou ga ago mai ai i omaadeu mouli.

1 Corinthians 11:1

Ago mai i de au, bei dogu ago ange i Klisdo.

Luke 12:42

Gai Tagi Maolunga ne basa ange ga hai ange, “Gai goai naa huu tangada e hai hegau i de mee abodonu gai se dagi e heiangi, go ia a dono dangada aamua e dugu ange mee alodahi i dono hale ia gi diiloo ange, gai ia ga gaavange ai gi de gau hai hegau alaadeu gai i de masavaa heohi?

Luke 8:11

“Deenei de hagadoonunga o de mee hagasengasenga laa: denga golee laa go muna a de Maadua.

2 Thessalonians 3:7

Goodou gu iloo donu be dee hee doodou hai e ago mai ai i omaadeu mouli. Gimaadeu tee ngadi nnoho i de masavaa omaadeu ne nnoho ai i oodou daha,

1 Corinthians 10:13

E deai donu se hagatale daudahi gu hai adu gi goodou tigi hai ange hogi gi dangada alodahi. Gai de Maadua e hai hegau i de mee abodonu; ia e dee hagatale goodou gi kii ange i oodou mee e mau i de hagauda. Gai de masavaa naa huu oodou e tuu ange ai gi de hagatale, gai ia e hai hogi dahi haiava e hagaola ai goodou, gi maua ai e goodou i de hagauda i de lodo mmahi.

Acts 13:46

Gai Paul ma Barnabas ne pasa ange gi gilaadeu i de lo taane, ga hai ange, “Ne heohi donu de tala adu gi goodou muna a de Maadua i mua, gai go hiidinga goodou ne kino ai, ma de maanadu bolo goodou e dee heohi ange gi de mouli e dee ngado mai, deenei ai, iainei gimaau ga hulo gi denga Gentile.

Luke 5:1

Dahi laangi gai Iesu ne duu i gaogao de vai go Gennesaret, gai dangada gu hagakabi ia i delaadeu loomai e hagallongo muna a de Maadua,

1 Peter 4:11

Noo dahi dangada e agoago, gai ia gi daalaa muna a de Maadua. Noo tangada se dangada e balea ange dangada, gai ia gi haia mee nei i mahi a de Maadua gu gaavange gi de ia, gai gi duuhia ai de Maadua i mee alodahi i daho Iesu Klisdo. Gai go ia e bau ange gi de kave taadeu tuhi ma de mahamaha ma ssauaa ga hano ai e dee ngado mai. Amen.