Hebrews 12:3 - De Beebaa Dabu

³ Goodou manadua dagodo de golomagi mmao ono lodo, i de masavaa o de gau baubau ne hai baasi ange ai gi de ia, gi dee helui ai oodou llodo aabe gi lodo baageaa.

Hebrews 12:3 Referans Kwoze

Galatians 6:9

Gidaadeu gi dee llodo baageaa i de hai tanuaa: go hiidinga gidaadeu e hagihagi naa donu hua o adaadeu hegau i de masavaa heohi, noo e dee duugia odaadeu lodo.

2 Corinthians 4:16

Deenei ai, gidaadeu gi dee llodo baageaa. Gai ga hagadaga iho naa donu odaadeu angaanga nei, gai odaadeu lodo e hagahoou i laangi alodahi.

Revelation 2:3

Koe ne hagaduu ngae ga golomagi oo lodo ma de lodo mmahi i de hagaduasala i hiidinga o dogu ingoo, koe tee ahe donu doo lo taane.

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

2 Corinthians 4:1

Deenei ai, gimaadeu e dee baageaa omaadeu lodo, i demaadeu hai tuuhanga hegau nei i de abodonu o de Maadua.

John 5:16

Deenei de hiidinga a de gau Ssuu ne vaivai hai ai laa Iesu, go hiidinga ia ne hai mee nei i de laangi o Sabbath.

1 Samuel 12:24

Aagai goodou dagidiiloo gi maatagu goodou i Tagi Maolunga, ma de daumaha ange gi de ia i de muna abodonu i oodou lodo alodahi; goodou manadua denga hegau hagalele mouli aana gu hai adu gi goodou.

Hebrews 12:5

Gai goodou gu ngalo naa donu muna ne hagammahi adu ai goodou denga dama? “Dagu dama, aude hagangadi mee ina haelenga a Tagi Maolunga, aabe gi baageaa oo lodo i dana hagasee goe.

Luke 14:1

Dahi Sabbath gai Iesu ne hano e gaimee i de hale o dahi dagi o denga Pharisee, gai dangada ne dagitilo ana mee e hai.

Deuteronomy 20:3

gai ia gi hai ange gi gilaadeu, “Israel, nnoho mai hagalaangona, ailaa nei goodou ga hulo nei e hebagi ange gi oodou hagadaumee. Goodou aude manavasaa oodou lodo be e maatagu, aabe gi bolebole i doodou maatagu i gilaadeu,

2 Thessalonians 3:13

Denga daina, goodou gi dee llodo baageaa i de hai tanuaa.

John 18:22

De masavaa o Iesu ne basa ange ai bee nei, gai dahi dangada hagaloosi e duu laa i kilaa ga hagaili ia, ga hai ange, “Gu aha gu basa ange ai naa goe bee naa gi tangada haimeedabu maolunga?”

John 8:52

Gai de gau Ssuu ga hai ange gi de ia, “Deenei donu de sula mai bolo de hagasaalunga baubau e noho i oo daha! Abraham gu magau, gai e bei ai hogi denga pelaabisi; gai koe e hagadaba, ‘Tangada e daohia agu muna e dee magau donu.’

Isaiah 50:4

De Ia Aamua go Iahweh gu gaamai gi de au de alelo o tangada gu agoagona, gi iloo ai e au muna e hagammahi ai gilaadeu e daalea. Ia e hhango mai au i daiao alodahi, ma de hhuge luoogu dalinga gi langona ai e au bei dagodo o tangada e agoagona.

Proverbs 24:10

Noo koe e dee lodo mmahi i de masavaa hai ngadaa, gai e sogoisi oo mahi.

John 8:59

Gai gilaadeu ga poo age denga hadu e maga ai ia, gai Iesu ga hagalilo ga sao ga hano gee mai i de mommee o de temple.

John 8:13

Gai denga Pharisee ga hai ange gi de ia, “Koe e tala hagadonu donu huu oo dagodo; gai au muna e tala e dee ni muna abodonu.”

John 7:12

Gai e lagolago muna a dangada e pasa ai i de ia i olaadeu magavaa. Hanu e hagataba, “Ia se dangada danuaa,” gai hanu e hagataba, “E deai, ia e hagasenga dangada.”

Luke 16:14

Gai denga Pharisee, e nnoo ange laa gi sseene lagolago, ne langona e gilaadeu muna nei, gai gilaadeu ga doo mee i Iesu.

Luke 15:2

Aagai denga Pharisee ma de gau sisi ne nnanu ga hagataba, “Tangada nei e abodonu ange gi de gau haisala ma de gaimee madali gilaadeu!”

Luke 5:21

Gai de gau sisi ma denga Pharisee ne hagataba i olaadeu lodo, “Goai taane e basa hagangadi mee ina nei de Maadua? Goai e maua i de tala haisala, e dee go de Maadua donu huu?”

Luke 2:34

Gai Simeon ne hagamanuuia gilaadeu ga hai ange gi Mary, dono dinana, “Tamaa gauligi nei gu hagababa ange gi oohaa ma de hagaahe age o dangada soa o Israel, gai se hagailonga e hai baasi ange dangada aagena i alaadeu muna,

Matthew 22:15

Gai denga Pharisee ne hulo ga hagasaele ange delaadeu hai e hagahaisala ai Iesu i ana muna.

Matthew 21:46

Gai gilaadeu ne hagatale de poo ia, aagai gilaadeu ne maatagu i dangada soa, go hiidinga dangada e hagataba bolo Iesu se pelaabisi.

Matthew 21:23

De masavaa o Iesu ne ulu ai ga agoago i lo te temple, gai de gau haimeedabu maolunga ma denga dagi ne loomai, ga ssili ange, “Niioai ssauaa aau e hai ai naa mee nei? Gai goai ne gaavadu gi de goe ssauaa naa?”

Matthew 15:2

“Gu aha au dangada agoago gu oha ai naa denga dahulinga a denga dubuna madagidagi? Gilaadeu e dee hhui olaadeu lima i mua de gaimee!”

Matthew 12:24

Gai denga Pharisee gu langona e gilaadeu muna laa, gai gilaadeu ga hagataba, “Taane nei e hai gi hulo denga hagasaalunga baubau i ssauaa o Beelzebul, tagi o denga hagasaalunga baubau.”

Matthew 11:19

Gai Tama a Tangada ne humai ga gaimee ma de unu, gai gilaadeu ne hagataba, ‘Ia se dangada aagai ma de lodo e unu mee vii, gai se soa niio de gau e hagabudulia taagisese ma de gau baubau.’ Aagai de heiangi ⌊o de Maadua⌋ gu hagaago mai bolo e heohi i ana hegau.”

John 9:40

Gai hanu Pharisee i kilaa ne langona e gilaadeu ana muna, ga ssili ange gi de ia, “E aha, koe e hagadaba naa bolo gimaadeu e dee kide hogi?”

John 10:20

Gai e soa gilaadeu ne hagataba, “Dahi hagasaalunga baubau e noho i ono daha, gai ia gu senga. Gai gu aha gu hagallongo ai gidaadeu ana muna?”

1 Peter 2:23

Gai de masavaa a dangada ne pasa baubau ai i de ia, aagai ia tee sui ange donu alaadeu muna; dono masavaa ne hagaduasala ai, aagai ia tee hagadaba bolo ia e sui ange alaadeu hegau. Aagai ia ne dugu ange mee alodahi gi de ia e hagamodu ina dagodo o mee alodahi i de heohi.