Hebrews 12:22 - De Beebaa Dabu

²² Aagai goodou gu loomai gi de mounga go Zion ma de aduhale o de Maadua e mouli laa, go Jerusalem i de langi, ma de hagabuulinga soa o de gau de langi e hagabuni laa ma de malangilangi,

Hebrews 12:22 Referans Kwoze

Philippians 3:20

Aagai gidaadeu, taadeu henua go de langi, go kilaa iai Iesu Klisdo Tagi Maolunga, gai gidaadeu e hagaduu ngae e tali dono ahe mai.

Galatians 4:26

Aagai Jerusalem i de langi laa e ilaage, deenei tinana odaadeu alodahi.

Revelation 14:1

Gai au ne galo adu ange gu gidee Ssiibi Gauligi e duu i honga de mounga go Zion, gai e tuu madali ia e 144,000 dangada gu sisi ange gi honga olaadeu lae dono ingoo ma de ingoo o dono Damana.

Psalm 48:2

e mahamaha gai e maolunga, go de mommee e malangilangi ai henua i lalo alodahi, go de mounga go Zion, e duu laa i baasi ngaiho, go de aduhale o de Hodooligi maolunga.

Revelation 21:2

Gai au ne gidee de aduhale dabu, go Jerusalem hoou, e hano iho i de langi i daho de Maadua, gai gu lava i de hagadanuaa bei dagodo o de hine gu dai hagahai bodu gu gahu laa e hagadabena ange gi dono bodu.

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Revelation 22:19

Gai be goai e aaua gee dahi mee mai i muna pelaabisi gu sisi i lo te beebaa nei, gai de Maadua e aau gee naa hogi dono duuhanga mai i de manu o de mouli aama mai i de aduhale dabu gu tala laa olaau dagodo i lo te beebaa nei.

Revelation 3:12

Be goai e kii, gai au e hai ia gi se duludulu i lo te temple o dogu Maadua. Gai ia e dee ahe ange naa donu e hano gee i kilaa. Gai au e sisi ange naa gi de ia de ingoo o dogu Maadua, ma de ingoo o de aduhale o dogu Maadua, go Jerusalem hoou, e hano iho laa i de langi i daho de Maadua, aama dogu ingoo hoou.

Hebrews 13:14

Go hiidinga kinei e deai donu sedaadeu aduhale e dagodo ga hano ai, aagai gidaadeu e ssala de aduhale gu dai humai laa.

Hebrews 11:10

Gai ia ne ssala dahi aduhale e hanu ono dagelo, gai de labagau ma de ia ne hagaduulia go de Maadua.

Joel 2:32

Gai dangada alodahi e hagahia ange de ingoo o Tagi Maolunga e hagamouli; Gai dangada e hagaola naa i honga de mounga go Zion ma Jerusalem, bei de hai a Tagi Maolunga gu tala ai laa; dangada ne ola, go gilaadeu a Tagi Maolunga ne hagahi.

Hosea 1:10

Aagai de soa o dangada o Israel e bei naa de lagolago o denga gelegele i gabugabu tai, e dee maua laa i de hagabau aabe go de dau. Gai de mommee gu tala ai laa olaadeu dagodo ma gu hai ange, “Goodou e dee go ogu dangada,” e sui naa ga hai ange, “Goodou go dama a de Maadua e mouli laa.”

Daniel 7:10

Gai e dahi ahi e sali laa bei ssaalingaa vai, e sali mai i ono mada i mua. Gai e mano e hagalagolago ange gi e mano dangada e daumaha ange gi de ia; gai e dahisemada e hagalagolago ange gi e dahisemada dangada e tuu i ono mada i mua. Gai de mommee hagamodu muna gu hagadabena, gai gu hhuge denga beebaa.

Isaiah 60:14

Dama a dangada nogo hagaduasala ina goe e loomai naa ga ino adu gi de goe; gai gilaadeu alodahi nogo kino i de goe e ino naa gi lalo i gaogao luoo vae; gilaadeu e hagaingoo adu naa goe go de Aduhale o Tagi Maolunga, go Zion o de Ia Dabu o Israel.

Isaiah 59:20

“De Ia Hagaola e humai naa gi Zion, gi daho dangada o Jacob gu daahuli gee laa i olaadeu haisala,” go Tagi Maolunga e hagadaba.

Isaiah 28:16

Gai e hagadaba de Ia Aamua go Iahweh; “Tilo, au gu hagaduu dahi hadu e hai ai tagelo i Zion, se hadu gu lava i de hagadanuaa; gai go tuludulu o de logunga hagamogomogo, gai se dagelo makaga; gai be goai e hagadonusia e dee hai mee hagamoolau.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

2 Kings 19:4

Kana adu Tagi Maolunga doo Maadua e hagallongo naa muna alodahi a de Rabshakeh, go muna a dono dangada aamua, de hodooligi o Assyria ne hagailoo mai, ma e basa hagamaolunga ai i de Maadua e mouli laa, gai ia ga hagasee ai ia i hiidinga muna a Tagi Maolunga doo Maadua gu langona naa. Deenei ai, dalodalo i dangada goi mouli laa.’ ”

Revelation 21:10

Gai tangada de langi laa ne kave au gi honga dahi mounga maolunga mmao i ssauaa o de Hagasaalunga ⌊Dabu⌋ ga hagaago mai de aduhale dabu go Jerusalem e hano iho laa i daho de Maadua i de langi.

Revelation 7:2

Gai au ne gidee ange hogi dahi dangada de langi e hanage i baasi i dua, gai ia e poo de mee hagamakaga a de Maadua e mouli laa. Gai ia ne oo ga hai ange gi denga dangada de langi e dogohaa laa, go de gau de langi gu gaavange laa aagena ssauaa e oha ai honga de henua ma honga tai,

Jude 1:14

Aanei gilaadeu a Enoch ne tala pelaabisi laa i de hidu atangada i dua o Adam, ga hagadaba, “Tilo, Tagi Maolunga e humai naa madali ono dangada de langi dabu soa mmao,

Daniel 6:26

Au gu hagasauaa dahi hainga i dogu nohoanga hodooligi alodahi, bolo dangada alodahi gi maatagu ma de hagadubu de Maadua o Daniel. Go ia de Maadua e mouli laa ga hano ai e dee ngado mai; dono nohoanga hodooligi e dee oha naa donu, dono sauaa e dagi ai e deai naa donu se odi.

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Isaiah 51:16

Au gu hhao agu muna gi lo too ngudu, ma de haoli goe i de malu o dogu lima; go au donu ne hagaduulia de langi, ma henua i lalo i olaau mommee, go au ne hagadagodo denga dagelo o henua i lalo, gai go au ne hai ange gi Zion, ‘Go goodou ogu dangada.’ ”

Psalm 87:3

De aduhale o de Maadua, gu lagolago mee gu tala hagadanuaa ai oo dagodo! Selah

Psalm 84:2

Au e hinangalosaa aama de lodo mmao e tilo de buibui o de hale o Tagi Maolunga; ogu lodo ma dogu ngudu e daahili i de malangilangi ange gi de Maadua e mouli laa.

Psalm 2:6

“Au gu hagasula de Hodooligi aagu gu hili i dogu mounga dabu go Zion.”

Joshua 3:10

Gai Joshua ga hai ange, “Deenei doodou hai e iloo ai bolo de Maadua e mouli laa e noho donu i oodou daha, gai ia e hai naa donu gi hulo gee de gau Canaan, mai i oodou mada i mua, ma de gau Heth, ma de gau Hiv, ma de gau Perez, ma de gau Girgash, ma de gau Amor, aama de gau Jebus.

Deuteronomy 33:2

Ia ne hagadaba: “Tagi Maolunga ne hano iho i Sinai ga hagamaalama gilaadeu mai i Seir, gai ne hagamaalama mai hogi i de mounga go Paran. Ia ne humai madali de gau dabu e dahisemada, gai ia e poo de ahi ula i dono lima madau.

Deuteronomy 5:26

Gai gu dahi ange laa dangada ne langona de leo o de Maadua e mouli laa, e basa mai ai i lo te ahi, bei demaadeu hai ne langona ai anailaa nei, gai ia goi mouli huu?

Hebrews 10:31

Gai se mee hagamaatagu mmao taadeu too ange gi lo te lima o de Maadua e mouli laa.

Hebrews 9:14

aagai e kii ange donu dodo o Klisdo i de maua i de hai de mee nei. Ia ne dugu ange dono angaanga gi de Maadua, e deai laa mee baubau iai, i ssauaa o de Hagasaalunga e dee ngado mai laa, gai ia ga hai ai ssigidaumaha e hagagilimalali ai tagi i odaadeu lodo mai i hegau o de magau, gi maua ai e gidaadeu i de daumaha ange gi de Maadua e mouli laa.

Hebrews 3:12

Denga daina, goodou dagidiiloo gi deai se goodou e daohia dahi lodo baubau be go tee hagadonusia, ga dagi gee ai goodou i de Maadua e mouli laa.

1 Thessalonians 1:9

Gai dangada gu tala dagodo o doodou abodonu mai gi gimaadeu, ma doodou daahuli gee mai i denga diinonga ga hai daumaha ange gi de Maadua abodonu e mouli laa,

Romans 11:26

Deenei de hai o Israel alodahi e hagamouli ai. Bei de hai gu sisi ai laa: “De Ia Hagaola e humai naa i Zion; gai ia e aau gee naa baubau o Jacob.

Romans 9:26

Gai de mommee ne hai ange ai laa gi gilaadeu, ‘Goodou e dee ni dangada niiogu,’ gai go kilaa hogi olaadeu e hagabinga ai bolo go dama a de Maadua e mouli laa.”

Matthew 5:35

be gi hagatoo donu i henua i lalo, i hiidinga go de mommee e dugu ange aagena luoono vae; aabe go Jerusalem, i hiidinga go de aduhale o de Hodooligi maolunga.

Isaiah 14:32

Dee hee dau hai e basa ange ai gi de gau sui o de huaahenua laa? Hai ange, “Tagi Maolunga gu hagaduu gi makaga Zion, gai ono dangada nogo vaivai haia laa e gidee naa delaadeu mommee buibui i ono daha.”

Psalm 68:17

Hada hebagi o de Maadua e lagolago ange i tahisemada, gai e lagolago ange i tahiseguli; de Ia Aamua gu humai i Sinai gi dono mommee dabu.

Matthew 16:16

Gai Simon Peter ga hai ange gi de ia, “Go koe donu de Klisdo, Tama Daane a de Maadua e mouli laa!”

Psalm 42:2

Au e lodo mmao i de Maadua, go de Maadua e mouli laa. Gai go aahee oogu e humai ai gi mada luu mada o de Maadua?

Isaiah 24:23

De masavaa laa gai de maasina e senga ange naa, gai de laa e dogaa naa, go hiidinga Tagi o denga hagabuulinga hebagi e hodooligi naa i honga de mounga go Zion aama Jerusalem, gai ia e hagamahamaha naa i madamada o denga daane maatua o Jerusalem.

Isaiah 27:13

De laangi laa gai dahi hanga manu laumalie e ili naa. Gai dangada gu dai maakau laa i Assyria ma gilaadeu gu noonoodia laa ma gu gaavee gi Egypt, e loomai naa ga daumaha ange gi Tagi Maolunga i honga de mounga dabu i Jerusalem.

Jeremiah 17:25

gai denga hodooligi e nnoho i honga de nohoanga hodooligi o David, e ulu mai naa ma de ssao ga hulo i denga haitoga o de aduhale nei madali olaadeu dangada hai hegau. Gilaadeu ma olaadeu dangada hai hegau e kage naa i honga denga hada ma honga hoosa ga loomai ai, madali denga daane o Judah aama dangada e nnoho i Jerusalem, gai de aduhale nei e nnoho ai dangada ga hano ai.

Ephesians 2:19

Deenei ai, goodou gu dee ni dangada tua de mee aabe ni dangada henua gee, aagai gu ni dangada donu de henua madali dangada o de Maadua, goodou gu ni dangada donu dono huaabodu.

2 Timothy 4:18

Gai Tagi Maolunga e hagaola naa donu au mai i denga hegau baubau alodahi, ma de hagaola au ga kave gi dono nohoanga hodooligi i de langi. Gai hagamahamaha ina ia ga hano ai e dee ngado mai. Amen.

Hebrews 11:16

Aagai deenei tagodo, gilaadeu ne llodo mmao i de henua e danuaa ange — go de henua i de langi. Deelaa ai, de Maadua e dee dogaa donu i de hagabinga go delaadeu Maadua, go hiidinga ia gu hagadabena ange dahi aduhale gi gilaadeu.