Hebrews 13:16 - De Beebaa Dabu

¹⁶ Goodou gi dee ngalo de hai tanuaa ma de ngadi gaavange mee gi dangada, go hiidinga aanei denga hagadaagangaa sigidaumaha o de Maadua e malangilangi ai.

Hebrews 13:16 Referans Kwoze

2 Thessalonians 3:13

Denga daina, goodou gi dee llodo baageaa i de hai tanuaa.

Romans 12:13

Goodou bale ange dangada o de Maadua gu duasala laa; goodou abodonu ange gi dangada.

Galatians 6:10

Deenei ai, noo gu dahi masavaa danuaa, gai gidaadeu gi haia ange tanuaa gi dangada alodahi, gai go huaabodu donu o dangada gu hagadonusia e hai ange mee nei aagena.

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.

1 Timothy 6:18

Gilaadeu gi haia tanuaa, ma de hagaduu ngae i denga hegau danuaa, gai gilaadeu gi paba ange ma de malangilangi i de abodonu ange gi dangada.

Philippians 4:18

Gai gu tae mai donu sseene alodahi oodou ne gaamai nei, gai gu tubu ange donu i mee oogu e hagadanuaa ai! Gai gu odi ange danuaa donu ogu mee e hagadanuaa ai, i dagu kave nei i daho Epaphroditus doodou mee ngadi gaavange ne gaamai nei. Mee e bei ssigidaumaha o mee maanongi e hagamalangilangi ina laa de Maadua.

Ephesians 4:28

Tangada gaiaa gi dee gaiaa, aagai ia gi hai hegau, ma de hai mee danuaa i luoono lima, gi maua ai e ia i de bale ange gilaadeu e duasala.

1 Thessalonians 5:15

Goodou dagidiiloo gi dee suuia ange e goodou de baubau i de baubau, aagai gi dee helui doodou hagadau hai tanuaa i oodou magavaa, aama ange hogi gi dangada alodahi.

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Luke 18:22

Gai ga langona huu e Iesu ana muna, gai ia ga hai ange gi de ia, “E dahi donu huu mee tigi dohu i oo daha: hannoo hagao ina gi daha oo goloa alodahi gaavange sseene gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

Psalm 37:3

Koe gi hagadonusia Tagi Maolunga ma de hai tanuaa; gai koe ga noho baba i honga de henua ga gaimee ai.

3 John 1:11

Dogu soa hagamogomogo, koe gi dee ago ange i hegau baubau nei, aagai koe ago ange i de mee danuaa. Tangada e haia tanuaa se dama donu nii de Maadua, aagai tangada e haia de baubau tigi gidee donu e ia de Maadua.

Galatians 6:6

Gai tangada e agoagona muna a de Maadua i daho dahi dangada, gi balea ange hogi tangada laa i ana mee danuaa alodahi e hanu.

Philemon 1:6

Gai au e dalodalo bolo dau hagahai hegau doo gai, gi haia gi hagadagadaga age taadeu iloo mee danuaa alodahi adaadeu e hanu i lodo o Klisdo.

Philippians 4:14

Gai se mee danuaa donu doodou bale mai i dogu hai ngadaa.

Acts 9:36

Gai e dahi hahine gu hagadonusia e noho i Joppa, dono ingoo go Tabitha, e bei Dorcas i muna Greek. De hine laa ne lagolago ana hegau danuaa ne hai ma de abodonu ange gi de gau hagaau aloha.

Psalm 51:19

gai gi malangilangi ai goe i denga sigidaumaha heohi, ma denga sigidaumaha dudu, aama sigidaumaha e dudu alodahi, gai ssigidaumaha o denga kaau e hai naa i honga dau mommee o ssigidaumaha.