Hebrews 13:5 - De Beebaa Dabu

⁵ Goodou gi dee nnoo ange gi sseene, gai gi malangilangi i oodou mee e hanu, go hiidinga de Maadua gu hagadaba; “Au e dee tili donu goe, aabe e hano gee mai i oo daha.”

Hebrews 13:5 Referans Kwoze

Deuteronomy 31:8

Gai go Tagi Maolunga donu e hano i oo mada i mua, Tagi Maolunga e noho naa donu i oo daha; ia e dee hano gee donu i oo daha aabe tili goe. Aude madagu aabe gi manavasaa oo lodo.”

Joshua 1:5

Gai e deai naa donu se dangada e maua i de hai baasi adu gi de goe i taulooloa doo mouli. Gai au e noho madali goe bei dogu hai ne noho ai laa hogi i daho Moses, gai au e dee tili naa donu goe aabe hano gee mai i oo daha.

Deuteronomy 31:6

Gai goodou gi lodo mmahi ma de lo taane, goodou gi dee manavasaa oodou lodo, aabe gi maatagu i gilaadeu, go hiidinga Tagi Maolunga e hano madali goodou; ia e dee hano gee naa donu i oodou daha aabe tili goodou.”

1 Samuel 12:22

Gai Tagi Maolunga e dee tili naa donu ono dangada, i hiidinga o dono ingoo maolunga, gai go hiidinga Tagi Maolunga e malangilangi i de hai goodou go ono dangada.

Isaiah 41:17

De gau hagaau aloha ma gilaadeu e duasala e sala vai unu, aagai gu deai donu vai; olaadeu hakii gu mmasa gee naa i delaadeu hieunu. Aagai au, Tagi Maolunga, e basa ange naa gi alaadeu dalodalo, go au, de Maadua o Israel, au e dee tili donu gilaadeu.

1 Chronicles 28:20

Gai David ne hai ange hogi gi dana dama go Solomon, “Koe gi lodo mmahi ma de lo taane i de hai de hegau nei. Aude madagu aabe gi lodo baageaa, go hiidinga Tagi Maolunga de Maadua, dogu Maadua, e noho madali goe. Ia e dee hano gee naa donu i oo daha aabe tili goe ga dae ai gi de lava hegau o de hale o Tagi Maolunga.

Psalm 37:25

I mua gai au se dama daane gai iainei au gu madumadua; aagai au tigi gidee donu tangada heohi gi dilia, aabe ana dama gi hulo gi dangidangi i denga gai.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Genesis 28:15

Gai au e noho naa madali goe ma de tilo adu goe i mommee alodahi oou e hano aagena, gai au e hagaahe mai naa donu goe gi de henua nei, gai au e dee tili naa donu goe ga dae ai gi dagu hagassula mee aagu gu hagatoo donu adu gi de goe.”

Matthew 6:25

“Deenei ai, au e hai adu gi goodou, goodou aude manavasaa i oodou mouli, ma oodou mee e gai, be go oodou mee e unu, aabe gi manavasaa i oodou angaanga, ma oodou mee e kahu ai. E aha, e dee hagamogomogo ange de mouli o tangada i denga gai, gai de angaanga e hagamogomogo ange i malo e kahu ai?

Psalm 37:28

Tagi Maolunga e lodo i de hagamodu muna heohi; gai e dee tili donu ono dangada e hai hegau laa i de muna abodonu. Ia e buibui gilaadeu ga hano ai, aagai hagadiilinga o tangada baubau e llilo naa donu.

Matthew 6:34

Deenei ai, goodou gi dee manavasaa ange gi daiao, go hiidinga daiao e hanu naa hogi mee hagamanavasaa iai. Denga laangi alodahi e hanu hugadoo hai ngadaa iai.

Colossians 3:5

Deenei ai, goodou daia gi maakau lodo o henua i lalo e hai hegau laa i oodou lodo: go de hai be se manu, ma dahulinga hakino gee, ma de lodo dee heohi, ma de lodo e hai de baubau, ma de nnoo hagamau mee, mee nei e bei donu de daumaha ange gi denga diinonga.

