Hebrews 12:29 - De Beebaa Dabu

²⁹ go hiidinga taadeu Maadua e bei de ahi ula e duungia mee alodahi.

Hebrews 12:29 Referans Kwoze

Deuteronomy 4:24

Go hiidinga Tagi Maolunga doodou Maadua e bei de ahi ula e duungia mee alodahi, gai se Maadua maagoda.

Deuteronomy 9:3

Deenei ai, ailaa nei gai goodou gi tonu iho, bolo Tagi Maolunga doodou Maadua e hano naa i oodou mada i mua, bei dagodo o de ahi ula e duungia laa ga odi mee. Ia e hagadee kii naa gilaadeu, ma de daa gi maakau i oodou mada i mua. Gai e moolau naa donu doodou aau gee gilaadeu, ma de daa gilaadeu gi maakau, bei de hai a Tagi Maolunga gu hagatoo donu adu ai gi goodou.

Hebrews 10:27

aagai go de maatagu donu huu, i taadeu tali de hagaduasala, ma de ahi mmahi e daa ai laa ga maakau hagadaumee o de Maadua.

2 Thessalonians 1:8

ma de ahi ula, ga hagaduasala gilaadeu e dee iloo de Maadua, ma dangada e dee daudali i de longo danuaa o taadeu Dagi Maolunga go Iesu.

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.

Exodus 24:17

Gai de gau Israel ne gidee de mahamaha o Tagi Maolunga bei dagodo o de ahi ula i ulu de mounga.

Daniel 7:9

De masavaa aagu e haina adu ai mee laa, gai gu hagatau denga nohoanga, gai de Ia mai Madagidagi gu noho i dono nohoanga. Ono malo e tea bei snow; ono ngaangaaulu e tea bei huluhulu o ssiibi. Dono nohoanga e ula bei de ahi, gai denga hagasii iai e ula ai de ahi.

Psalm 97:3

De ahi e hano i ono mada i mua e dudu ai ono hagadaumee alodahi i luoono baasi.

Psalm 50:3

Taadeu Maadua e humai, gai ia e dee noho naa donu huu ga dee muu; de ahi e dudu mee alodahi i ono mada i mua, gai de madangi mmahi e ssau ma e duuli ai ia.

Numbers 16:35

Gai de ahi ne humai i daho Tagi Maolunga ga daa gu maakau de 250 daane laa, i de masavaa alaadeu e hai ai alaadeu sigidaumaha i mee maanongi.

Numbers 11:1

Gai dangada ga nnanu i Tagi Maolunga i hiidinga delaadeu hai ngadaa. Gai ga langona huu e Tagi Maolunga, gai ia gu bole mmao, gai de ahi mai i daho Tagi Maolunga gu ula i olaadeu magavaa ga dudu hanu mommee i luu baasi de mommee nnoho gaainga.

Exodus 15:7

Doo mahamaha laumalie gu hagadee kii gilaadeu e hai baasi adu gi de goe; koe gu haula gilaadeu i doo bole bei dagodo o denga lau grain mmasa.

2 Samuel 22:9

De useahi gu buu mai i lodo luoono bongaa usu; de ahi ula gu sao mai i lo tono ngudu, gai denga maga ahi e kaa mai i ono daha.

Isaiah 33:14

De gau haisala i Zion gu maatagu mmao; dangada e dee hai lodo o de Maadua gu bolebole: “Goai de gidaadeu e maua i de noho madali de ahi e duungia laa mee? Gai goai de gidaadeu e maua i de noho i de mommee iai de ahi e ula laa ga hano ai?”

Jeremiah 25:37

De mommee malino iai helii gu ngadi dagodo, i hiidinga de kona de bole o Tagi Maolunga.

Ezekiel 38:19

Go hiidinga au e hagadaba naa i dogu lodo gaiaa, ma dogu bole, bolo e hai naa dahi hagangalungalue o de henua mmahi i Israel i de masavaa laa.

2 Corinthians 5:11

Deenei ai, go hiidinga demaadeu iloo dagodo de madagu i Tagi Maolunga, gimaadeu e usuusu ange dangada. Aagai de Maadua e iloo omaadeu dagodo, gai au e tali bolo goodou e tonu ange donu hogi omaadeu dagodo i tagi oodou lodo.

2 Thessalonians 1:7

ma de hagamaamaane oodou lodo i doodou vaivai haia aama gimaadeu hogi, i de laangi o Tagi Maolunga go Iesu e hagasula mai ai i de langi, madali ono dangada de langi mmahi,

Hebrews 10:31

Gai se mee hagamaatagu mmao taadeu too ange gi lo te lima o de Maadua e mouli laa.

2 Peter 3:7

Gai go muna mau nei hogi e hagadabena ange ai de langi ma henua i lalo nei, e dudu i de ahi, ma de dugu ange gi de laangi hagamodu muna ma de daa ai gi maakau de gau baubau.