Hebrews 11:4 - De Beebaa Dabu

⁴ De gai o Abel ne hai ga maua e ia de hai dahi ssigidaumaha e danuaa ange laa i ssigidaumaha a Cain. Gai ia ne hagabinga bolo se daane e heohi i hiidinga o de mee nei, gai de Maadua ne malangilangi i ana mee ngadi gaavange. Gai ia e duudagi donu de basa iainei i dono gai, e dee galemu donu ia gu magau.

Hebrews 11:4 Referans Kwoze

Hebrews 12:24

ma daho Iesu, de ia e hano i magavaa o dangada ma de Maadua, i de hagatoo donu hagaheloongoi hoou, ma de hagatoo madaua ange dodo e daalaa muna e danuaa ange laa i dodo o Abel.

Genesis 4:10

Gai Tagi Maolunga ga hai ange, “Se hegau bee hee aau gu hai nei? Tilo, dodo o doo daina e tangi mai gi de au i lo te gelegele.

Jude 1:11

Gilaadeu e vakaa naa donu! Go hiidinga gilaadeu e seesee i de haiava o Cain, ma de hai gi maua alaadeu mee, bei hegau dee heohi a Balaam, gai gilaadeu e maakau bei dagodo o Korah i de hai alaadeu hai.

Matthew 23:35

Gai dodo o de gau heohi oodou gu daa ga maakau i henua i lalo alodahi, e dau adu naa gi goodou, mai i dodo o Abel ga dae ai gi dodo o Zechariah tama daane a Berekiah, go taane oodou ne daa ga magau i magavaa o de Aabi Dabu ma de mommee o ssigidaumaha.

Proverbs 15:8

Ssigidaumaha a tangada baubau se mee hakino gee i daho Tagi Maolunga, aagai ia e malangilangi i dalodalo a dangada e heohi laa.

Hebrews 9:22

Gai e dai odi donu mee alodahi i de hagagilimalali i dodo i de hainga a Moses, gai e dee maua donu i de degi ange gi haisala o dahi noo e dee hagassali dodo.

Genesis 4:15

Gai Tagi Maolunga ga hai ange gi de ia, “E dee deenaa tagodo! Gai be goai naa huu e daia goe ga magau, gai e sui ange naa gi de ia i e hidu hanonga.” Gai Tagi Maolunga ne hai dahi hagailonga ga maaga ai a Cain, kana hedae ange dahi dangada gi de ia ga daa ia gu magau.

Genesis 4:8

Gai a Cain ga hai ange gi dono daina daane, “Gidaau ga hulo gi tuu malaelae.”  Gai de masavaa olaau e nnoho ai i tuu malaelae, gai a Cain ga hebagi ange gi dono daina go Abel, ga daa ia gu magau.

Hebrews 12:1

Deenei ai, go hiidinga e soa mmao de gau tala hagadonu, e daumada ina ma de duuli ina gidaadeu bei denga giliiga, deenei ai, gidaadeu ga tili mee alodahi e hagalaavea ina laa gidaadeu, ma de haisala e hai ngaohie laa taadeu noodia ai. Gai gidaadeu gi llodo mmahi i de saavini e houhou ange gi de mee gu hagailonga mai gi gidaadeu.

Luke 11:51

mai i dodo o Abel ga dae ai gi dodo o Zechariah, ne daa ga magau i magavaa de mommee o ssigidaumaha ma de Aabi Dabu. Ni muna abodonu aagu e hai adu nei gi goodou: de atangada nei e hagaduasala naa donu i hiidinga dodo nei.

Proverbs 21:27

Ssigidaumaha a tangada baubau se mee hakino gee; gai e kii ange donu de hakino gee noo se mee ne hai i de maanadu baubau!

1 Kings 18:38

De masavaa laa donu huu, gai Tagi Maolunga ga hai de ahi gi hano iho, gi duungia ssigidaumaha laa, ma denga lahhie laa, ma denga hadu ma gelegele laa, aama de hai gi masa vai i lo te valavala laa.

Leviticus 9:24

De ahi gu hano iho i daho Tagi Maolunga ga dudu ssigidaumaha dudu ma mee moomuna, i honga de mommee o ssigidaumaha laa. Gai de masavaa huu a dangada alodahi ne gidee ai de mee laa, gai gilaadeu ga hevaalogi, ga ino gi honga de gelegele.

Genesis 4:25

Gai Adam ne ahe ange ga hagahebaa ma dono bodu, gai de hine laa gu haanau dahi dama daane ga hagaingoo ange ia go Seth, i hiidinga ia ne hagadaba, “De Maadua gu gaamai gi de au dahi dama e sui ai Abel, go hiidinga a Cain gu daa ia ma gu magau.”

Titus 1:16

Gilaadeu e hagataba bolo gilaadeu ni dangada e iloo de Maadua, aagai alaadeu dahulinga e hagahadu muna ia; gilaadeu ni dangada e haia dahulinga baubau ma tee hagallongo i muna, gai e deai olaadeu haigamaiana ange gi hegau danuaa.

Hebrews 5:1

Tangada haimeedabu maolunga ne hili mai i magavaa o dangada, ma de dongi ange gi suuia ai dangada i mada i mua o de Maadua, ma de gaavange mee ngadi gaavange ma de hai sigidaumaha ange gi haisala.

Hebrews 11:2

Gai go de gai a de gau madagidagi ne maua ai i de hagamalangilangi de Maadua.

2 Peter 2:8

(go hiidinga mee a taane heohi laa gu gidee ma de langona i dono noho i olaadeu magavaa, ne hai ga kona mmao de duasala ono lodo i laangi alodahi, i hiidinga o alaadeu hegau baubau) —

De Beebaa go Job 8:10

E aha, gilaadeu e dee agoago adu naa goe ma de tala adu gi de goe? Gilaadeu e dee agoago adu naa goe i alaadeu mee gu tonu ange aagena?