Hebrews 12:9 - De Beebaa Dabu

⁹ E dahi ange mee: odaadeu damana donu e haele gidaadeu, gai gidaadeu e hagadubu gilaadeu. Gai e kii ange mmao de hagamogomogo taadeu hagallongo ange, gi Tamana o denga hagasaalunga gi mouli ai gidaadeu!

Hebrews 12:9 Referans Kwoze

Numbers 16:22

Gai gilaau ga ino ga hagapaa olaau mada gi honga de gelegele, ga hai ange, “De Maadua, go de Maadua o hagasaalunga o dangada alodahi, koe ga daohi naa donu huu doo lili i de hagabuulingaa dangada nei, i hiidinga haisala o dahi dangada sogosogo?”

Numbers 27:16

“Tagi Maolunga, de Maadua e gaavange laa de hagasaalunga o de mouli gi dangada alodahi, gi hilia dahi dangada gi dagina de hagabuulingaa dangada nei,

Isaiah 42:5

Aanei muna a de Maadua, Tagi Maolunga e tala, go de ia ne hagadau ina de langi ga doha gi daha, gai go ia ne hoolaa henua i lalo ma mee alodahi ne loomai ai, ma de hai gi manavanava dangada e nnoho ai, ma de gaavange de manava o de mouli gi dangada i kilaa:

John 3:6

De mee e haanau mai i de angaanga se angaanga, gai de mee e haanau mai i daho de Hagasaalunga se hagasaalunga.

De Beebaa go Job 12:10

Ia e daohi mouli o mee alodahi, ma manava o dangada alodahi.

Zechariah 12:1

Muna hagadaemaha a Tagi Maolunga i dagodo o Israel. E hagadaba Tagi Maolunga, go de ia ne hoolaa laa de langi ma de hai henua i lalo, gai go de ia ne haia de hagasaalunga o tangada:

Exodus 20:12

Hagadubu ina doo damana ma doo dinana, gi daulooloa ai doo mouli i honga de henua, a Tagi Maolunga doo Maadua e gaavadu gi de goe.

Isaiah 38:16

De Ia Aamua, dangada e mouli i mee nei, go mee nei hogi a dogu hagasaalunga e gidee ai de mouli. Koe gu hagaieiangi au ma de dugu mai au gi mouli.

1 Peter 5:6

Deenei ai, goodou gi hagamaolalo i lalo de lima sauaa o de Maadua, gai ia ga hagaamua ai goodou i de masavaa heohi.

James 4:7

Deenei ai, goodou hagallongo ange gi de Maadua. Hai baasi ange gi de ia hagabaubau, gai ia e savini naa donu ga hano gee mai i goodou.

Isaiah 57:16

Au e dee hagabaubau donu ga hano ai, aabe e lili i masavaa alodahi, kana haia e au ga baageaa lodo o tangada — go de hagasaalunga o tangada aagu ne hai.

Leviticus 19:3

Tangada gi hagadubu ina dono dinana ma dono damana, ma de daohi agu Sabbath. Go au donu go Iahweh doodou Maadua.

Romans 9:5

Gai go gilaadeu hogi hagadiilinga o denga dubuna madagidagi, gai Klisdo se mogobuna niiolaadeu, gai go ia de Maadua i honga mee alodahi, gai gi duuhia ia ga hano ai! Amen.

Proverbs 30:17

Tangada e hakadanga i dono damana ma de kino i de hagallongo ange gi dono dinana e naonao ina naa luoono hadu mada i denga raven o de geelonga, ma de gaina i denga vulture.

Deuteronomy 27:16

“E malaia tangada e dee hagadubu ina dono damana ma dono dinana.” Gai dangada alodahi gi hai ange, “Amen!”

Ecclesiastes 12:7

gai de mama o de gelegele e ahe ange naa gi de gelegele, ne daamada mai ai laa, gai de hagasaalunga e ahe gi daho de Maadua ne gaavange laa.

James 4:10

Goodou hagamaolalo i mada luu mada o Tagi Maolunga, gai ia ga hagaamua ai goodou.

Malachi 1:6

Tagi o denga hagabuulinga hebagi e hai adu gi goodou, “Tama e hagadubu dono damana, gai tangada hai hegau e hagadubu dono dangada aamua. Gai noo go au doodou damana, gai gu aha gu deai ai naa soodou hagadubu au? Gai noo go au doodou dangada aamua, gai gu aha goodou gu hagangadi mee ai naa au? Go goodou ogu dangada haimeedabu e hagangadi mee ina naa dogu ingoo. Aagai goodou e ssili, ‘Dee hee demaadeu hai ne hagangadi mee ai doo ingoo?’

Ezekiel 22:7

Gilaadeu ne hagangadi mee denga damana ma dinana i oo daha, ma de vaivai hai de gau henua gee, ma denga gauligi gu deai olaadeu damana aama haahine gu maakau olaadeu bodu.

Romans 9:3

Mee naa go au e hagamalaia ga vvae gee mai i Klisdo e sui ai ogu daina, go ogu dangada i de baasi gi de angaanga.

Romans 1:3

go de longo danuaa e tala ai laa dagodo o dana Dama Daane, gai ne haanau mai i de aamuli o David,

Acts 2:30

Gai ia se pelaabisi, deenei ai, ia ne iloo bolo de Maadua gu lava i de hagatoo donu bolo ia e hai naa dahi dangada mai i dono aamuli gi noho i honga dono nohoanga hodooligi.

Luke 18:2

Ia ne hai ange, “E dahi dangada hagamodu muna e noho i dahi aduhale. Ia e dee madagu i de Maadua aabe e hagadubu dahi dangada.

Luke 18:4

Gai ia tee bale ange de hine laa i dahi masavaa daulooloa, aagai muli mai huu gai ia ga hagadaba, ‘Au e dee madagu i de Maadua aabe e hagadubu dahi dangada daudahi,

Revelation 22:6

Gai tangada de langi laa ne hai mai gi de au, “Muna nei ni muna abodonu gai e heohi. Tagi Maolunga, de Maadua ne hagangaalue ina laa lodo o denga pelaabisi i dono Hagasaalunga, ne hai dono dangada de langi gi humai gi hagaagona ange gi ono dangada hai hegau mee gu dai loomai.”

Isaiah 45:10

E vakaa naa tangada e hai ange gi dono damana, ‘Se dangada bee hee aau ne hagadili naa?’ aabe go de hai ange gi dono dinana, ‘Se aha aau ne haanau naa?’