Hebrews 12:25 - De Beebaa Dabu

²⁵ Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Hebrews 12:25 Referans Kwoze

Hebrews 8:5

Gilaadeu ne hai hegau i de mommee dabu e hagadulagi ange laa gi de mee i de langi. Go hiidinga de masavaa a Moses ne baba ange ai e hagaduu de hale malo, gai de Maadua ne tala ange, ga hai ange, “Diiloo hagatuulia mee alodahi gi bei dagodo o de hagadulagi gu hagaago adu gi de goe i honga de mounga.”

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.

Zechariah 7:11

Aagai dangada tee hagallongo mai; gilaadeu ne huuhuli mai olaadeu dua gi de ia, ma de pono olaadeu dalinga gi dee langona ai e gilaadeu ana muna.

Proverbs 13:18

Tangada e dee anga ange laa gi muna bale e hagaau aloha ma de hagadogaa ina, aagai tangada e hagalaangona laa muna hagaheohi e maua de hagadubu.

Deuteronomy 30:17

Aagai noo goodou e daahuli gee oodou lodo ga dee hagallongo ange ai gi ana muna, gai e hulo ga daumaha ange gi denga diinonga ange laa ma de hai hegau ange gi gilaadeu,

Exodus 20:22

Gai Tagi Maolunga ne hai ange gi Moses, “Daalaa ange muna nei gi de gau Israel: ‘Goodou gu gidee ma de langona dogu basa adu gi goodou mai i de langi:

Matthew 8:4

Gai Iesu ga hai ange gi de ia, “Aude daalaa ange mee nei gi dahi dangada daudahi, gai koe hannoo hagaagona ange goe gi tangada haimeedabu, ma de hai ssigidaumaha gi bei dagodo muna a Moses, e hagadonu ai ⌊doo ieiangi⌋ i olaadeu daha.”

Proverbs 8:33

Nnoho mai hagalaangona agu agoago gi heiangi ai goodou, goodou aude hagangadi mee ina.

Proverbs 1:32

Gai de daahuli gee o de gau llodo ssenga e daa gilaadeu ga maakau; gilaadeu e maakau naa donu, i delaadeu maanadu bolo gilaadeu e danuaa donu huu;

Proverbs 1:24

Au ne hagahi goodou, gai goodou tee llodo e hagallongo agu muna; au ne haalo adu dogu lima gi goodou, gai teai se goodou ne anga mai;

2 Chronicles 7:19

Aagai noo goodou e dee daudali i agu muna gu hagasauaa, ma agu hainga gu gaavadu gi goodou, gai goodou ga hulo ga hai hegau ange gi denga diinonga aama de daumaha ange gi gilaadeu,

1 Kings 12:16

De masavaa huu a de gau Israel alodahi ne gidee ai bolo de hodooligi tee hai gi bei alaadeu muna, gai gilaadeu ga hai ange gi de hodooligi, “E aha, e dahi amaadeu diba i daho David? E dahi amaadeu diba i daho tama a Jesse? De gau Israel, goodou aahe gi oodou mommee! David, diiloo ange donu huu doo huaabodu!” Gai de gau Israel alodahi ga aahe gi olaadeu mommee.

Joshua 22:16

“E hagataba de hagabuulingaa dangada o Tagi Maolunga, ‘Se hegau bee hee oodou gu hai nei e hai baasi ange ai gi de Maadua o Israel? Goodou gu daahuli gee i Tagi Maolunga i doodou hagaduu dahi mommee o ssigidaumaha moodou.

Numbers 32:15

Noo goodou e daahuli gee i de ia, gai ia e tili naa hogi de huaadangada i de vao; gai goodou e hai naa ga maakau gilaadeu alodahi.”

Exodus 16:29

Goodou gi iloo bolo Tagi Maolunga gu gaavadu gi goodou Sabbath; deelaa ai, ia gu gaavadu gi goodou oodou gai e gaimee ai i e lua laangi i de ono laangi; gai e deai donu se goodou e sao gi haho i de hidu laangi.”

