Hebrews 13:1 - De Beebaa Dabu

¹ Goodou duudagi ina de hagadau aaloha bei dagodo o denga hai daina donu.

Hebrews 13:1 Referans Kwoze

1 John 4:20

Noo tangada e hagadaba bolo ia e aloha i de Maadua, aagai e kino i dono daina, gai ia se dangada hadu muna. Gai tangada e dee aloha i dono daina aana e gidee laa, e dee maua donu i de aloha ange gi de Maadua aana e dee gidee laa.

1 Peter 3:8

Aanei agu muna hagaodi: goodou alodahi gi buni i de lodo daudahi, ma de hagadau abodonu, ma de hagadau aaloha o denga daina, ma de llodo aaloha ma de llodo maolalo.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

2 Peter 1:7

gai de hai lodo o de Maadua gi madali de hagadau abodonu o denga daina, gai de hagadau abodonu o denga daina gi madali de aloha.

1 Peter 2:17

Goodou hagadubu ina dangada alodahi: aaloha ange gi denga daina ange laa, madagu i de Maadua, gai hagadubu ina de hodooligi maolunga.

Hebrews 10:24

Gai gidaadeu ga maanadu taadeu hai e hagadau hagammahi ange ai gidaadeu gi de aloha ma denga hegau danuaa,

2 Thessalonians 1:3

Denga daina, e heohi donu demaadeu hagaahe ange de abodonu gi de Maadua i oodou hiidinga i masavaa alodahi, go hiidinga oodou kai gu kona mmao de hagadagadaga age, gai doodou hagadau aaloha gu kii ange hogi de laumalie.

1 Peter 4:8

Gai de mee hagamogomogo hugadoo, go doodou hagadau aaloha, go hiidinga de aloha e haoli denga haisala lagolago.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Galatians 5:13

Denga daina, goodou ne hagahia ange gi de ilaage; aagai goodou gi dee haia oodou ilaage gi haia ai lodo o de angaanga, aagai goodou gi hagadau bale i de aloha.

Revelation 2:4

Aagai e dahi mee aagu e hagasee ai goe: koe gu tili doo aloha i taamada.

1 John 3:23

Gai aanei ana muna: gidaadeu gi hagadonusia i de ingoo o dana Dama Daane, go Iesu Klisdo, ma de hagadau aaloha, bei dana hai gu tala mai ai gi gidaadeu.

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

John 15:17

Aanei agu muna adu gi goodou: goodou hagadau aaloha!

Ephesians 5:2

Goodou hai hegau i de aloha, bei de aloha o Klisdo i gidaadeu, ia ne gaavange dono mouli i odaadeu hiidinga, e hai ai ssigidaumaha nnamu kala ange gi de Maadua.

Ephesians 4:3

Gai hagaduu ngae nnoho hagabuni i ssauaa o de Hagasaalunga ⌊Dabu⌋, i de baba e haia laa gi buni goodou.

Acts 4:32

Gai dangada alodahi gu hagadonusia laa gu buni ma gu se lodo daudahi; gu deai donu se dangada e hagadaba bolo niiana mee e hanu i ono daha, aagai gilaadeu gu hai mee ai alodahi.

Acts 2:1

De masavaa huu ne dae mai ai de laangi o de Pentecost, gai gilaadeu alodahi ga hagabuni i dahi mommee.

Psalm 133:1

Tilo, se mee danuaa ma de mahamaha de nnoho hagabuni o denga hai daina!