Luke 3:14

Denga daane hebagi ne ssili ange hogi gi de ia, “Gai gimaadeu, ni aha amaadeu e hai?” Ia ne hai ange gi gilaadeu, “Goodou e dee hai gi de mahi sseene a dangada, aabe gi hagabuuia ange ssala gi gilaadeu i de muna hadu; gai goodou gi malangilangi i oodou hagaoanga.”

Ezekiel 33:31

Gilaadeu e loomai gi oo daha, bei alaadeu mee e hai i de laa tubua. Gilaadeu e loomai ga nnoho i oo mada i mua ga hagallongo ai au muna e tala, aagai gilaadeu e dee hai hegau ai donu. Gilaadeu e tala bolo gilaadeu e aaloha, aagai olaadeu lodo e hoohonu i de nnoo hagamau mee.

Psalm 119:36

Hagahulia ange ogu lodo gi au muna, e dee go de nnoo hagamau mee.

2 Peter 2:14

Olaadeu mada e haaina denga haahine hai be se manu, gai e dee lava donu olaadeu llodo i de haisala. Gilaadeu e hagasenga gilaadeu e baageaa olaadeu lodo. Gai olaadeu lodo gu hagaabo ange gi de nnoo hagamau mee. Gilaadeu gu hagamalaia donu!

1 Timothy 3:3

ia gi dee lodo e unu gi senga, ia gi dee alasala aagai gi daudonu, ia gi dee lodo e hagadaumee, ma tee nnoo ange gi sseene.

Ephesians 5:5

Gai goodou gi iloo de mee nei: e deai dono se dangada hai be se manu, be se dangada dahulinga hakino gee, be se dangada nnoo hagamau mee (e bei se dangada e daumaha ange gi denga diinonga), e maua i de ulu i de nohoanga hodooligi o Klisdo ma de Maadua.

2 Peter 2:3

Gai gilaadeu e hadu age naa hanu muna hhadu, e hagasenga ai goodou i hiidinga delaadeu nnoo hagamau mee; de hagaduasala gu tala laa madagidagi goi hai hegau donu huu, gai delaadeu hagaduasala gu baba ange donu.

Jeremiah 6:13

Mai i tangada maolalo ga dae ai gi tangada maolunga, go gilaadeu alodahi e nnoo ange laa gi mee e maua i hegau dee heohi; gai mai i denga pelaabisi ga dae ai gi de gau haimeedabu, gilaadeu alodahi e hai hegau i de hadu muna.

Psalm 10:3

Tangada baubau e tala hagasoenga mee i ono lodo, ia e tuhi tangada nnoo gai e hagangadi mee Tagi Maolunga.

Exodus 2:21

Deelaa ai, Moses ne noho i daho taane laa, gai Reuel ga gaavange dana damaa hine go Zipporah gi hai bodu ange gi Moses.

Ephesians 5:3

Aagai gi deai donu se dangada hai be se manu i oodou magavaa, be se dangada dahulinga hakino gee daudahi, aabe go de nnoo hagamau mee; go hiidinga mee nei e dee heohi ange donu gi dangada o de Maadua.

1 Corinthians 5:11

Aagai au ne sisi adu goodou gi dee hagabuni ange gi tangada e hagadaba bolo ia se daina noo ia se dangada hai be se manu, be se dangada nnoo hagamau mee, be e daumaha ange gi denga diinonga, be se dangada hai samu, be se dangada e lodo i de unu gi senga, aabe se dangada gaiaa. Gai goodou e dee gaimee donu hogi madali tangada bee nei.

Luke 8:14

Gai golee ne too ange laa gi magavaa manu daladala, go dangada ne langona laa muna nei, aagai ga hulo gee huu gilaadeu, gai muna laa gu haolia i denga maanadu hagamanavasaa, ma de lava, aama mee hagalodo danuaa alodahi o de mouli nei, gai olaadeu hua e dee maua gi maatua.