2 Timothy 4:4

Gilaadeu e tili naa de muna abodonu, gai ga daudali ange i denga ngadi daalanga.

1 Thessalonians 5:15

Goodou dagidiiloo gi dee suuia ange e goodou de baubau i de baubau, aagai gi dee helui doodou hagadau hai tanuaa i oodou magavaa, aama ange hogi gi dangada alodahi.

Acts 7:35

Deenei taane go Moses olaadeu ne kino ai laa, ga hai ange, ‘Goai ne haia goe go demaadeu dagi be go tangada e hagamodu ina omaadeu muna?’, deenei taane a de Maadua ne hai gi hano gi dagina ma de hagaola gilaadeu, i ssauaa o tangada de langi ne hakide ange laa gi de ia i lo te manu somo e ula laa.

Ezekiel 5:6

Gai Jerusalem ne kii ange dana hagangadi mee agu hagamodu i denga huaahenua ange laa, ma de kii ange de hai baasi ange gi agu hainga gu hagasauaa i denga huaahenua i luoono baasi, go hiidinga gilaadeu ne tili agu hagamodu gai tee daudali i agu hainga gu hagasauaa.

Jeremiah 11:10

Gilaadeu gu buni e aahe ange gi haisala o olaadeu dubuna, go dangada ne kino laa i de hagallongo agu muna. Gai gilaadeu ne daudali i denga diinonga ma de daumaha ange gi gilaadeu. Dangada o Israel ma Judah gu oha de hagatoo donu hagaheloongoi aagu ne hai madali olaadeu dubuna.

Isaiah 64:9

Tagi Maolunga, koe gi dee lili i gimaadeu; koe gi dee manadua omaadeu baubau ga hano ai. Gimaadeu e dangidangi adu, galo mai gi gimaadeu, gimaadeu alodahi go oo dangada.

Isaiah 48:6

Koe gu langona mee nei; galo ange diiloo mee nei alodahi, gai koe gi daalaa hagadonu mee nei. Mai iainei gai au e tala adu hanu mee hoou, ma mee e hagammuni gai koe e dee iloo.

Proverbs 15:32

Tangada e hagangadi mee ina laa dono hagaseegina e hagangadi mee donu huu ia, aagai tangada e anga ange gi dono hagaheohi ina e kii ange naa de heiangi.

Hebrews 3:17

Gai goai o de Maadua ne lili ai laa i e madahaa ngadau? E dee go gilaadeu ne haisala laa, gai olaadeu angaanga ne maakau ga daakodo saele i de vao?

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Revelation 22:9

Aagai ia ne hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina go denga pelaabisi, aama gilaadeu alodahi e daohia muna e sisi i de beebaa nei. Gai koe daumaha ange gi de Maadua.”

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

Deuteronomy 4:36

Ia ne hai gi langona e goodou dono leo mai i de langi e haele ai goodou. Gai ia ne hai gi gidee e goodou de ahi ula i honga de henua, ma de langona dono leo e basa adu ai gi goodou mai i lo te ahi.

Deuteronomy 18:19

Gai be goai naa huu e dee hagallongo mai gi agu muna a de pelaabisi laa e tala i dogu ingoo, gai au e dau ange naa donu mee nei gi de ia.

Hebrews 1:1

Madagidagi gai de Maadua ne basa ange gi odaadeu dubuna i daho denga pelaabisi, i hanonga lagolago ma hagadagodo lagolago,

Hebrews 3:12

Denga daina, goodou dagidiiloo gi deai se goodou e daohia dahi lodo baubau be go tee hagadonusia, ga dagi gee ai goodou i de Maadua e mouli laa.

Hebrews 12:19

ma de ili ai de trumpet, ma de leo a dangada ne langona laa, gai gilaadeu ga dangidangi bolo gi duudia de basa ange gi gilaadeu,

Joshua 22:15

Gai gilaadeu ne hulo gi daho de aamuli o Reuben, ma de aamuli o Gad, aama dahi luu baasi o de aamuli o Manasseh i de henua go Gilead, ga hai ange gi gilaadeu,