Hebrews 11:35 - De Beebaa Dabu

³⁵ Denga haahine ne gidee de mouli age o olaadeu dangada maakau. Hanu ne hagaduasala, gai tee llodo e hagaola gilaadeu, gi maua ai e gilaadeu i de kave de mouli age e kii ange laa tanuaa.

Hebrews 11:35 Referans Kwoze

Philippians 3:11

gai noo e maua gai au e maua hogi gi mouli age mai i de magau.

Acts 9:41

Gai Peter ga poo dono lima ga hagahidi age ia gi duu gi lunga. Gai ia ga hagahi dangada o de Maadua, ma denga haahine gu maakau olaadeu bodu, ga gaavange de hine laa gi gilaadeu, ia gu mouli.

Acts 24:15

gai au e tali hagalodolodo ange gi de Maadua bei olaadeu dagodo, bolo e dahi donu mouli age olaadeu e heohi aama gilaadeu e dee heohi.

1 Corinthians 15:54

De masavaa naa huu e sui ai de angaanga bobo nei ga se angaanga e dee bobo, gai de angaanga magau nei e hai gi se angaanga e dee magau, gai gi hagassula ai muna e sisi laa e hai ange: “De magau gu hai ma gu lilo i de hagadee kii ina!”

Acts 23:6

Gai ga iloo huu e Paul bolo hanu dangada i kilaa ni Sadducee, gai hanu ni Pharisee, gai ia ga hagaleo laumalie i mada i mua o de hagabuulinga hagasaele, ga hai ange, “Denga daina, au se Pharisee, gai se hagadiilinga niio denga Pharisee. Gai au gu hagamodu ogu muna i hiidinga dagu tali hagalodolodo ange gi de mouli age o de gau maakau.”

Acts 22:29

Gai denga daane ne loomai laa e haia siilingaa muna ne hagamoolau ga hulo gee mai i ono daha. Aagai tagi o de hebagi gu madagu i dua dana iloo bolo a Paul se dangada Rome donu, go hiidinga ia gu lava i de nnoa ia.

Acts 4:19

Aagai Peter ma John ga hai ange gi gilaadeu, “Dee hee de mee e heohi i mada luu mada o de Maadua, go demaau hagallongo adu gi goodou, aabe go demaau hagallongo ange gi de Maadua?

John 5:29

gai gilaadeu ga hiihidi age ga ssao mai; gilaadeu ne haia tanuaa, e mouli age naa ga kave de mouli, gai gilaadeu ne haia de baubau, e mouli age naa ga kave de hagaduasala.

Luke 14:14

gi manuuia ai goe, go hiidinga gilaadeu e dee maua i de hagao adu goe. Gai koe e kave naa doo hagaoanga i de masavaa e mouli age gilaadeu e heohi.”

Mark 12:25

De masavaa naa huu olaadeu e mouli age ai, gai gilaadeu e dee hai bodu aabe gaavange gi hai bodu; gilaadeu gu bei dagodo o denga dangada de langi i de langi.

Matthew 22:30

E deai donu dangada e hai bodu aabe e gaavange gi hai bodu i de mouli age, gai gilaadeu e bei naa dagodo o denga dangada de langi i de langi laa.

Luke 20:36

Gilaadeu nei e bei naa donu dagodo o de gau de langi, gilaadeu e dee maakau ange. Gai gilaadeu go dama donu a de Maadua, i hiidinga gilaadeu gu mouli age mai i de magau.