Hebrews 12:23 - De Beebaa Dabu

²³ aama de nohoanga dabu o denga ganimua, go dangada gu sisi olaadeu ingoo i de langi. Goodou gu loomai gi de Maadua, de Ia Hagamodu Muna o dangada alodahi, ma hagasaalunga o dangada e heohi ma de hoohonu abodonu olaadeu dagodo,

Hebrews 12:23 Referans Kwoze

James 1:18

Gai ia ne lodo e hagadili gidaadeu i de muna abodonu, gai ia ga hai ai gidaadeu go hua i taamada o mee alodahi aana ne hai.

Hebrews 11:40

go hiidinga de Maadua gu hai dahi hagatau e danuaa ange i mee nei mai gi gidaadeu alodahi, gai ia ga hai ai gilaadeu alodahi gi heohi abodonu madali gidaadeu.

Luke 10:20

Aagai goodou gi dee llodo danuaa i de hagallongo adu o denga hagasaalunga baubau gi goodou; aagai goodou llodo danuaa i hiidinga oodou ingoo gu sisi i de langi.”

Revelation 14:4

Gai de gau laa alodahi ni daane gilimalali, gilaadeu tigi hulo gi daho denga haahine e hai ai gi hakino gee gilaadeu. Aanei gilaadeu e daudali ange laa i Ssiibi Gauligi i mommee alodahi oona e hano aagena. Gilaadeu nei gu lava i de hagao ma gu hagaola mai i magavaa o dangada e hai ai denga hua i taamada ange gi de Maadua ma Ssiibi Gauligi.

Exodus 4:22

Gai koe hai ange gi Pharaoh, ‘E hagadaba Tagi Maolunga: Israel go dagu dama daane madua,

Genesis 18:25

E dee aanei donu dagodo o au hegau e hai — koe e dee daa gi maakau de gau heohi madali de gau baubau, aabe e hai de gau heohi bei dagodo o de gau baubau. E dee aanei donu dagodo o au hegau e hai! E aha, de Ia Hagamodu o henua i lalo alodahi e dee hai naa de mee heohi?”

Revelation 20:15

Gai tangada e dee sisi dono ingoo i de beebaa o de mouli gu tili ange gi lo te ahi e sali laa bei de vai.

Psalm 94:2

De ia hagamodu muna o henua i lalo, hidi age, hagaduasala ina de gau hagamaolunga!

Hebrews 9:27

Bei de hai gu hagamodu ange ai laa bolo dangada e maakau i e dahi donu huu hanonga, gai dua naa huu mee nei go de hagamodu muna,

Psalm 96:13

i mada luu mada o Tagi Maolunga, go hiidinga ia e humai naa, ia e humai naa e hagamodu muna o henua i lalo. Ia e hagamodu naa muna o henua i lalo i de heohi, gai e hagamodu muna o dangada i de muna abodonu.

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.

1 Peter 2:23

Gai de masavaa a dangada ne pasa baubau ai i de ia, aagai ia tee sui ange donu alaadeu muna; dono masavaa ne hagaduasala ai, aagai ia tee hagadaba bolo ia e sui ange alaadeu hegau. Aagai ia ne dugu ange mee alodahi gi de ia e hagamodu ina dagodo o mee alodahi i de heohi.

Hebrews 11:4

De gai o Abel ne hai ga maua e ia de hai dahi ssigidaumaha e danuaa ange laa i ssigidaumaha a Cain. Gai ia ne hagabinga bolo se daane e heohi i hiidinga o de mee nei, gai de Maadua ne malangilangi i ana mee ngadi gaavange. Gai ia e duudagi donu de basa iainei i dono gai, e dee galemu donu ia gu magau.

1 Timothy 3:5

(Noo tangada e dee maua i de dagi dono huaabodu donu, aagai dee hee ai dana hai e dagi ai de nohoanga dabu o de Maadua?)

Philippians 4:3

Au e dangidangi adu hogi gi de goe, dogu soa hai hegau i de mee abodonu, balea ange luu haahine naa, go hiidinga gilaau ne hagaduu ngae ga hai hegau madali au i hegau o de longo danuaa, madali Clement ma ogu soa hai hegau ange laa, go gilaadeu gu daohi olaadeu ingoo i de beebaa o de mouli.

Ephesians 1:22

Gai de Maadua gu dugu mee alodahi i lalo luu vae o Klisdo, ma de hai ia go de biho o mee alodahi i de nohoanga dabu,

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

John 5:27

ma ssauaa e hagamodu ai muna, i hiidinga go ia Tama a Tangada.

Psalm 98:9

i mada i mua o Tagi Maolunga, go hiidinga ia e humai naa e hagamodu muna o henua i lalo. Ia e hagamodu muna o henua i lalo i de heohi, ma de hagahedae dangada.

