Hebrews 13:2 - De Beebaa Dabu

² Goodou gi dee ngalo de abodonu ange gi de gau henua gee, go hiidinga deenei de hai a hanu ne abodonu ange ai gi hanu dangada de langi, gai gilaadeu tee iloo donu.

Hebrews 13:2 Referans Kwoze

Matthew 25:35

Go hiidinga au ne saalohia gai goodou ne haangai mai au; au ne hieunu gai goodou ne hagaunu mai au; au se dangada henua gee gai goodou ne abodonu mai gi de au.

Genesis 18:1

Gai Tagi Maolunga ga hakide ange gi Abraham i lalo denga oak o Mamre, i de masavaa oona e noho ai, i ma te haitoga o dono hale malo, i de madohi lua o de laangi.

Romans 12:13

Goodou bale ange dangada o de Maadua gu duasala laa; goodou abodonu ange gi dangada.

1 Peter 4:9

Goodou hagadau abodonu ange gi dangada i oodou hale, gai gi dee nnanu.

Matthew 25:43

au se dangada henua gee gai goodou tee abodonu mai gi de au, au teai ogu malo gai goodou tee hakahu au; au ne magi ma de noho i lo te hale pono gai goodou tee loomai gi ogu daha.’

Titus 1:8

aagai gi abodonu ange gi dangada e loomai gi dono hale, ia gi malangilangi i de hai tanuaa, ia gi maanetonu, ia gi hai hegau i de mee heohi ma de hai gi dabu abodonu, aama de golomagi ono lodo.

De Beebaa go Job 31:32

(aagai teai se dangada henua gee ne seni i gaogao denga haiava, gai dogu hale e mahuge ange gi tangada henua gee i masavaa alodahi;)

Leviticus 19:34

Gai haia tangada henua gee e noho i oodou daha gi bei dagodo o tangada de henua donu, gai goodou aaloha i de ia bei doodou aaloha donu i goodou; i hiidinga goodou ni dangada henua gee i de masavaa oodou nogo nnoho ai i de henua go Egypt. Go au donu go Iahweh doodou Maadua.

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

1 Timothy 5:10

gai se hine gu iloo abodonu ana hegau danuaa — ia ne agoago danuaa ana dama, ma de abodonu ange gi dangada i dono hale, ma de hhui vae o dangada o de Maadua, ma de bale ange gilaadeu e hai ngadaa, aama de hagaduu ngae i denga hagadaagangaa hegau danuaa alodahi.

1 Timothy 3:2

Tangada e dagi i de nohoanga dabu, gi deai ono mee e hagabaubau ina ai; gai gi dahi donu huu ono bodu, ia gi dee unu gi senga, ia gi maua i de golomagi ono lodo, gai gi se dangada e hagadubu i daho dangada, ma de abodonu ange gi dangada i dono hale, gai ia gi maua i de agoago;

Romans 16:23

Gaius, taane gu abodonu mai nei gi de au ma de nohoanga dabu alodahi i kinei, e gaavadu dana hagaboo gi goodou. Erastus, tangada doange o de aduhale ma taadeu daina daane go Quartus e gaavadu delaau hagaboo gi goodou. [

Isaiah 58:7

E aha, e dee go dau duha ange au gai gi gilaadeu e hiikai, ma de gaavange dahi mommee moo tangada e deai sono hale — ma de hakahu tangada e deai ono malo, i de masavaa aau e gidee ai dono gilisau, gai koe e dee hano e mmuni e dee bale ange doo dangada donu?

Acts 16:15

Aagai dua huu dono babudaisi madali dangada alodahi i dono hale, gai ia ne dangidangi mai gimaadeu, ga hai mai, “Noo goodou e hagataba bolo au gu hagadonusia abodonu Tagi Maolunga, gai goodou loomai nnoho i dogu hale.” Gai ia ne usuusu mai gimaadeu ga dae ai gi demaadeu uaa ange.

De Beebaa go Job 31:19

noo au ne gidee dahi dangada e duasala i teai ono malo, aabe se dangada hagaau aloha e deai sono mee e gahu ai;

2 Kings 4:8

Dahi laangi gai Elisha ne hano gi Shunem, gai e dahi hahine lava e noho laa i kilaa. Ia ne gauna ange ia gi humai gi gaimee. Deelaa ai, masavaa alodahi oona e humai ai gi de mommee laa, gai ia e hano gi kilaa ga gaimee ai.

Genesis 19:1

Gai luu dangada de langi laa ne tae mai gi Sodom i de ahiahi, gai Lot e noho i gaogao de haitoga o de buibui o Sodom. Gai ga gidee huu e Lot gilaau, gai ia ga hidi age ga hano e hedae ange gi gilaau, gai ia ne ino ga baa luoono mada gi honga de gelegele,

3 John 1:5

Dogu soa hagamogomogo, se hegau danuaa mmao dau bale ange denga daina, e dee galemu donu gilaadeu ni dangada henua gee.