Hebrews 13:3 - De Beebaa Dabu

³ Goodou manadua gilaadeu e nnoho i lodo hale pono, e dagodo be go goodou e nnoho donu madali gilaadeu i lo te hale pono, ma gilaadeu e vaivai haia, e dagodo be go goodou donu e vaivai haia.

Hebrews 13:3 Referans Kwoze

Matthew 25:36

Au teai ogu malo gai goodou ne hakahu au; au ne magi gai goodou ne loomai ga tilo mai au; au ne noho i lo te hale pono, gai goodou ne loomai gi ogu daha.’

Hebrews 10:34

Goodou ne aaloha ange gi gilaadeu i lo te hale pono, gai ne malangilangi donu i de hai gi de mahi ina oodou goloa, go hiidinga goodou e iloo bolo e hanu oodou goloa e danuaa ange i goloa laa, gai e daakodo ga hano ai.

Romans 12:15

Malangilangi madali gilaadeu e malangilangi, gai tangi madali gilaadeu e tangi.

1 Corinthians 12:26

Noo dahi diba o de angaanga gu duasala, gai de angaanga alodahi gu duasala; noo dahi diba o de angaanga gu hagadubulia, gai diba alodahi gu malangilangi.

Colossians 4:18

Go au donu go Paul ne siia de hagaboo nei i dogu lima donu. Goodou manadua mai au i dogu noho i lo te hale pono. De abodonu ⌊o de Maadua⌋ gi dagodo i oodou daha.

1 Peter 3:8

Aanei agu muna hagaodi: goodou alodahi gi buni i de lodo daudahi, ma de hagadau abodonu, ma de hagadau aaloha o denga daina, ma de llodo aaloha ma de llodo maolalo.

Matthew 25:43

au se dangada henua gee gai goodou tee abodonu mai gi de au, au teai ogu malo gai goodou tee hakahu au; au ne magi ma de noho i lo te hale pono gai goodou tee loomai gi ogu daha.’

Acts 24:23

Gai Felix ne hai tagi o de lau gi gaavee a Paul gi hagaloosia ange, gai gi dugua ia gi ilaage, ma de dugu ange ono soa gi balea ange ia i mee oona e duasala ai.

Ephesians 4:1

Deenei ai, au tangada o Tagi Maolunga e noho laa i lo te hale pono, e dangidangi adu goodou gi mouli bei tagodo e heohi ange laa gi de hagahi oodou gu hagahia ange laa aagena,

Acts 27:3

De laangi i ono dua gai gimaadeu ne tau i Sidon; gai Julius ne abodonu ange gi a Paul, ga dugu ange ia gi hano gi daho ono soa, gai gilaadeu ga bale ange ai ia.

Genesis 40:23

Gai taane e haia mee unu tee manadua e ia Joseph; ia gu ngalo ia.

Hebrews 11:37

Gilaadeu ne magaa ga maakau i hadu; hanu ne soaa ga modumodu lua, hanu ne daia ga maakau i de gadilaasa. Gai gilaadeu ne kahu i gili o denga ssiibi ma guudi ga hulo saele ai, ne duasala ma de vaivai haia,