Colossians 1:24

Gai au e malangilangi donu i de hagaduasala i oodou hiidinga, gai dogu hagaduasala i de angaanga nei e bale de hagaodi ange de hagaduasala o Klisdo i hiidinga o dono angaanga, go de nohoanga dabu.

Colossians 1:12

gai hagaahe ange de abodonu gi Tamana; go ia ne haia ga maua e gidaadeu i de kave de boolonga o dangada o de Maadua i de nohoanga hodooligi o de maalama.

2 Corinthians 5:8

Gimaadeu e llodo mmahi ma de malangilangi i de dugu de hale go odaadeu angaanga nei, gai ga hulo e nnoho madali Tagi Maolunga.

1 Corinthians 15:54

De masavaa naa huu e sui ai de angaanga bobo nei ga se angaanga e dee bobo, gai de angaanga magau nei e hai gi se angaanga e dee magau, gai gi hagassula ai muna e sisi laa e hai ange: “De magau gu hai ma gu lilo i de hagadee kii ina!”

1 Corinthians 13:12

Iainei gai adaadeu mee e gidee e dee masalaba, bei dagodo o mee i lo te galaasa dilodilo; gai de masavaa laa naa huu, gai gidaadeu gu gidee danuaa donu. Iainei gai dagu iloo e dee honu; aagai de masavaa laa naa huu, gai gu honu danuaa dagu iloo, bei de hai a de Maadua e iloo ai laa ogu dagodo alodahi.

Jeremiah 31:9

Gilaadeu e loomai naa ma de tangi; gai gilaadeu e dalodalo mai naa i de masavaa aagu e hagaahe mai ai gilaadeu. Gai au e dagi mai naa gilaadeu i gaogao denga saalingaa vai, ma de haiava ssoe gi dee baakuu ai gilaadeu, i hiidinga go au tamana o Israel, gai Ephraim go dagu dama daane madua.

Ecclesiastes 12:7

gai de mama o de gelegele e ahe ange naa gi de gelegele, ne daamada mai ai laa, gai de hagasaalunga e ahe gi daho de Maadua ne gaavange laa.

Psalm 111:1

Duuhia Tagi Maolunga! Au e hagaahe ange de abodonu gi Tagi Maolunga i ogu lodo alodahi, i magavaa o de hagabuulinga o olaadeu e heohi.

Psalm 89:27

Gai au e hai naa ia go dagu dama madua, gai go de hodooligi e maolunga hugadoo i henua i lalo.

Psalm 89:7

De Maadua se ia hagamadagu ange gi de hagabuulinga hagasaele dabu; gai e hagamadagu ange i gilaadeu madali ia.

Psalm 69:28

Sooloa olaadeu ingoo i lo te beebaa o de mouli, gai olaadeu ingoo gi dee sisi madali dangada e heohi laa.

Deuteronomy 21:17

Aagai ia gi hagadubu ina hogi tama daane madua a de hine oona e dee aloha ai, ga hai dana diba e kave mai i ana mee alodahi gi lua hanonga e kii ange ai. Go hiidinga go tama aana ne hagadili i dono masavaa e dama daane ai. Gai de boolonga o de ganimua gu gaavange gi de ia.

Exodus 13:2

“Goodou hagadabu ina mai gi de au dama a denga manu e haanau i mua ma dama maatua alodahi a de gau Israel; gilaadeu niiagu.”

Exodus 32:32

Aagai noo koe e malangilangi, gai koe degi ange gi olaadeu haisala; gai noo e deai, gai au e dangidangi adu, sooloa dogu ingoo mai i lo tau beebaa gu sisi ai laa ingoo.”

1 Corinthians 15:49

Gai e bei ai hogi, gidaadeu ne hagadulagi ange gi tangada henua i lalo, aagai gidaadeu e hagadulagi ange naa hogi gi tangada mai i de langi.

Hebrews 2:12

ma de hai ange, “Au e tala ange naa doo ingoo gi ogu daina; gai au e daahili naa ga tuhi goe madali doo hagabuulingaa dangada.”

Revelation 6:9

Gai de masavaa huu aana ne oha ai de lima mee hagamakaga laa, gai au ne gidee i lalo de mommee o ssigidaumaha denga hagasaalunga o dangada ne daia ga maakau, i hiidinga muna a de Maadua ma delaadeu agoago i muna laa.

Revelation 6:11

Gai gu gaavange gi gilaadeu denga malo tea, ma de tala ange gilaadeu gi hagammabu ange i dahi masavaa bodobodo, ga dae ai gi de odi mai olaadeu soa ange laa, gai olaadeu daina ne daia laa ga maakau bei olaadeu dagodo gu odi ange hogi.