Hebrews 13:17 - De Beebaa Dabu

¹⁷ Hagallongo ange gi oodou dagi, ma de hagadubu gilaadeu, i hiidinga go gilaadeu e diiloo adu goodou i de baasi gi de hagasaalunga, gai gilaadeu e tala ange naa dagodo o alaadeu hegau gi de Maadua. Goodou haia gi malangilangi gilaadeu i de hai alaadeu hegau, goodou gi dee hagadaemaha ina gilaadeu, go hiidinga e dee haigamaiana adu gi goodou.

Hebrews 13:17 Referans Kwoze

1 Timothy 5:17

Denga dagi e kana ange laa i alaadeu hegau, gi laumalie ange delaadeu hagadubu, gai go gilaadeu donu e daalaa ma de agoagona muna a de Maadua e kii ange delaadeu hagadubu.

Hebrews 13:7

Goodou manadua oodou dagi, ne agoagona adu goodou i muna a de Maadua. Manadua dagodo olaadeu mouli, gai goodou ga ago ange i olaadeu kai.

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Jeremiah 13:17

Aagai noo goodou e dee hagallongo mai, gai au e dangi hagammuni naa i hiidinga doodou hagamaolunga. Au e kona naa donu de dangi ma de ssali ogu loimada go hiidinga de hagabuulingaa ssiibi a Tagi Maolunga gu gaavee gee i de henua.

1 Corinthians 16:16

goodou daudali i muna a de gau bee nei aama dangada alodahi e balea ma de hai hegau madali gilaadeu.

Philippians 2:12

Deenei ai, ogu daina hagamogomogo, goodou e daudali i agu muna i masavaa alodahi, e dee go dogu masavaa donu huu e noho ai i oodou daha, gai e kii ange donu de heohi doodou hai de mee nei i dogu masavaa e dee maleva ai. Goodou duudagi ina de hagaago mai i oodou hegau bolo goodou gu hagamouli, i de maatagu ma de bolebole,

Exodus 32:31

Gai Moses ne ahe gi daho Tagi Maolunga, ga hai ange, “De huaadangada nei gu hai dahi haisala laumalie mmao! Gilaadeu gu hai hanu diinonga goolo moolaadeu.

Philippians 2:29

Deenei ai, goodou abodonu ange gi de ia i lodo o Tagi Maolunga i de malangilangi laumalie, ma de hagadubu denga daane bei ia,

Romans 14:12

Deelaa ai, dahi ma dahi e tala ange naa ono dagodo gi de Maadua.

2 Thessalonians 3:14

Gai noo dahi dangada e dee lodo e daudali i muna i lo te leda nei, gai goodou gi iloo ono dagodo, gai goodou gi dee hagabuni ange gi de ia, gi dogaa ai ia.

Hebrews 13:24

Dagu hagaboo ange gi oodou dagi alodahi ma dangada alodahi o de Maadua. Dangada ne loomai laa i Italy e gaavadu hogi delaadeu hagaboo gi goodou.

Isaiah 62:6

Jerusalem, au gu dugu denga daane dagitilo i honga doo buibui; gai gilaadeu e dee hagapuni naa donu olaadeu ngudu i de laangi ma boo. Goodou e dalodalo ange laa gi Tagi Maolunga, goodou aude damaa hagammabu donu,

Philippians 4:1

Deenei ai, ogu daina hagamogomogo ma dogu buliaamoou ai, goodou go dogu malangilangi ma dogu hau mahamaha, denga soa hagamogomogo — goodou tuu gi makaga i lodo o Tagi Maolunga.

Philippians 3:18

Go hiidinga gu soa donu dangada ni hagadaumee niio de laagau lui o Klisdo i alaadeu hegau e hai. Gai gu lava donu i dagu tala adu gi goodou mee nei i mua, gai au e ahe ange hogi e tala adu gi goodou iainei ma de dangi.

James 4:7

Deenei ai, goodou hagallongo ange gi de Maadua. Hai baasi ange gi de ia hagabaubau, gai ia e savini naa donu ga hano gee mai i goodou.

Philippians 1:4

Masavaa alodahi oogu e dalodalo ai i goodou, gai au e dalodalo ma de malangilangi,

Luke 16:2

Gai taane lava laa ga hagahi dono dangada hai hegau ga ssili ange, ‘Ni aha aagu gu langona nei bolo koe gu hai? Hagaagona mai be ni aha aau gu hai i mee aau e tilo ange ai ogu goloa alodahi, go hiidinga gu dee go koe e diiloo ange agu mee.’

Proverbs 5:13

Au tee hagallongo ange gi muna a ogu dangada agoago, gai tee anga ange gi muna ne tala mai gi de au.

1 Samuel 8:19

Aagai dangada tee llodo e daudali i muna a Samuel; gai gilaadeu ga hai ange, “E dee galemu donu! Gimaadeu e llodo donu gi dahi omaadeu hodooligi,

Genesis 16:9

Gai tangada de langi o Tagi Maolunga ga hai ange gi de ia, “Ahe gi daho doo hahine aamua, ma gi noho i lalo dana hainga.”

Philippians 2:16

i doodou hagammahi ga daohi muna o de mouli, gi maua ai e au i de tala tuhi i de laangi o Klisdo e humai ai, bolo au tee ngadi savini aabe teai haigamaiana o agu hegau.

Ephesians 5:21

Goodou hagadau hagadubu i oodou magavaa i doodou maatagu i Klisdo.

Ezekiel 33:2

“Tama a tangada, daalaa ange gi oo dangada hai ange, ‘Noo au e gaamai de hagadaumee gi hebagi ange gi de henua, gai dangada e hili dahi dangada i olaadeu magavaa, e hai ai delaadeu dangada dagitilo,