Mark 7:22

ma de nnoo hagamau mee, ma de baubau laumalie, ma de hadu muna, ma dahulinga hakino gee, ma de magiaa, ma de hai samu, ma de lodo maolunga, aama de lodo senga.

Exodus 20:17

Aude nnoo ange gi de hale o tangada e baa adu gi de goe. Aude nnoo ange gi de bodu o tangada e baa adu gi de goe, be go dono daane hai hegau, be go dono hahine hai hegau, be go dana kaau, be go dana donkey, aabe go dahi ana mee daudahi.”

Jude 1:11

Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.

1 Corinthians 6:10

ma de gau gaiaa, ma gilaadeu e nnoo hagamau mee, ma gilaadeu e unu ga ssenga, ma de gau hai samu, aama gilaadeu e haia gi de mahi mee a dangada e dee ulu donu i de nohoanga hodooligi o de Maadua.

Romans 1:29

Gai alaadeu maanadu gu hoohonu i denga hagadaagangaa dahulinga dee heohi, ma de baubau, ma de nnoo hagamau mee, ma de maanadu baubau. Gilaadeu e llodo gaiaa mmao, ma de daa tangada gi magau, ma de hagadaumee, ma de daahanga dangada, ma de alasala, ma de kave muna hagabaubau,

Joshua 7:21

au ne gidee dahi malo laa daha mahamaha mai i Shinar, ma e lualau shekel selevaa, aama dahi dibaa goolo se madalima shekel taemaha i magavaa goloa o de gau dee kii, gai au gu nnoo ange gi mee laa ga kave. Gai tilo, mee laa e danu i lalo de gelegele i lo togu hale malo, denga selevaa i lalo mee ange laa.”

Genesis 31:5

gai ia ga hai ange gi gilaau, “Au gu gidee bolo dooluu damana gu dee malangilangi i de au bei taamada age, gai de Maadua o dogu damana e noho madali au.

Deuteronomy 4:31

Gai Tagi Maolunga doodou Maadua se Maadua e lodo aloha; ia e dee tili naa donu aabe ngalo de hagatoo donu hagaheloongoi aana gu hai madali oodou dubuna madagidagi ga hagadonu i dahi hagatoo donu.

1 Samuel 10:7

Gai ga lava naa huu mee nei i de hagassula, gai koe haia be se aha aau e gidee bolo e heohi, go hiidinga de Maadua e noho i oo daha.

1 Kings 6:13

Au e noho i magavaa o de gau Israel, au e dee tili naa donu ogu dangada, go de gau Israel.”

1 Kings 8:57

Tagi Maolunga, taadeu Maadua gi noho i odaadeu daha, bei dono hai ne noho ai laa hogi i daho odaadeu dubuna madagidagi; ia gi dee hano gee ai aabe e tili gidaadeu.

Proverbs 23:4

Aude hagadalea ange gi denga goloa lagolago; gai koe gi heiangi ga tuu de hai mee nei.

Isaiah 42:16

Au e dagi naa gilaadeu e dee kide i dahi haiava alaadeu tigi iloo, ma de dagi gilaadeu i denga dao haiava olaadeu tigi hulo ai; au e sui naa de gohu gi se maalama i olaadeu mada i mua, ma de hai denga mommee haduhadua gi ssoe. Aanei agu mee e hai ange gi gilaadeu, gai e dee tili naa donu gilaadeu.

Matthew 6:19

“Goodou gi dee hagaduulia oodou goloa hagamogomogo i henua i lalo, go de mommee e gaina ai e de goa ma de hongagelegele baalanga, aama de gaiaadia e de gau gaiaa.

2 Corinthians 4:9

gimaadeu ne vaivai haia, aagai tee dilia donu; gimaadeu ne hagaduasala ina, aagai tee maakau;

Genesis 30:31

Laban ne ssili ange, “Se aha aagu e gaavadu gi de goe?” Jacob ne hai ange, “E deai ange donu au mee e gaamai gi de au. Deenei donu huu dau mee e hai, gai au e duudagi naa donu huu de haangai ma de hagaloosi dau hagabuulingaa manu: