Hebrews 12:15 - De Beebaa Dabu

¹⁵ Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

Hebrews 12:15 Referans Kwoze

Hebrews 3:12

Denga daina, goodou dagidiiloo gi deai se goodou e daohia dahi lodo baubau be go tee hagadonusia, ga dagi gee ai goodou i de Maadua e mouli laa.

Deuteronomy 29:18

Gai goodou dagidiiloo gi deai se daane be se hine, be se huaabodu, aabe se aamuli e daahuli gee i Tagi Maolunga doodou Maadua ailaa nei, ga daumaha ange gi diinonga o denga huaahenua. Gai kana ange diiloo gi deai se goodou e bei dagodo o de manu somo, iai aga e hhua mai ai denga hua hagammau, ma de mmala i oodou magavaa.

Galatians 5:4

Goodou e daudali laa i de hainga e hagaheohi ai goodou, goodou gu vvae gee donu goodou i Klisdo; goodou gu dee maua i de kave de abodonu o de Maadua.

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

2 John 1:8

Goodou dagidiiloo gi dee dilia e goodou mee oodou gu hagaduu ngae ma gu hai hegau ange aagena, aagai goodou gi maua i de kave doodou hagaoanga alodahi.

1 Corinthians 15:33

Goodou gi dee hagasengalia: “De hai soa ange gi de gau baubau e oha denga dahulinga danuaa.”

2 Peter 3:14

Deenei ai, ogu soa hagamogomogo, go hiidinga goodou e tali de hai mee nei, goodou hagaduu ngae haia gi deai duulangaa mee gelegele, aabe ni mee baubau i oodou daha, aama de nnoho paba.

Hebrews 4:1

Deenei ai, go hiidinga goi dagodo huu de hagatoo donu e ulu ai i de hagamaabunga laa, gidaadeu gi maatagu, kana dee maua e dahi goodou i de ulu ai.

1 Corinthians 5:6

E dee danuaa doodou tuhi donu huu goodou. Goodou e dee iloo bolo hanu momo mee hagahua e hai ga hua de laabungaa pelaoaa alodahi?

Jeremiah 2:21

Au ne doo goe gi se grapevine danuaa, se golee mai i de manu danuaa. Gai gu aha goe gu hai baasi mai gi de au ma gu sui ma gu se grapevine lodo henua?

Proverbs 4:23

Gai de mee e hagamogomogo ange i mee alodahi, go de dagitilo dagodo oo lodo, go hiidinga go kilaa iai mee o de mouli.

Hebrews 4:11

Deenei ai, gidaadeu ga hagammahi gi ulu gidaadeu i de hagamaabunga laa, kana dee maua e gidaadeu i de ulu ai i taadeu dee hagallongo ange gi de Maadua.

2 Corinthians 13:5

Goodou dagidiiloo iho gi danuaa oodou lodo, be goodou e daohi naa huu de gai. Hagataalea ange ma gi diiloo oodou dagodo. Goodou tigi tonu ange naa donu bolo Iesu Klisdo e noho i oodou lodo? Noo e deai, aagai goodou tee maua donu i de daohi de gai.

1 Corinthians 10:12

Deenei ai, tangada e maanadu laa bolo ia e duu ma e makaga gi kana ange gi dee baguu ia.

1 Kings 14:16

Ia e tili naa Israel i hiidinga haisala o Jeroboam, ma dana hai de gau Israel ga haisala.”

Hebrews 6:11

Gai gimaadeu e llodo goodou alodahi gi duudagi ina de hai hegau hagammahi ga dae ai gi de hagaodi, gi maua abodonu ai e goodou mee oodou e tali hagalodolodo ange laa aagena,

Deuteronomy 32:32

Delaadeu grapevine ne gaamai i Sodom, gai se manu mai i denga veelenga o Gomorrah. Olaadeu grape e hoohonu i mee hagammau, gai olaadeu gau looloa e mmala.

Deuteronomy 4:9

Gai goodou dagidiiloo dagodo o oodou lodo, gi dee ngalo ai e goodou mee oodou gu gidee, aabe go de ssolo mee nei i oodou lodo i taulooloa oodou mouli. Gai goodou agoagona ange mee nei gi oodou dama aama dama a oodou dama e loomai i olaadeu dua,

2 Peter 2:18

Gilaadeu e pasa hagassoenga i mee e deai haigamaiana, gai e hai hegau i lodo hakino gee o de angaanga ma e hagasengalia laa dangada, se goodo ola mai laa i daho dangada e mouli dee heohi.

Colossians 3:5

Deenei ai, goodou daia gi maakau lodo o henua i lalo e hai hegau laa i oodou lodo: go de hai be se manu, ma dahulinga hakino gee, ma de lodo dee heohi, ma de lodo e hai de baubau, ma de nnoo hagamau mee, mee nei e bei donu de daumaha ange gi denga diinonga.

Ephesians 5:3

Aagai gi deai donu se dangada hai be se manu i oodou magavaa, be se dangada dahulinga hakino gee daudahi, aabe go de nnoo hagamau mee; go hiidinga mee nei e dee heohi ange donu gi dangada o de Maadua.

Galatians 2:13

Gai ia ne kave lodo o denga daane Ssuu ange laa gi hai hegau i de mee dee heohi, gai gilaadeu ne kave ai hogi lodo o Barnabas, gai ia ga daudali ange i alaadeu hegau dee heohi.

1 Corinthians 13:8

De aloha e dee helui donu. Aagai denga muna pelaabisi e hagadeai naa donu; de basa i denga hagadaagangaa muna e tuu naa donu; gai de iloo mee e lilo naa hogi.

Exodus 32:21

Gai Moses ga hai ange gi Aaron, “Ni aha a de huaadangada nei ne hai adu laa gi de goe, gai koe ga dugu ange ai nei gilaadeu gi haia de baubau laumalie nei?”

2 Peter 3:11

Go hiidinga mee alodahi e odi naa donu i de oha, gai dee hee ai naa doodou hai e mouli ai iainei? Goodou gi ni dangada e dabu ma de hai lodo o de Maadua,

2 Peter 1:10

Deenei ai, denga daina, goodou hagaduu ngae haia gi too donu doodou hagahia aama doodou hilihilia. Noo goodou e hai mee nei, gai goodou e dee aahe dua donu.

Isaiah 5:7

De veelengaa grape a Tagi o denga hagabuulinga hebagi go de hale o Israel, gai dangada o Judah go de veelenga oona e malangilangi ai laa. Ia ne ssala de hagamodu muna heohi i kilaa, aagai tilo, go de daa dangada donu huu aana ne gidee; ia ne saalaa de heohi, aagai tilo, go de tangi donu huu o dangada aana ne langona!

Isaiah 5:4

Ni aha ange aagu tee hai ange laa gi dagu veelengaa grape? Au ne tali gi loage ai denga grape danuaa, gai gu aha gu ni grape baubau donu huu ne hhua mai ai?

Joshua 6:18

Aagai goodou kana ange gi dee gaavee e goodou denga mee gu hagamodu e oha, kana hagamalaia goodou i doodou kave hanu mee laa, gai goodou ga hai ai gi se mee e oha ma de gaamai de hai ngadaa gi de mommee nnoho gaainga.

Luke 22:32

Gai au gu dalodalo i de goe gi dee helui ai doo gai. Aagai de masavaa naa huu oou e ahe mai ai, gai koe ga hagammahi ange oo daina.”

Titus 1:15

Gai mee alodahi e gilimalali ange gi tangada e gilimalali ana dahulinga, aagai ange gi tangada e hakino gee ana dahulinga gai e dee hagadonusia, e deai donu se mee daudahi e gilimalali, go hiidinga alaadeu maanadu aama olaadeu lodo e dee gilimalali.